السلام عليكم ندخل فالهدرة نيشان هههههههه درت فطيرة في الفرن ديال الاخت ام امين ووليد جات بحال شي خبزة ناشفة ماعرفت اش ندير بيها الله يسمح لي لحتها مع الخبز كارم والطامة اني كانت عندي عشية عارضة على شي عيالات هههههههه والكارثة التانية صاوبت حلوة الكوك بحال ديال الباتيسري للاخت مدام الغميري درت رابعة من السنيدة البطاطا مسلوقة والكوك طحنت البطاطا على سنيدة وهي سخونة خلطتها وزدت الكوك جات ناااااااشفت اوكتفرتت سلقت بطاطا خرى وزدتها عاد تجمعت باش خرجتها من البوق بززززززاز جات مسوسة اوباسلة والكوك جا ناشف المهم شكون اللي تفيدني بخبرتها انا ماكنرضاش بالهزيمة او بغيت نعاودهم انما فالفطيرة درت الزبدة ديال العبار سنطرال والدقيق جاب لي راجلي طحين ناقص فالجودة وريوني الحادكات راني يتللاه كنتعلم ولكن دعوة في ظهر الغبب ان شاء الله
j[vfhjd hgthagm ooooooooooo
غير اعمل المقادير اللي كينزلوهم ماتزيد منوم ماتنقص واعمل كلشي قدامك باش متنسا حتى حاجة
وربي يعونك
شحال من وصفة خاصها تدريب عاد تصدق بحالي أنا جربت واحد الطارطة د شميشة مصدقاتش ضيعت فيها
المقادير واخة تبعت كلشي بالحرف ولكن واخة هاكداك عوالة نجربها مرة أخرى حتى تصدق
نتي سولي صحابات الوصفة وشوفي اللي ماكانش هو هاداك
انا نقول لك اختي على الفطيرة انا جربتها شي 3 مرات ديما كتجي زوينة و درتها بالزبدة عادية وهي كتبغي دهنيها مزيااان بالزبدة حيث هي اللي كتورقها غير عودي جربيها مرة اخرى و بدلي نوع الدقييق ودلكيها مزياااان تكون رقيقة باش متجيش مدقسة من الداخل هه
كنصلق بطاطا ونطحنها وهي سخونة نزيد عليها الكوك و سنيدة وفاني ونخرجها من البوق وتطيب كتجي زوينة اختي
المشاركة الأصلية كتبت بواسطة أم زياد 1 
هههه انا البارح درت الكرص واش غنقوول لك اختي تجريبة فااااشلة نييييت قاصح و ثقيل و مدقس هههع كاع مواصفات الفشل فيه ولكن غنعودو انشاء الله ممعتتقاش معه
نجوبك على سؤال ديالك الزبدة تكون على حرارة المطبخ باش تسهال في التوزيع ديالها تقريبا انا درت 120 غ و فبل مدهنها طلقيها مزياااااان بالدلك تكون رقيقة باش متجيكش مرة اخرى كي الخبزة هههه