السلام عليكم انيقاتي كيف عاملين ان شاء الله بخير اليوم جربت واحد الطاجين دوزاتو واحد الاخصائية فالطبخ فميد ط±ط§ط¯ظٹظˆ الله يعطيها خير الدارين جا غزال بزاف مبقافيه حتى فرتيتة 
وللي عجبها الطاجين وبغات المقادير انا رهن الاشارة
ها المقادير كيلو اللحم اما ملج او كتف – 2 بصلات متوسطين مشلظين-2 ضروس الثومة كاس زيت بلدية م.ص ابزار- خرقوم -سكنجبير- قرفة عواد- الربيع مقبط- زعفران شعرة- قاعقلة- وبسيبيسة فكوكوط نشحر اللحم والبصلة مشلظة والتومة والرزيت وربع كاس الما وملح وسكنجبير ونشحرو على عافية مهيلة ونخليها حتى تتقلى مزيان عاد نزيد العطرية الباقية ونشحرو تم نمرقو ونسدو الكوكوط ونخليها كطيب ملي طيب ندير فكاصرونة شوي من المرق ديال اللحم ونزيد الزبيب مرطب واللوز مصلوق ومقلي ومهرمش والقرفة ونخليه حتى ينشف ونزيد السكر او العسل ونبقا نحرك حتى يتعسل الكل وفكاصرونة اخرى نصلق البرقوق بوحدو حتى يطيب ونعسلو فشوي الزبدة والقرفة والسكر انا درت شوي ديال فاني ديال ماء الزهر ونخليه يتعسل ونحيد ليه العلفة وفبلاصتها نعمر بديك الحشوة ديال الزبيب واللوز وندوز الجناب فالزنجلان محمر ملي يطيب اللحم وتعقاد المرقة نكب كلشي فالطاجين ونزين بالبرقوق معمر وانصاف البيض المصلوق تم باللوز محمر فالوسط نسد عليه على عافية مهيلة ونخلي الكل يتعسل وهد الطاجين من الاحسن يطيب على الفاخر وباش طيب اللحم دعيا وتجي معلكة نرمي 2 تمرات بالعلف وبالشحم ديالهم وممكن نزوقوه بالمشمش فكاصرونة نديرو المشمش مع كاس الما – م زبدة قشور ليمونة – سنيدة ونخلو المشمش يطيب ويتعسل ونقطعوه بالكراضة ديال الربيع نقطعوه رقيق بزاف ونكورو ونديروه صبيعات ونمرمدوه فالكركاع مهرمش صدقوني كيجي رائع وكتحمر الوجه
j[vfjd g’h[dk hguvhqhj lk ld] vh]d, l]p
