المراحل جد جد بسيطة وماتحتاجش لموضوع ولكن بغيت نديرها في موضوع مستقل باش اللي احتاجتها ماتبقاش تقلب بين الصفحات
أولا فاش كتوصلي لامريكا كتسناي تجيك الكرين كاردgreen Card في البريد و ديك الساع كتدفعي ل SSC
صراحة ماكاينش أجل محدد كتدفعي وقت اللي بغيتي ولكن كلما زربتي كلما أحسن
فاش تجيك الكرين كارد دخلي اونلاين و قلبي على اقرب مكتب ليك , انا كتبت فغوغل
Social Security Office Locator
وعطاني هاد الموقع و كتبت MY ZIP CODE عطاني العنوان و التوقيت
https://secure.ssa.gov/ICON/ic001.do
دي معاك باسبورك و الكرين كارد و العنوان ديالك هادشي صراحة اللي عقلت عليه , كتدخلي كتلقاي شي حد في البيرو غادي يسولك شنو بغيتي ؟
كيعطيك تعمري واحد الورقة و تجلسي تسايني صراحة كان قمة في الادب و الحمد لله من بعد غادي تعيط ليك موضفة من ورا شرجم ديال الزاج و تطلب منك اثبات الهوية ديالك و غادي تقول ليك بالضبط شنو تديري ماكاملاش 10 دقايق صافي كتقول ليك هاكي هاد التوصيل و سايني الكارد ديالك هتجي في 10 ايام او 2 سيمانات… الخ على حسب كل مكتب
ماتحتاجيش تدي معاك راجلك او شي واحد المراحل جد بسيطة و الموضفين صراحة بزوجهم كانو قمة في الادب و سولوني منين انا فاش قلت ليهم من المغرب شدو الحتيت هههه صدقو كيحماقو عليه و على ماكلة ديالو
صافي كتجيك Social Security Card في البوسطة انا جاتني في اقل من 10 ايام الى بقيت عاقلة
ماخاسش تهزيها معاك فينما مشيتي غير حفظي الرقم لانه الى تسرقات او تلفات تقدر تدير ليك المشاكل , رقمك ماتعطيه لحتى واحد الا للضرورة فقط يعني طلبوه ليك في الخدمة في الطبيب في المدرسة في البنك ماشي في اي موقع او اي حانوت دخلتي ليه , رقمك هيبقى معاك للوفاة و كاين بزاف الناس كيسرقو معلوماتك كيف اسمك و تاريخ ومكان الازدياد و رقم سوشيال ديالك و كياخدو بيه الكريديات و يغرقوك
فاش كتحتاجي هاد البطاقة ؟
في الخدمة لانه الى بغيتي تخدمي قانونيا في امريكا خاص يكون عندك سوشال سيكيوريتي نمبر
باش تدفعي للبطاقة التعريف او البيرمي
باش تدفعي لاعانات الدولة و لاسيرانس
الدراسة
باش تدفعي لاعانات الدولة سواءا الاكل او السكن او الدراسة و لاسيرانس
ان شاء الله البنات يزيدونا معلومات انا جيت بفيزاcr1 ماعارفاش واش كاين شي فرق بخصوص فيزا خطوبة k1اوk3 و ماعارفاش شنو هي الاستعمالات الثانية لهاد البطاقة
fkhj Hlvd;h lvhpg hgpw,g ugn Social Security Card card security social