تجربتي لكاطو المايزينا وكورنفلكس

السلام عليكم نتمنى تكونو بالف خير
انا جربت حلوة المازينا اللي فيها كورنفلكس
وضاعفت مقادير حيت عندي العرس هاد الاسبوع
وغطيتها وبنت اختي مشافتهاش وكاع تفتات لي
وش كاين شي حل نديرو ليه ولا غير رميها
بغيت نعاود نديرها من جديد
وش ممكن تعطيوني شي حل ولا شي مقادير مظبووطه
حيت هادي اللي جربتي حاتني شوية وصافي وشكرا

---

j[vfjd g;h’, hglhd.dkh ,;,vktg;s

الله غالب أختي
ربي يعوض عليك ما كانظنش عندك حل آخر غير أنك تعاوديها
الله يكمل عليك بالخير

آمين بارك الله فيك خقت تاني نعاودها وتهرس لي شكرا لردك

سلام أختي مبروك العرس ربي يكمل عليك بالخير كيف ما كنقولو هنا لمغاربة (دا معاه شر ) ما يبقاش خاطرك . هاد الحلوة كتجي هشيشة بزاف او حساسة بزاف . الحلوة لتكسرات ليك ما ترمييهاش ، طحنيها او زيدي فيها شوية ديال المكسرات محمرة او مهرمشة او جمعيها بنستلي كراميل او ديريه كويرات او فنديهم في شوكولا او ديريهم في لكوغتات كيجيو هايلين . حيت حتى أنا منين كاندير لحليوات لتهرسات او لماصدقاتش نخليهم حتى الأخير نطحنهم أنزيد فيهم كاتو هنريس ديال الأطفال او نخلاتهم بنستلي كيجيو بنان أحسن حليوة كيكون عليها الاقبال من عند مول دار كتعجبو بزاف مسكين ما عرفش بالي راح ياكل غير لمفتات ولكن من بعد عرافها ولا منين يشوف شي حاجة درتها او ما عجباتوش يقولي طحنها ههههه

نتمنى نكون عطيتك ولو فكرة بسيطة باش ما تاضيعيش في هاد لحلوى
او هاد الحلوة إلى بغيتي تعاودلها حاولي منين دريها ستفيها في بلاتو او ما دريش وحدة فوق وحدة دري غير على حساب ما يرفد ليك لبلاتو يعني وحدة قدام وحدة باش تتفداي كل حاجة يمكن تحصل

ربي يعيينك او الله يسهل عليك ما صعاب

عيد سعيد

شكرا احبيبة فرحتين ربي يجازيك كل خير ويسهل عليك ما صعاب غد ينحاول نطحنهوم ونضيح عليه بسكوي ومكسرات
ونفندهم ف شكلاط وكورنفلسك حيت بقالي كورنفلس ملقيت مندير بها كن غتديرو ف حلوة المازينا ومكتابش

ربي يعوضو ليك خير ألا يكمل عليك بالخير او يفرح قلبك او ينولك لفي بالك

كاع ماتقلقي اختي ديري كيف قاتلك الاخت عاتجي بنيييينة

اختي طحنيها وخلطيها مع نيسلي ومرغيها فالشكلاط ذايب او طحنيها مع اللوز او كاكوكاو وديري بيها حلوة الرخامة هاكذا درنا لواحد الحلو ة ماعجباتناش المهم شلا مايدار بيها انتما ابتاكرو والله يكملكم بالخير