تتمة الشكيلات لي صاوبت مني دخلوا عندي الناس 1

كيف حالكن أخواتي إن شاء الله بخير
إيوا نبداو على بركة الله

الحلوى الأولى:
هاد الحلوى جابتها ليا صاحبتي كادو

المقادير:
رابعة الزبدة الصفرا أوla prairie
الدقيق حسب الخليط
2 كيسان سكر كلاصي
خمارة
نسمة الليمون
بيضة
كأس مايزينا

التزيين:
الناباج
فوينتين أو كورنفلكس مهرمش
شكلاط أسود نديروا في مول ديال البلاستيك الأبيض ديال كوكياجة

الطريقة:
في قصرية نخدم الزبدة والسكر كلاصي حتى تولي بحال البومادة ثم نضيف باقي العناصرالدقيق هو الأخير ودائما مندلكوش العجين
نسرح العجين بين 2 ميكات ثم نقطعها بمطبع دائري
مني يطيب صابلي ندهنوه بالناباج ونضع فوقه الشكلاط الأسود في الوسط ونرش في الجوانب الفونتين أو الكورنفلكس
وهاهو مني وجد

الحلوى الثانية:
حتى هي جابتها ليا صاحبتي كادو

المقادير:
شكلاط أبيض
نصف كيلو كوك
50g نوازيت محمر ومقشر ومقطع طريفات صغار
حك ونصف نسلي
50g لوز مصلوق ومحمر ومقطع طريفات صغار
حك فواكه معسلة مقطعة طريفات صغار
50g كركاع محمر ومقطع طريفات صغار

التزيين:
كليكوز
نسمة الحامض

الطريقة:
هاد هو المول لي غنحتاجوا خديت تصويرة ديالوا من موضوع ديال أمة الله

نخلط الكوك والنوازيت والكركاع واللوز والفواكه المعسلة ونجمع الكل بنسلي ثم نجعلها على شكل كويرات صغار
ندوبوا الشكلاط ونصب شوية في مول السيليكون ثم نضع فوقه كرة من الحشوة ثم نصب فوقه الشكلاط وندخله الثلاجة باش الشكلاط يجمد
مني بيرد الشكلاط نزولوا الحلوى من المول ثم نزوقها بخليط:
الكليكوز نضعه فوق النارحتى يذوب ثم نزيد عليه نسمة الحامض ونضعه في بلاستيكة ونبدا نعمر الثقب لي فالحلوى
وهاهي الحلوىمني وجدات

الحلوى الثالثة:
المقادير:
رابعة الزبدة لذة
2 كيسان سكر كلاصي
خمارة
ربع كأس زيت
قبصة ملح
الدقيق حسب الخليط
2 بيضات
نسمة la pate a biscuit وهاهي صورتها

التزيين:
شكلاط أسود درتو فهاد المول

الطريقة:
نخلط الزبدة والسكر في الأول حتى تولي بحال البومادا ثم نضيف باقي العناصر الدقيق هو الأخيرودائما مندلكوش العجين
من بعد نسرحوا العجين ونطبعوا العجين بطابع الخميسة هاهو