السلام عليكم ورخمة الله تعالى وبركاته
اكيد استغربت
و من العنوان 
اه ساعدوني بلي عندها شي فكرة الله يرحم الوالدين
ملي كنصاوب شيحاجة كنتعصب بزاااف ملي مكتسخر وماعمرني نعاودها يجرا لي يجرا 
وداكشي علاش متعلمت
كنخاف تخسر لي شيحاجة زيدها على نكير الي عندها خوتها غتعرف علاش كنتكلم
ماعرفت واش انا وحدي لي هكدا ولا كاينين الناس بحالي .
… ندخل فالموضوع
اليوم قررت ندير البسطيلة بالخضر نقلتها من المنتدى ماعقلت فينهو فيهم المهم
حكيت خيزو+القرعة الخضراء+البطاطا فالصباح حطيتهم فالتلاجة
العشية ملي جيت من الخدمة درت الخضراء فالكسرولة +التوابل+القزبور تقلات هبطها
درت عليها الشعرية الصينية من بعد ما خويت عليها الماء الطايب +الطون
دهنت الورقة بالزبدة فرشتها فالطاوة حطيت العجينة ولا العجب ولا الخلطة خخخخ سمحو ليا معصبة
ايوة حكيت عليها البيض دخلتها للفرن سخون تحمرات طابت كتبان مابيها حطيناها واراك الفراجة داكشي ماعرفت مالو ماكلاها حد عاود نضنا درنا العشا ودخلت داكشي للتلاجة
عفاكم الخبيرة لي تقدر تقولي اش ندير بديك الخضرة كثيرة ومنقدرش نلوحها
عفاكم البنات لي تقولي اش من مرحلة فاش غلطت
كنت ناويا نصورها قلت الى نجحت نعاوجها عاد نصورها الحمد لله ماصورتها
لي مالقات باش تجاوبني غير شي دعيوة د الخير 
j[vfjd ggfs’dgm fhgoqv>>>>>shu],kd uh[g >>>hgofdvhj hgofdvhj fhgoqvshu],kd
13 مشاهدة انت لي درتي فيا شوي ديال الضوء يااااربي وهاد اليلة ترزقك لي نويتي
ولكن سدي ودنيك او عاوديها بالنسبة لي كنديرها بلا شعرية او كتجي رائعة هي الطون والكرعة وخيزوا والمعدنوس و الملفوف والبصل جربها او ردي علي الخبر
غير صبري ومتعصبيش والى بغيتي تعدلي شي حاجة ما تقوليها لحد حتى تصدق ليك عاد وريها ليهم وتفنني من عندك وشوفي النكهات لي كتعجب داركم زيديها باش تبنن ليك الماكلة وقبل ما تبداي قولي باسم الله توكلت على الخالق البارئ ويكون غير الخير ان شاء الله