تجربتي الفاشلة لكيك رولي

السلام عليكم اخواتي
جربت كيك ط±ظˆظ„ظٹ ديال الاخت ريم
https://www.anaqamaghribia.com/vb/sho…F%E3-%E1%DF%E3
ولكن مصدقليش للاسف
مع اني طبقت الوصفة بحذافيرها راجلي كيحماق على هاد الكيك مرة مرة كيشريه
وشلاالي الضراب غير باش نديرولو
غير بغيت نعرف فين كاين الخطأ وش عندكم شي كيك ط±ظˆظ„ظٹ كيصدق ومجربينو عتقوني بالمقادير
وبغيت نعرف حتى الصينية ديال كيك ط±ظˆظ„ظٹ شحال خص يكون في العرض ديالها و الطول باش نشري شي وحدة
انا خرجاتلي رقيقة بزاف
فاش قلبتها في زيف فازك بالماء وجيت نحيد ورق الزبدة شي جناب لصقو فيهم الكيك جات مشوهة هههه
وسلكتها بسيف
ولفيتها ولفيت عليها الزيف مفزك وخليتها نص ساعه تبرد وجيت نحيد زيف لصق فيها زيف وتشربات بحالي تندات مقدرتش حتى نهزها فتحتها بصعوبة و تشققات لي وسقتها بمونادا ودهنت مربى وكريم شونتيي مهم سلكت ولكن منين لفيتها مبانوش فيها لفات جات بحالي عامرة غير كريم شانتيي بحالي كتاكلي غير لكريم
نتمنى تساعدوني

---

j[vfjd hgthagm g;d; v,gd

السلام عليكم اختي
ماشي كاع الناس من التجربة الاولى كتصدقلهم
على ما فهمت خرجاتلك رقيقة بزاف هدا يعني المول اللي استعملتي كبير خاصك مول اصغر او تضاعفي المقادير
وكنتمنى المرة الجاية تصدق وتورينا التصيورات
الله يوفقك

ختي انا درتها هادي شي شهر ولكن ماصورتش المراحل او كتصدق ليا 100في100 هاهم المقادير لدرت : 5البيضات+100gسكر+100gدقيق+خمارة +فانية كنطرب البيض او سكر او فاني مزيان حتى تولي مضاعفة 3المرات عاد كنزيد في الاخير خمارة او الدقيق او نخلط من التحت للفوق غير بشوية او كنسرحوا في لاطة دايرة 35على40 او ندخلو الفران اكون منقوص او نخليه 10 او نشوف بالموس واش طاب او كنخليه ابرد بلا مانضير ليه فوطة فازكة حينت تنا نوبة الاولى كنت كندير بحالك او كانت كتلصق ليا حينت الوجه ديالها كيكون خفيف بزاف غير تقيسيه باديك الصق عليها من بعد كنسقيها بالسيرو او ندهنها بالكريمة عاد نلوي بشوية

وعليكم السلام ورحمة الله وبركاته
اوا قولي خصني نعاود با تصدقلي هههه اوا علادكشي طرحت الموضوع باش نعرف سبب الخطأ باش المرة الجاية نتفاداه
ان شاءالله المرة جاية يصدقلي شكرا على النصيحة

غدي نجرب طريقتك احبيبة شكرا الله يجازيك كل خير وغدي نشري لاطة اللي قلتيلي
وش الا مدرتلوش فوطة غدي يدور حيت غدبني لصقلي في الفوطة يعني خير نخرجها من فران نسقيها و ندهنها ولفها تما ما حدا سخونه ولا ختى تبرد شوية و ندخلها الثلاجة يك؟

اختي ماشي مشكل الغلط لي وقع ليك هو انه الجنواز ماسدقاتش ليك حيت باش تعرفي الجنواز صدقات مني كتحيديها من ورق الزبدة دغيا كتحيد ماكتلصقش تقدري تكوني ماطربتيش البيض مزيان اولا مني بديتي كضيفي الدقيق حركتي بزاف و طاح ليك البيض

ختي انا مابقايت كنديرليها لا فوطة لا والو حينت تانا كتلصق ليا او كيضيع منها بزاف غير كنخرجها من الفران كنخليها تبرد عاد نزينها اوحينت هيا خفيفة دغيا كتلوى ليا من بعد ما تلويها دخليها التلاجة تبرد مزيان باش اسهال عليك تقطاع ديالها. ختي جربي هادي او الكمال على الله نتمنا تصدق ليك هاد المرة اوجربي او ردي عليا لخبار

السلام عليكم اختي .هاد الوصفة ديال الاخت ريم كنظن ما كينش ما اسهل منها كصدق ولكن بشرط البيض والسكر يطربو مزيان الحجم ديالهم كيولو ثلاث مرات على للي كان والخليط كيولي ابيض ومللي قلتي لصقات لك في الورق يعني ما طلعتيش البيض مزيان واو مدرتيش الدقيق الكافي .مرة اخرى اختي صوري لينا البيض والسكر مللي طلعيه ونشوفو الكثافة ديالو واش هي هاديك.
عرفتي اختي هاد الوصفة ديال ريم ما نقولش لك شحال من مرة درتها ودائما كتصدق ولكن عندي طراب مزيان راه عطيتها لجارتي ووقع ليها بحالك مللي مشيت عندها نشوف مناش المشكل لقيت الطراب للي عندها مكيطلعش البيض مزيان وخا هو ماركة وشرياه غلا من ديالي.

السلام عليكم ورحمة الله تعالى وبركاته
شوفي ا حبيبة كنضن واقيلا ديما هاد الرولي كيخسر من اول تجربة ههه
انا اول مرة نديرو كنت باقة صغيرة فدارنا وكليتو عند جيرانا حمقني طلبت المقادير لي هوما (4 لبيضات 125 طحين.125 سكر) وصاوبتو بطريقة لي قالو ليا نعزل الصفر على البيض ونقسم سنيدة على جوج نص نطلعو مع لبيض (تلج) ونص التاني مع الصفر(كريمة)ونزيد الطحين ونحرك بسباتيلا دلعود بشوي من التحت للفوق ودرتتو فنفس المول ديالهم كان عندنا.ايلا عرفتيه مربع وبيض ديال البوطات القدام ودرت بابيي اليمنيوم ومدهنتوش وملي طيبتو لقيتو بحال بسكوي صابلي ههه رقيييييق ولاااااااصق ومفرتتت ماعرفت منين نبداه وكلست نكلع ونرمي فزلافة وكليتو وشبعو عليا الدار ضحك وحلفت حتى نعاودو وفعلا قلبت على طرق اخرى ولا كيجيني ممتاز يا كحل يا بيض.كندير عادي 4 لبيضات مع كاس سكر(125غ) وشوي الخل او حامض للزفورة ونطلعهم مزياااان ونزيد كاس فورص(125غ)معاه خمارة(ماكنتش نديرها مي مزيانة كتنفقو وترطبو)ويلا بغيت الرولي كحل ننقص 2 م فورص ونديرهم كاكاو وملي يطيب يبرد شوي ونسقيه لكحل بكاس نسكافي ولبيض بكاس سيرو او منادا او لما ديال شي فاكها بالسكر ونعمرو بالشونتي او كريم باتسيير ونلويه ونزوقو من لفوق ويبات لغد كيجي غزال وفن خصوصا لي كحل بالقهوة مذاق لا يقاوم.
يالله شمري على الدريعات ونوضي صاوبي واحد اخر ههه

اه نسيت ما كتبت الما طايب شي مرات كنديرو كتجي خفيفة ومهوية لكل بيضة معلقة كبيرة ماطايب.