السلام عليكم ط§ظ„ط§ظ…ظ‡ط§طھ الانيقات
فالحقيقة معرفتش منين نبدا وترددت كتير قبل منكتب هاد الموضوع
علاش ؟
ببساطة لاني خجلة من ربي ومن نفسي و منكم
علاش؟
انا ولدي دبا عندو عامين تقريبا كيبكي بزاف ونعاسو جدا خفيف لدرجت انني مكنقدرش نحرك تا حجا
فلوقت ديال الشقا كيبدا يبكي رغم انه تيكون واكل ومبدل ومدوش وكلشي تمام
كيبدا يضرب راسو ويقمش ويعض فالفوتوي لا اله الا الله
انا مكنتحملش وكنضربو وملي كنضربو كندم وكنبقى نبكي لانني عارفة تماما العواقب ديال الضرب على الاطفال ورغم دالك كنضربو حاولت مرارا وتكرارا فعلا الحمد لله كنقدر نغير تصرفي لمدة ولكين كنرجع تاني . انا كنبغي ولدي بزاااااااف وعمرني متخيلت ااني غدي نضربو
عييت وكنحس بالدنب
دكشي علاش فكرت فهاد التجمع لعلى وعسى نلقا بينكم الاخوات لي يقدرو ايساعدوني والى كاين الي عندها نفس المشكيل تدخل نتعاونو نصلحو راسنا ونربيو ولادنا صح
في امان الله
بانتظاركن واحبكن فالله
وصلى الله وسلم وبارك على سيدنا محمد واله وصحبه اجمعين
j[lu hghlihj gd ,g]hjil ,huvdk uwfddk
الحمد لله راني كنحاول مع راسي الحمد لله شوية بشوية
حتى نتبدل للاحسن يارب
كنقرا داكشي لكتبتيه بحال لكتبتيه عليا أنا والله. بنتي عندها 4 و نص، وبنتي أخرى 3 ونص. مكنرتاحشي لا ليل ولا نهار، بنتي الكبيرة كتبكي بلا سبب، درت الخاطر والو، ضربت ضرب دالمعقول، والو وليت أنا باش نقوليها سكتي، وليت كنقولها ليها حتى أنا بالغوات سكتييييييي بلا منحس، نعاسها خفييييف منقدرش ندخل عندها باش نغطيهم هي وختها، ومع 6 صباح كتفيق وخص كلشي افيق أو تغوت أو دير شي حاجة باش نفيقو…
المشكلة لعندي وهي بالنهار مكتلعابش باللعب ،التلفزة مكتفرجشي فيها وآالو، كنكلس معاها باش نشوقها ونحببها فيه، صراحة لقيت راصي لصغيرة حفظ كل برامج ديال براعم و التوقيت، وكتموت على جرى و نقيز، هي و اختها، و كنخاف اطيحو على شي حاجة، اتهرسو…. يعني والله ملقيت الحل لهاد الجرى ونقيز… الله اشوف من حالي ويهدي ولادنا ،الله يغفر لي لو ظالمة ولادي ولكن كلشي باش نربيوهم و ميضروش …
والأطفال يسمعون هاد الكلام واخا يظهر لك أنه متيفهموش, ولكن تيحسوا بمعنى كل كلمة
أول حاجة الى كنت تترددي هاد الكلمة ديال ولدي معصب حداه حدفيها من قاموسك اللغوي
تاني شيء, حاولي تعطيه شاي البابونج كأس صغير جدا في اليوم.
حاولي تماسكي نفسك ومضربيهش, واخا صعيبة حيت أغلبيتنا كبروا بالضرب واخا تنقولوا معمرنا نضربوا وليدتنا, منين تنجوا للواقع يديك تتسبقك { من شب على شئ شاب عليه}…انت مازال متنويتش ضربي تتلقاي يديك سبقتك وعملت شغلها. كلما ضربتي غادي يزيد عنادا, وغادي يزيد يغوت وانت غادي تعصبي وغادي تبغي الله يحفظ بلا ما نقول الكلمة{ الشيطان تيحضر الله ينعله } وهادشي اللي تنقول لك عن تجربة…..منين كان ولدي تيغوت بدون سبب تنغوت عليه ما يقضي فيه, نضربه ما يقضي فيه, نقرا عليه القران, صافي تنهزوا ونحيد له حوايجه وندخل ندوشوا ….تنطبق: الماء يطفئ الغضب
حاجة كنت بديت نطبقها والله يهديني حبستها كنت وراء كل صلاة نصلي ركعتين مخصصة ندعي مع ولدي باش يبرد عليه الغضب والعصبية والصراخ…والحمد لله كان لدلك نتيجة عظيمة, عظيمة جدا لله الفضل والمنة…نحمد ربي ونشكره فرق كبير.
