تجمع: . أنا غلطت هاد الغلط، استافدوا من تجريبتي

السلام عليكن أخواتي، أنا جات على بالي فكرة هاد التجمع، أو قلت نطرحها عليكم باش نحاولوا نستافدوا من بعضياتنا، الفكرة هي: أن كل وحدة غادي تعاود لينا على شي غلط عملاتوا في حياتها وسبب ليها مشاكل، باش الأخوات يحاولوا في حياتهم يتجاوزوا هاد الغلط أو يستافدو منو، ياااربي نكون مفاتيح الخير لبعضياتنا

---

j[lu:>>> Hkh yg’j ih] hgyg’K hsjht],h lk j[vdfjd>>>>

جمعة مباركة للجميع نستغفر الله في هذا اليوم ونسأله العفو المغفرة

موضوع مهم اختي جزاك الله خيرا لي عودة ان شاء الله

هادي فكرة زوينة

انا غلط 2 مراة مع راجلي ملي سمحت لغضب ديالي يتملكني بلا مانحكم عقلي حيت كانولي ندير شي تصرفات للي كاندم عليهم بزاف و بلاصت مانكون انا لمضلومة وناخد حقي كانولي انا للي كانطلب السماحة وفرة حس بلي طيحت بيه حيت كانو معانا ولديه و ندمت بزااااااااف ..
ولكن الحمد الله داركت الموقف و ماخليتوش يتطور جمعت و طويت بيني و بينو وخا خاصم عليا قدامهم طفيت العافيا قبل متشعل و تاكلني رديت قيمتي فعين راجلي

السلام عليكم انا ندمت على العقد اللي عقدت 4 اشهر قبل العرس كنت غادي نحماق من كثرة الضغط النفسي اللي عيشوني فيه دارنا من جهة غي حاضييني او راجلي من جهة حيت بغى مراتو او بقيت انا حاصلة كي نقاد الخواطر وانا مالقيتش اللي يراعي لنفسيتي ويقدرالموقف ديالي أسوأ مرحلة عشتها فحياتي نصيحتي لأي عروسة الله يتمم ليها بالخير يا أما تعقد و تمشي لدارها يا أما ما تعقد حتي الأسبوع ديال العرس

نتينا 4 شهووور انا عماااااااين 24 شهر شفت فيها عداب نفسي كبيير ماحيتي نشد الخاطر نراجلي ماحيتي لدازنا وخصوصا ماما اللي كانوا عندي معاهاسو تفاهم كبير دابا هادي 3 شهور باش تزوجت والحمد لله مكانعتبروشي غلط حيت سبحان الله كن تزوجت مباشرة كان غادي يوقع ماهو اسوا .. الحمد لله لكن بصفة عامةالبنات ماطولوشي ابدااا فالعقد خصوصا اللي والديها كابحضويوها فالدخلة والخارجة مع راجلا.. عماين كانت صعيبة بزااف

الصراحة البنات انا اكبر غلط درتو فحياتي اني سكنت مع عائلة راجلي والله يعني ويسهل عليا نسكن بوحدي

غلطت فحق راجلي بزاف كنت كانجرحو بالكلام وكانسي التصرف بزاف الحمد لله اللي صبر عليا الله يخليه ليلس وهاد الشيمء عن عمد لا ماكونتشي كانعرف نتصرف معاه الحمد لله دابا قريت وتةعيت وكبرت عقليوهو راضي عليا الحمد لله