بنتي ناقصة في الوزن فيدوني الله يعطيكم ما تمنيت.

حبيباتي راني مخلوعة بزاف اماعرفت شنو ندير لبنتي لان وزنها ناقص قربات تدخل ل 10 اشهر ووزنها 7 كيلو قلولة لكن طولها مزيان ديتها عند طبيبة اطفال وخرجاتلي تحليل الكلسيوم والكلي و2 اخرين نسيت عليهم طلعو كلهم مزياني من ناحية النمو الحركي الحمد لله مزيانة من بعد مدة خديتها عند طبيب اخر وخرج لها 2 سيروات حديد من بعد ونكتب سمياتهم وعطاني برنامج الغذاء قالي الفرماج حتى تكمل عماين وبتي سويس مرة في الاسبوع تنعطيها غي la pure ديال الخضر + الارز +السميدة + الذرة وحليب الصيدلية نرسي AR اما البزولة راني فطمتها ملي دارت 8 اشهر واصفر البيض مرة واحدة الي عطيتو ليها . بغيت نعرف واش هادشي الي تنوكل ط¨ظ†طھظٹ كافيها ط§ظ„ظ„ظ‡ يخلي ليكم وليداتكم جوبوني .

---

fkjd khrwm td hg,.k td],kd hggi du’d;l lh jlkdj> jlkdj

اختي السلام عليكم تبعي الاكل الي خرج ليك الطبيب راه باي ليا مزيان وانشاء الله يكون خير .

شكرا على ردك جزاك الله خيرا

أختي أنا جاني هاد الشي غير كافي لي كديريلها ، خاصك تعطيها دانون الخاص بالأطفال نيستلي ، راه فيه نكهات مختلفة ، وكاين من 4 شهور تال 36 شهر ، عطيها الدجاج من الصدر 50 غرام ماتفوتيهاش ، عطيها أبيض البيض سلقيه وطحنيه مع الخضار ، الخضار ديريلها كلللشي ، البطاطا ، الجزر ، الكرعة الحمراء ، الكرعة الخضراء ، الجلبان ، الشفلور ، البروكولي ،اللوبياء الخضراء ، دابا تقدري توكليها من الأكل ديالكم ، ولكن خاص يكون الملح نآآآآآآآقص ، والسكر بلاش منو كاع ، والفواكه ديريلها كومبوت ، تسلقي التفاح الإجاص ، والخوخ إذا كان عندك ، ومن بعد إما طحنيهم ولا معسيهم ، وعطيها راه زوين بزاف ، ماتنسايش ، ملي ديريلها الأكل ديالها يتسلق ، ديري معاه شوية الروز ، المهم دابا في هاد السن 10 شهور ، راه ضروووري من البروتينات ، الدجاج من الصدر ، والسمك الأبيض ، لي مافيه الشوك ، اللحم الأحمر حتى دير عام عاد بدايه ، حيت شوية مجهد، هاد الشي لي قلت ليك ، كلوووو من عند الطبيبة ديال بنتي ، دابا راها بنتي دارت عام وقريب شهرين ، بديت نعطيها ليبات ، والبيسكوي ديال الشكلاط ، ماتنسايش حتى البيسكوي الخاص بالأطفال ديريهلها مع الحليب ، وحتى سيريلاك ديال السن ديالها راه مزيان فيه بزاف الفيتامينات , الأكل ديالها طيبيه بزيت الزيتون ، وملي طيب ديريلها معاها فرماجة راني شفت الكارني ديال بنتي ، ملي كانت في 10 شهور كان فيها 9.5 كيلو والطول 73.5

صغيرة على لفطام اختى المهم حاولي تنوعيلها وعطيها لحليب اكثر من مرتين فاليوم ودجاج لحم سمك عصير فواكه البيض حاولى تنويع خليها تكتشف الاكل وتحبو وتاكلك

اه مسكينة ضعيفة بزاااااااااااااف والاكل لي كتعطيها ناقص بلا قياس من خلال لي كنعرف سواء في المنتدى او غيره راه هادشي لي كتعطي لبنتك لا علاقة راه انتي سببها حيت خاصك متبعيش كلام طبيب 100 ف المية راه شي وحدين كيخربقوا كنعرف لي 5 اشهر وكلاو الفرماج موقع ليهم والوا وكنعرف على 4 اشهر خداو دانون د اطفال كل نهار موقع ليهم والوا فين هو الدجاج واللحم و الحوت

اختي خاص بنتك تشرب الحليب بزاف وديري ليها صوبا فيها الخضر كل نهار تنوعي ليها على الاكثر 4 خضر بالاضافة للحم او الحوت او الدجاج او صفر بيضة كل نهار ديري ليها هكا من بعد ساعتين ديري ليها تفاحة مصلوقة او محكوكة من الاحسن حيت بنتك كبرات على الصليق او بعويدة بنانة ديري ليها تاني رضاعة فيها الحليب والبنان وفرماجة كيري مطحونين يكون هادشي بارد ماشي دافي او سخون من الاحسن ديريه ليها في الكاس لي فيه تقيبات من بعد تاني ملي تنعس ترضع ومن بعد تعطيها دانون هي خاصها 2 او تشري ليها ديك دانون زوين كيدير 50 ريال نسيت على اسمه تحاولي تنوعي ليها وكاين حتى زنجلان محمر و مطحون تديريه ليها فالرضاعة وخاصك متلا تبداي تعطيها التمر و الزبيب هادشي خاص تكون وكلاه شحال هادي لي رجعة باش نعطيك شي وصفاة حيت الدوا ديال فيتامينات ماشي هو الحل انما خاص الماكلة لي فيها هادشي

ولو قلبتي في منتدى الطفل غادي تستافدي من الاخوات كيف راني مستافدة حاليا

بارك الله فيك اختي نبع الايمان وشكررا على ردك بالنسبة للخضر تنعطيع الجزر البطاطس والكرعة الحمرا + لحم الدجاج +السمك الابيض

المشاركة الأصلية كتبت بواسطة زوجة فاروق

صغيرة على لفطام اختى المهم حاولي تنوعيلها وعطيها لحليب اكثر من مرتين فاليوم ودجاج لحم سمك عصير فواكه البيض حاولى تنويع خليها تكتشف الاكل وتحبو وتاكلك

شكرا زوجة فاروق على اهتمامك بالنسبة للفطام راه بنتي الي رفضات لي البزولة حاولت معاها شحال من مرة بدون جدوى ربما كنتعطل عليها لاني خدامة.

شكرا اختي زينة على ردك واهتمامك راني تنعطي لبنتي لحم الدجاج وسمك الابيض +الموز والتفاح كنظن دانون الي كتملمي تعليه هو برلي وقيلا ياك والحليب 3 مرات فاليوم

www.childclinic.net/ccs/details-161.html

مشكورة اختي