بيتزات صغار بنان ولذاذ من مطبخ Pipou

السلام حبيبتي الأنيقات
اليوم جبت لكم بيتزا لذيذة وسهلا وسريعة التحضير

أولاً بديت بالعجينة : درت عجينة ال-10 دقائق مع تعديل بسيط زدت شوية ديل زعتر وتحميرا وبدلت زيت العادية بالزيت البلدية قطعتها دوائر صغيرة
دهنت اللطى بالزيت وستفت داوئر العجين وتكيت بالشوكة

بالنسبة للصلصة فكنوجدها بكمية كبيرة وكنحتفض بها في المجمد بش كتجني سهلا
وصفات الصلصة هي للأخت lamiaamalak :
"3 مطيشات منقيين صحاح
1 جزر
1 كرعة خضرا
1 فلفلة حمراو خصرا و صفرا
1 بصلة+ ورقة سيدنا موسى
صرس التوم
شوية ملح تعملي المقادير كلها تطيب حتى يبقى فيها غير الماء باش غادي تطحني في مولينكس من بعد ترديها للبوطة و تويدي شوية زيت العود و مطيشة ديال الحك و الابزار"
الله يعطيها صحة

كنعمل الصلصة فوق العجين

زدت نقانق strastbourg بعدما خليتهم يطيبو 10 دقائق في الماء الساخن وقطعتهم دوائر

زدت les champignons والزعتر ودخلت للفرن ملي قربت تطيب خرجتها ودرت فروماج محكوك وعاود دخلتها بش يتحمر الفرماج

هاهي ملي وجدة بالصحة والراحة

fdj.hj wyhv fkhk ,g`h` lk l’fo Pipou pipou