ثبت بتاريخ : 2024/09/22
من طرف amanarre
هاد النهار درت،البيتزا التركية،لوليدات تايحماقو عليهاإ
قبل ماتعلمهالي واحد حارتي تركية،كنت تنشريها تقريبا 20dh لوحدة،دبا الحمد الله تنديرها فادار!
مقادير العجينة
750gr فورص
ملحة
نص كاس زيت
خميرة ديال العجين
نص كاس حليب
عجني بالماء دافي
دلكي العجينة مزيان،و خليها ترتاح نصف ساعة
دابة وجدي الخليط إ
المقادير
250gr كفتة
2 فلفلات حمرين
بصلة كبيرة
4 ضروس تومة،انا اليوم مادرتهمش،ولكن من غير رمضان هما ضروريين!
2 مطيشات
3 معالق كبار ديال مطيشة دالحك
شوية زيت بلدية
ملحة
شاونية
كامون
غسلي البصلة والفلفلة و مطيشة مزيان و طحنيهم فمولنكس
من بعد خاطيهم مع مطيشة دالحك و التبزيرة و الكفتة
يلاه دابة للعجينة كوريوها خليها ترتاح نص ساعة اخرى
من بعد خودي وحدة مور وحدة و دلكيها باامدلك
تاتكمليهم كاملين
دابة غاتاخدي اللولة لدلكتي،و دريها فوق المقلة ديال الملوي وهي فوق نار مهيلة
ودهنيها بالخليط لوجدتي و لكن دغية دهنيها و خليها تطيب من التحت
من بعد ماتطيب من التحت،دريها فالفران تطيب من الفوق
غادي تكولو علاش مانديروهاش فالفرن تطيب او خلاص!راه كاتجي قاسحة الا طيبتها فالفرن بوحدو،و بهاد الطريقة تاتجي بحال ديال الزنقة!
هاهي واجدة
رافقيها بشلاضة
مين تطيب صبري شوية عاد لويها
ديري فوسطها شلاضة و لصوص
نتمنى تعجبكم
fdj.h hgjv;dm Lahmacun lk l’fod lahmacun
شكرا
ام البنيين : الكفتة تتكون خضرة و مخلطة مع الخليط
مين تطيب وحدة من ااتحت لفوق المقلة ديريها فالفرن تطيب غي من الفوق،ونتي دري وحدة اخرى فوق المقلة و دهنيها عاود بخليط الكفتة،و بدمن طابت من التحت تتكون ديك لفلفران طابت تاهي،وهاك حتى تكملي!يديك تيكونو مع المقلة و الفران،نتمنى نكون وضحت ليك شوية