السلام عليكم ورحمة الله تعالى وبركاته
بغيت اليوم نشارك معاكوم بهاد البيتزا الي فعلا كتجي غزاالة بزاف واللي داقها كتعجبو واللي خديت المقادير ديالها من واحد الانجليزية هي الشاف كويزينيي خداما معانا فنفس الفندق. باراكا يمكن من الهدرة هههه
المقادير: 2بيضات +معلقة صغيرة خميرة الدار+معلقة كبيرةزبدة دايبة+ملح+ابزار+2زلافات نتاع الطحين.
نجمعو المقادير كالعادة وندلكوها مزياااااان ثم نقسموها لجوج كويرات لحقاش هاد المقادير كيعطيونا جوج نتاع البيتزات كبارونغطيوهوم بلاستيكة بيضا وندوزو باش نحضرو لاصوص الي كنحتاجو فيها مطيشة محكوكة+ شوية بصلة محكوكة+الربيع+مطيشة الحك+البهارات الخاصة بالبيتزا+ورقة سيدنا موسى+الزيت البلديةثم كنديروهوم يتشحرو مزيان وكنشويو الفلفلة الخضرا ونقيوها طبعا ونقطعوها دواورونرجعو نسرحو العجينةوندخلوها لفرن طيب نص طيبة ومن بعد نخرجوها ونديرو من فوقها لاصوص ثم الكفتة او الطون او فواكه البحر حسب الموجود ثم الفلفلة وعاد الزيتون الاسودونرجعوها للفرن عاود وفالاخيرنطفوا الفرن ونخرجوها ونرشوها مزيان بالفرماج الاحمر محكوك ونردوها للفرن طافي غي باش يدوب الفروماج فالسخونية نتاعو.
ونتمنى تجربوها راها كتجي بحال نتاع برا والصراحة كنتاسف لحقاش مازال ماعرفتش كيفاش كيتنزلو الصور.ايواما تبخلوش عليا بشي دعيوة غزالة بحال الغزالات نتاع المنتدى
fdk.h td yhdm hgg]m hgHoj