السلام عليكم
بنات انا الصراحة عمري محطيت يدي على ط§ظ„ط³ظپط±ط¬ظ„
اليوم جابتو عكوزتي للدار و قالت ليا طيبيه و عسليه
اوا راكم عارفين الباقي هههههه خصني نبين ليها حنة يدي و نفاجئها ههههههه بشي كارثة
دابا الله يخليكم قولو ليا ظƒظٹظپط§ط´ ندير ليه نطيبو و نعسلو
fkhj ;dtha k’df hgstv[g ?
ضروري من القرفة ؟ حيت معنديش معاها بزاف
و شحال كياخد ديال الوقت في الطياب باش يتسلاق
ممكن اختي ديري بلا قرفة ولا سكر وراه تيجي بنين فيه شوية مذاق الحموضة والملوحة تيجي بنين
تتقطعيه عادي وملي يتشحر اللحم مزيااااان وتمرقي خليه اغلي وحد ربع ساعة ولا نصف ساعة وزيدي معه السفرجل بلا ما تسلقيه وخليه اطيب مع المرقة بحال الخضرة العادية وصافي حتى تشوفيه رطاب وتيدوب في يديك وطفي عليه
اما بخصوص المعسل فتديري في طنجرة بوحدو مع الماء وخليه حتى يقرب يطيب زيدي السكر والقرفة وخليه اتعسل
وصافي ممكن تاخدي من المرقة ديال الطاجين وتعسليه فيها ولكن الطريقة هذه لازم يكون السفرجل مسلوق نصف سلقة
القرفة لابدة منها في التعسال اي سؤال مرحبا
وقت الطياب على حساب جودة السفرجل
كاين لي تيطيب دغيا وكاين لي تاخذ الوقت المهم حتى تشوفيه رطاب
عمري مجربت نخضر بيه
بالنسبة للقرفة ضروورية في أي فاكهة أو خضرة باغاها تعسل
**لتعسيل السفرجل:
كيلو سفرجل
2اعواد قرفة
ربع ملعقه صغيره قرفه مدقوقه
4 ملاعق كبيره سكر سنيده
50جرام زبده
**الطريقه:
تقطع كل حبه سفرجل الى اربعه وتزال البذور
يغسل السفرجل بملح قليلا ويوضع فى كسكاس ليتبخر ويترك على النار حتى ينضج
يوضع فى طنجره ونصف كاس ماء او المرقة والسكر والزبده والقرفه وعند الغليان يضاف السفرجل ويترك على نار خفيفه لمده عشر دقائق حتى يتعسل
السلام عليكم و رحمة الله و بركاته
كيفكم اخواتي العزيزات, نتمنى تكونوا بالف صحة و عافية , اليوم بغيت نقدم ليكم واحد الطجين بسيط درتو بالسفرجل و العسل , المداق ديالو تيجى بنين بالنسبة الي تيحب السفرجل بلا منطول عليكم نبداو باسم الله,
سوف نحتاج
انا عملت 600 غرام ديال اللحم البقري و لكن ممكن تستعملو كيلو و طبعا نضوبلو المقادير
ملح, ابزار, السكنجبير, الخرقوم
2 بصلات كبار مقطعين جنيحات
4 ديال سفرجلات مقطعين على 2 او ممكن تقطعيهم بالشكل لي تتفضلي
2 معالق كبار ديال العسل
2 معالق السنيدة
2 معالق صغار ديال القرفة
نصف كاس الزيت
اخليكم مع الصور
ناخد اللحم نضعه فى الطنجرة مع الزيت
نديروا العطرية
نزيدوا بصلة واحدة و نخليوا البصلة التانية
نخليوا المرق فوق النار واحد عشر دقائق عاد نزيدوا الماء حتى نغطيوا اللحم و نسدوا الكوكوت حتى يطيب واحد ربعين دقيقة تقريبا
فى هدا الوقت نديروا البصلة لي بقات فى الماقلة مع شوية الزيت فوق النار تكون مهيلة و نحركوها مرة مرة حتى تدبال عاد نزيدوا ملعقة عسل و ملعقة صغيرة قرفة و الملح
ناخد السفرجل نسلقوه فى الماء ربع ساعة , من بعد ما يبقى شوية ديال الماء نزيدو عليه السنيدة, ملح و ملعقة العسل لي بقات و ملعقة القرفة و نتركه يتعسل
ناخد الطاجين نوضعوا فيه اللحم مع المرق ديالو و من فوق نوضعو البصلة المعسلة
و نزوقوه بالسفرجل المعسل
نتمنى اعجبكم و بالصحة و الراحة
راني تبعت نصائحكم و جاني داكاشي زوين
الله يجازيكم الفردوس الاعلى و يحقق لكل اخت متمنات