سلام عليكم انيقات اش خباركم
بغيت شي وحدة فيكم لي عندها طھط¬ط±ط¨ط© ظ†ط§ط¬طط© في ط§ظ„ط²ظˆط§ط¬ ط§ظ„ظ…ط®طھظ„ط· تعود لينا عليها
شكرا بززززاف
j[vfm kh[pm td hg.,h[ hglojg’
عليكم السلام اختي الحمد لله هاد الساعة عامين باش متزوجة وعندي بنوتة وانسجمنا مع بعض ولله الحمد انا تنحترمه ونحترم عاداته وهوا كذلك. معرفتش بشنو نقدر نفيدك والا شنو نعاود بالظبط وانا رهن الاشارة اختي
عن طريق : samsung – SM-T310
اختي غادي نقولك ان الزواج هو واحد بغض النظر على الجنسيات يعني نجاحه او فشله تيعتمد على الطرفين المرة والراجل انا عن نفسي تنعتبر تجربتي الحمد لله ناجحة وانا غادي نذكر بعض الايجابيات وبعض السلبيات اللي لقيتها في الزواج المختلط من الايجابيات وهادي اهم حاجة ان الاولاد تيكونو حلقة وصل بين بلدين يعني اعمامهم من بلد واخوالهم من بلد ثاني هذا تيربط الدول مع بعضها خصوصا اذاكانو من دول عربية تيحصل اتحاد عربي ههههههه ولو ماشي وحدة سياسية ولكن وحدة بالدم والقرابة وحاجة اخرى ان الزوجين تيكونومن بلدين مختلفين فكل طرف تيعمل كل مافي جهده باش ينجح هاد العلاقة حتى يبينوا قدام الاهل انهم اختاروا بعضهم عن اقتناع لهذا فنسبة الطلاق في الزواج المختلط تتكون قليلة وبالنسبة للسلبيات اكيد تتكون اختلافات من ناحية العادات والتقاليد والماكولات ولو الزوجان ناضجين بمايكفي يمكن تجاوزها بسهولة مثلا انا اكل بلاد زوجي ما تيعجبنيش وهو شي ماكوللات ديالنا تتعجبه وشي حاجة اخرى لا انا تناخد العصا من النص نحضر ليه اللي تيحب هو ونعمل ليا الاكل اللي تيعجبني انا بالنسبة للكلام تنتكلم عادي بلهجتي المغربية وتيفهمني وانا تنفهم لهجته وولادنا جاو تيعرفو ليهم بجوج تيهضرو نص نص وبحكم اننا تنعيشو بجوج متغربين هذا تيساعدنا اننا نتشبتو ببعض اكثر ونتفاداو الاخطاء اللي ممكن تنغص حياتنا المهم انا تنصح اي اخت مقدمة على زواج مختلط انها ما تنساش مغربيتها تحافظ على لهجتها وتقاليدها وتعلمها لاولادها وهذا لا يمنع انها ما تجرب حاجات من بلاد زوجها مرة مرة مثلا لباس او اي شيء ثاني المهم باختصار الزوجة الذكية هي اللي تعرف تحافظ على بيتها وزوجها تحاول ما امكنها انجاح هاد العلاقة لان الحياة السعيدة تاثيرها كبير على الاطفال خصوصا اللي تيكونو نتيجة زواج مختلط
شكرا بززززاف
ختي شحال وحدة كنعرف مزوجة اجنبي عايشين بخير عليك بصلا الاستخارة والدعاء