السلام عليكم و رحمة الله و بركاته
المعيكيزات عيييت نتسنا شي وحدة تفتح التجمع ساعة والو أما بعد هههه مبروووووك علينا جميع الزيادة و الله يسهل على ط§ظ„ظ„ظٹ مزالات و الله يرزق كل محرومة إن شاء الله نتمنى هد التجمع يلقى التجاوب ديالكم و نرجعو نتجمعو كيفما كنا نتبادلو الأفكار و المعلومات و تعم الفائدة على الجميع
j[lu hgHlihj hggd ,g], thgHaiv 6K5K4
حتى انا بغيت هاد التجمع باش نستافدو مع بعضنا انا واخا فايتلي والدة انما ضروري من المشاورة
قوليلي كاين شي سهير كاتنعسي ولالا واش كاترضعي طبيعي ولا صناعي وكيف جاتك الامومة واش ولدتي طبيعي ولا فتيح
شكرا ا رحاب على التجمع انا كنت نتسنى حتى كلشي يولد عاد نفتحو التجمع هههههههههههه
كين شي سهير و لا والو
انا بنتي كل نهار و رزقو هههههههههه نهار نعسو و نهار نسهرو انا كنرضع طبيعي و صناعي كندير ليها نان 1 هاد الساعة الحمد لله موافقها
المشاركة الأصلية كتبت بواسطة lihamo 
مرحبا بيك معانا و مبروك عليك العزري
المشاركة الأصلية كتبت بواسطة سهام المغربية حتى انا بغيت هاد التجمع باش نستافدو مع بعضنا انا واخا فايتلي والدة انما ضروري من المشاورة
قوليلي كاين شي سهير كاتنعسي ولالا واش كاترضعي طبيعي ولا صناعي وكيف جاتك الامومة واش ولدتي طبيعي ولا فتيح
اهلا سهام كيف بقيتي من الولادة و كيف راها جنى و روميساء كاين شي غيرة و لا والو
مازال كسهر جنى
ألف مبروك للأخوات اللي ولدو والعقبة للبقية الله يفك وحايلهم على خير
أنا ولدت هدي 24 يوم سيزاريان
نتمنى هد التجمع يلقى تجاوب نفيدو ونستافدو من الأخوات
اختي حسناء الغيرة هي الي كاينة رميساء مرضات ليا بزااف بالغيرة ولات نافرة الماكلة ماكاتكلش نهائيا عايشة غير بالماء وشوي الحليب واخا شريتلها السيرة ديال فتح الشهية مادارلها والو
ديتها للطبيبة ديالها قالتلي هادشي عندها نفسي ماعليكم غير الصبر ونتعاملو معاها مزيان ونديوها فيها اكثر
وبالنسبة لجنى اختي كاتنعس بنهار وتفيق بالليل في الولدة الاولى كنت الى نعسات بنهار حتى انا نعس معاها ولكن دابا مع رميساء مانقدرش نعس بنهار الى شافتني غير تكيت تبقا تبقي وتقولي فيقو مانعسوش هههههههه يعني بنهار مانحلمش بالنعاس
عاد دويت مع ماما في التلفون كانتشكا عليها قالتلي غير صبري علاه غير جيتو وكبرتو
ولكن صراحة قلت النعاس صعيبة بزااف كانبقا النهار كلو فيا الدوخة وضارني راسي الحمدلله على كل حال الله يخليهم لينا
والحليب انا كانرضعها الحمدلله وكانديرلها حتى حليب نوفالاك عطاوهلي في الكلينيك كانعطيهلها مرة وحدة في النهار وكانعطيها حتى اللويزة
وعندي بزولتي مفلحة ليا فلحة كبيرة عييت ماندير في البومادة مادارتلي والو فاش نبغي نرضع نبقا نغوت بالحريق
ماعرفت اشنو ندير معاها
اختي واش ولدتي طبيعي ولافتيح
انا والدة فتيح دغيا نشفت من الدم حيت كايحدو منو بزاف في الولدة
دابا انتي فتي اربعين يوم الى بقات فيك خاصك تستاشري مع الطبيب ديالك