صباح لخير ا لغزلات ليوم انوريكم كيفاش تعتنيو بوجهكم وكأنكم مشيتو عند ليستيتيك و هاد سوان دو فيزاج تينقي لوجه أو تيساعد على تقليل الرءوس السوداء
الخطوة الاولى هي لكوماج اما تتستعمليه واجد تاع اوريفلام او كلين اند كلير او تاتاخدي زلافة صغيرة تديري فيها معلقة ملح ـ معلقة سنيدة شوية عصير لحامض تخلطيهم او تبللي وجهك بالماء او تبداي تتيدري هاد الخليط لوجهك اوتحكي بيه مزيان او تركزي على ت زون او غسلي وجهك
الخطوة التانية هي البخار الى كان عندك الجهاز تتستعمليه ماكانش عندك ديري بحالي في كسرونة تندير الماء يغلي او تنزيد عليه شوية خزامة او ورد تندير فوطة على وجهي اوتنبخرو مزيان تم تاناخد ابرة ازالة الرؤوس السوداء او تنقيبها وجهي مزين
تم تغسليه وديري ماسك اما طبيعي او لي تايتباع عند العطور او لي مالفاه بشرتك
الخطوة الأخيرة مهمة وهي وضع كريم مرطب للوجه بعد ازالة الماسك وعمل ماساج
او بالصحة و الراحة
j[vfjd hgohwm 24gifj[vfjd
يفضل انه ما ديرش لاسيغ او ازالة الشعر في نفس اليوم او قبله