فأنصحك بالدعاء لابنك دائما وأبدا فدعاء الوالدين مستجاب باذن الله…وكدلك العمل على دلك, حاولي تسمعي لمحاضرات لتربية الأطفال الى غير دلك
والله يعيينا جميعا
انا ولدي عنده عام و نص عاااام و نص شيبني صافي عزيز عليه اللعب الصعيب و التبقشييييييييييييش و الروييينة و اخطر حاطة يضرب و الا قلتي لا كيمشي يجري و اللي لقاها قدامه يطيحها الحلصول بسلامته قبيح حتا انا ضد الضرب و لكن حتا كنلقا راسي نزلت عليه كيف قالت الاخت لان هاكا تربينا
معرفش واش العيب فينا ولا جيلهم اللي صعيب و منين نتداو الدوا هدا هو السوال
اختي راني كنقرا في الموضوع بحال الى كتكتبي عليا حتا انا كنعاني مع بنتي قربات تكمل عامين في 26 فهاد الشهر وحتا هي عصبية بزاف وغير البكا والغوات حتا كتكلب ليا راسي وكتعصبني وكتجبد الحاجات والماعن كتخلي الالعاب ديالها وكتمشي ترون مكنبغيش نضربها ولكن مكنحس براسي حتا كنقرصها ولا كنعطيها صلخة ومن بعد كتبقا فيا وكندم معرفتش مندير معاها الله اهديها وجميع ابناء المسلمين فكنتمنى نونسو بعضياتنا في هاد الموضوع ونعاونو بعضياتنا بالنصائح والافكار باش نتغيرو نربيو ولادنا تربية حسنة وجزاك الله خيرا على هاد الموضوع
المشاركة الأصلية كتبت بواسطة أمة الفتاح 
والأطفال يسمعون هاد الكلام واخا يظهر لك أنه متيفهموش, ولكن تيحسوا بمعنى كل كلمة
أول حاجة الى كنت تترددي هاد الكلمة ديال ولدي معصب حداه حدفيها من قاموسك اللغوي
تاني شيء, حاولي تعطيه شاي البابونج كأس صغير جدا في اليوم.
حاولي تماسكي نفسك ومضربيهش, واخا صعيبة حيت أغلبيتنا كبروا بالضرب واخا تنقولوا معمرنا نضربوا وليدتنا, منين تنجوا للواقع يديك تتسبقك { من شب على شئ شاب عليه}…انت مازال متنويتش ضربي تتلقاي يديك سبقتك وعملت شغلها. كلما ضربتي غادي يزيد عنادا, وغادي يزيد يغوت وانت غادي تعصبي وغادي تبغي الله يحفظ بلا ما نقول الكلمة{ الشيطان تيحضر الله ينعله } وهادشي اللي تنقول لك عن تجربة…..منين كان ولدي تيغوت بدون سبب تنغوت عليه ما يقضي فيه, نضربه ما يقضي فيه, نقرا عليه القران, صافي تنهزوا ونحيد له حوايجه وندخل ندوشوا ….تنطبق: الماء يطفئ الغضب
حاجة كنت بديت نطبقها والله يهديني حبستها كنت وراء كل صلاة نصلي ركعتين مخصصة ندعي مع ولدي باش يبرد عليه الغضب والعصبية والصراخ…والحمد لله كان لدلك نتيجة عظيمة, عظيمة جدا لله الفضل والمنة…نحمد ربي ونشكره فرق كبير.
فأنصحك بالدعاء لابنك دائما وأبدا فدعاء الوالدين مستجاب باذن الله…وكدلك العمل على دلك, حاولي تسمعي لمحاضرات لتربية الأطفال الى غير دلك
والله يعيينا جميعا
كلام معقول الله اجعلو في ميزان حسناتك
عندي واحد السؤال كنتمنى تجاوبيني عليه مثلا كتمشي ليا لشي حاجة كترونها وعييت منهضر بالخاطر والو كترجع ومن بعد كنغوت عليها على اساس مقلقة منها او تخلي ديك الحاجة والو كترجع ترون في هاد الحالة كنضطر نضرب باش تخاف حيت في الحقيقة هاد الجيل مكيخاف من تاحاجة حتا العصا مكيخافو منها