بلاكارات للكوزينة بالحديد

البنات بغيت نصاوب فيترينا و لا ط¨ظ„ط§ظƒط§ط±ط§طھ ظ„ظ„ظƒظˆط²ظٹظ†ط© ط¨ط§ظ„ط­ط¯ظٹط¯ لعندها شي فكرة ولا صور لأشكال تقدر تنفعني الله يجازيها بخير

fgh;hvhj gg;,.dkm fhgp]d] fhg[]d]

مكرهتش نستافد معاك حيت كنفكر حت انا نديرها بالحديد

اختي واش فير فورجي ولا الكوزينات لي كيكون بالالمنيوم و مغلفين بالعود

السلام عليك أختي كانظن باللي الألمنيوم احسن من ناحية ساهل في المسيح وما تقيلش على الحيوط وما كايتصداش عكس الحديد وليك واسع النظر

السلام عليك أختي كانظن باللي الألمنيوم احسن من ناحية ساهل في المسيح وما تقيلش على الحيوط وما كايتصداش عكس الحديد وليك واسع النظر

السلام عليكم اختي عمري مسممعت شي حد دار الحديد حيت كيف ما قالت ليك الاخت سويت الحديد اولا ثقيل و ثانيا غيتصدي مع ميديتي ديال الكوزينا من الاحسن الالمنيوم خفيف و تيتمسح بالماء و متيشدش صراق الزيت و الله اصواب للجميع

شكرا على الإهتمام لكن أنا لي قصدت تايكونو بحال طاجيرات فير فورجي وحدة فوق وحدة وملاسقين من الجناب و كل وحدة فوقها زاجة مكيتصداوش مرات خويا دايراهم هازين بزاف أنا بغيت منكم شي شكل زويون بحالكم الزوينات ههه

ختي بعمرانية شوفي هاد المشاركة تقدر تنفعك أنا ستافدت منها بزااف السلام عليكم و رحمة الله عواشرك مباركة الله يطرح البركة فبيتك و اهلك و يسعد ايامكم احبيبة و يجعل متواك قصور الجنة ان شاء الله بالنسبة للضيق فقدما كانت الكوزينة كبيرة راها كتبقى ديما مضيقة واخا تكون قد الخلا حيت الشغال فيها كتكون كثيرة زيد عليها الماعن و الالات و المونة … لكن المهم هو تحاولي ما امكن تخلقي فيها راحتك حيت كسيدات كندوزو فالكوزينة اكبر وقت مقارنة بباقي قنات الدار لذلك الراحة النفسية فيها مهمة بزاف للي نقدر نقتارح عليك هو اما تمشي عند نجار الاليمينيوم ديري پوتاجي او مرافع المينيوم او عند الحداد ديري پوتاجي او مرافع فير فورجي ، شوفي الاثمنة عند كل واحد و ديري مقارنة و تفاوضي فالثمن راه كينقصو و كيديرو تسهيلات يعني ممكن تخلصي على مدة معينة مثلا 3 شهور او اكتر توصيه على الموديل للي بغيتي وللي يناسب احتياجاتك و تبقاي تخلصيه بشوية بشوية حتى تساليه و تجيبيه تركبيه بالصحة و الراحة للي مزيان فالفير فورجي و الاليمينيوم هو انهم ساهلين فالتركاب و فالتنظيف و زيد عليها متخافي من حشرات (نمل و سراق الزيت…) الى غديري الاليمينيوم راه فيه 3 انواع كاين النوع الممتاز للي كيخدمو بيه الشركات الكبار هداكللي كتشوفي فناطحات السحاب ، هاداك النوع غالي و ماشي ضروري ديريه للدار ، و كاين النوع الثاني بثمن اقل و هو للي كيخدمو بيه الاغلبية و كاين النوع الارخص لكن كيعواج مع المدة ، فافضل ختاري النوع الثاني و تفاصلي فالثمن راه كيحسبوه للمتر المربع الى غديري اليمينيوم مديريش ليه زاج باش تتفاداي يتهرس او يتشقق ديري واحد النوع ديال البلاستيك سميتو پليكسيڭلاس plexiglas كيبان بحال الزاج تماما و فيه اشكال الى غديري الڤير فورجي ايضا تاواي فالثمن و ديري الموديل للي يعجب ممكن حتى هو ديري ليه الپليكسيڭلاص بحال بلاكارات او تغطية للطاجيرات او ممكن ديري الطاجيرات غير نتي بلا الحاجة لحداد اونجار سيري عند الدروڭري و شري السيبورات باش كيتفيكساو الطاجيرات خوديهم حسب القياس للي بغيتي فيهم احجام كثيرة و شري طاجيرات واجدين عند النجار بالعبار للي بغيتي و كري الشنيور ثقبي الحيط على عبار السيپورات و ركبيهم انتي او راجلك و فيكسي فوقهم الطاجيرات راه يتقام عليك ارخص بكثير من الى مشيتي عند المعلم الپليكسيڭلاص plexiglas هو هذا للي كيبان فهاد البلاكارات ديال الاليمينيوم بحال هاد الطاجيرات راك تديريهم غير نتي او راجلك متحتاجي معلم تشري السيپورات و الشونيات و العود او الحديد و ثقبي و تفيكسي حسب ذوقك و راه كيهزو كلشي من الالات بحال الفران و الروبو و الميعنات و الديكورات هادي بعض الصور باش تعطيك افكار الى غديري مرفع فيرفورجي او عود او اليمينيوم حتى البلاكارات مزيانين للماعنلكن مكيهزوش الالات بحال الفران و الروبو و غيرها و كاين بحال هاد النوع ديال الطاجيرات كيتباعو جاهزين عند كيتيا و ايكيا و موبيليا الى كانو عندكم كتشريه مفصل و نتي تركبيه فدارك Read more: https://www.anaqamaghribia.com/vb/sho…#ixzz2HlCP7Ou8

ديري ديال المنيوم كيجو زونين

السلام اعليكم اختي نصيحة مني مكاين محسن من الخشب هو كيصبر او حتى المنضر اوكيستر ليك الميعنات انا عندي دالحديد ودغي تصدى لي او زعم راه مكنحط فيه الماعن حتى نمسحهم مزيان فية متر ونص وعلى تلات تاجيرات درت لية الزاج طلع لي ب 350 درهم ندمت علىش حيت ديال الخشب اونتى تعرفي حيت حنى العيالات لي كنشوفوها كنبغيوه وخا متسلاحش لينا والله المعين