تجربتي الفاشلة لوصفة على وجهي

السلام عليكم
اش غنقوليكم
جربت وصفة الاخت منى بيان ديال كريم غسول للوجه
والمكون من صابون الحجرة معاه ماء الورد وملعقة سنيدة وملعقة روز انا عوضتها بالحمص وشوية زيت زيتون
للامانة انا ضفت ليهم الحامض وكثرت شوية من بودرة الحمص
وداومت على الغسيل بيهم ومع المدة لاحظت لانه المعجون تنفخ كانه خمر لكن مع ذلك داومته لانه اخت منى قالت لينا لا داعي للثلاجة ومايخاف والو
المهم انا ظˆط¬ظ‡ظٹ كانو فيه شي ثلاث ديال ليتراس دلحبوب بالاكثر والباقي كان صافي غير كنت باغياه يزيد يصفى
اوا و داومت الصابون و ليكغون لوجهي وفقط يعني ما كانستعمل والو اخر و نهاااااار السبت فقت ولقيت ظˆط¬ظ‡ظٹ كللللللللللللللللللله حبوب حساسية كله مرشوش حبوب بحال السميدة
الصدمة كانت قوية صراحة ومعرفتش هادشي منين جاني معرفتش واش حيت زدت من عندي الحامض جيت نكحلها عميتها او انه الوصفة ما ولماتش بشرتي
المصيبة دابا بغيت غير شي حل يخفف لي من هاد الحساسية
شنو المعمول البنات

---

j[vfjd hgthagm g,wtm ugn ,[id

السلام عليكم الحمد لله اللي دخلت جربت هذا الغسول بالحرف أكثر من رائع ولو أن الأخت منى على ما أذكر قالت يمكن يوضع بالحمام إلا أنني وضعته بالثلاجة قلت يمكن الأخت منى عملته أيام البرد فلاداعي للثلاجة المهم الغسول نفعني كثير وعملته حتى لجسمي أظن أختي أن المكونات تفاعلت مع الحرارة وخمرت وعمرت باكتريا الخطأ خطأك أختي تصوري أن الخلطة أكل هل ستتركينها في هذا الحر خارج الثلاجة وتٱكلينها طبعا ستضرك سيري لأقرب صيدلية أو دكتورة جلدعتقي وجهك وبعدي على الشمس اللهم صل وسلم على محمد وعلى ٱل محمد

نصيحتي ليكم اخواتي ماتبقاوش تجربو في وجاهكم الا الوجه ما معاه لعب انا شخصيا مانقدرش نجرب لا في وجهي ولا حتى في ذاتي

السلام عليكم ورحمة الله وبركاته
أختي كلمة حق نقولها وسمحي ليا
الخطأ مااشي من لوصفة الخطأ منك
إلى بغيتي تلومي الأخت عليها كان علك تطبقي دكشي كما هو ودك الساعة إلى تسببات لك فشي مشكل من حقك تلوميها
ماشي مغرقاها حامض لي هو acide وكيتخمر وزايدة الحمص وتجي تقولي حقا وصفة فاشلة!!!
قولي إخترااع فاشل.لأن دك لخليط نتي لي خترعتيه ماعطاه لك حد
الوجه أختي ماااااشي تاع اللعب خدمووو عقلكم ماتقولوش حقا مواد طبيعية آآمنة ماتدير والو
راه أنا لي كندوي معاك درت mask ببودرة أوراق النيم neem powder ووجهي إلتهب لدرجة كنحس البخار كيخرج منو ورجع مافيه مايتشاف وتسدو ليا les pores عشت الرعععععب بعينيه
تحياتي

اختي لي فايت سمعت من واحد الدكتور فالراديو ان الحامض خايب نديروه للجسم مدة طويييلة فمابالك بالوجه تيخرج عليه دبا خصك تمشي لشي طبيب تالجلد يشوف ليك شي حل

الأخت ما قالتش وصفة فاشلة قالت تجربتها اللي فاشلة وأكدت أنها للأمانة دارت إضافات وإ ن كان من الأحسن متدكرش صاحبة الوصفة بالاسم اللي مكنعرفوا عليها غير الخير، والله يخليكوم متبقاوش تهاجموا شي حد بلا متستوعبوا كلامه وربما فيها خير أنها خبراتنا باللي وقع لها باش تكون عبرة للأخوات اللي بغات تطبق شي وصفة تلتزم بالمقادير المضبوطة أو بلاش منها إلا متوفراتش ليها المقادير خصوصا في الوجة لأنه حساس جدا.

ماتخافي والو الخليط تخمر وعمل ليك حساسية . المهم دابا تمشي اقرب صيدلية تثيقي فيها وخوذي شي حاجة ضد الحساسية و من الاحسن الذهاب عند الطبيب ولو لم يكن اختصاصي وما يكون باس

واختي غير بقاي تغسلي بصابون الحجرة وديري شي ايكرون او شوفي طبيبة دلجلد والله يشافيك اختي راه الحامض خايب للوجه غادي يكون هو اللي خمرلك الخليط وهو السبب فالمشكل

اختي كانضن الاخت مالامتش الاخت منى وراها كاتبة تجربتي الفاشلة وفعلا قالت للامانة زدت الحامض وهيا طلبات حل للمشكل ماشي نبقاو نلوموها والله يشافي الجميع

انا جربت الوصفة كيف ما هي بلا اضافات و باقية عندي فثلاجة
و النتيجة مرضية و معندي عليها حتا ملاحضة
متوفقتيش فاﻻضافات لي درتي اختي الحامض صعيب
و خاصنا نستعملوه بحدر
الله يشافيك