ثبت الموضوع ام الحلوين
و البعض منها نقلتو من الطباخات الماهرات ديال هذا المنتدى
و البعض كنت تانعرفو
إوا تانتمنى تعجبكوم
تفضلو بالصحة و الراحة خاص غير براد ديال آتاي ههههههه
[align=center]
حلوى معمرة بالثمر
المقادير:
العجينة
500 g دقيق
ملعقتان كبيرتان من السكر الصقيل
250 g زبدة ماركارينة أي واحدة
1 دانون فاني
الحشوة
500 g ثمر معسل
ملعقة صغيرة قرفة
ملعقة صغيرة زبدة
ملعقة كبيرة جنجلان محمر
ملعقة كبيرة ماء الزهر
طريقة العجينة
خلطي الزبدة مع السكر الصقيل مزيان عاد نزيدو دانون و نعاودو نخلطو و نزيدو الدقيق شوية بشوية مع الإستمرار فالعجن
وخا يبان ليك الدقيق كثير غير دلكي العجينة مزيان و زيدي الدقيق و ملي تكملي الدقيق دلكيها مزيان مزيان راها ساهلة فالدليك و خليها ترتاح
طريقة الحشوة
غسلي الثمر و نقيه من العضم و خليه يتبخر لمدة 15 دقيقة و ملي يبرد طحنيه فالميكسور عاد زيدي باقي المقادير و خلطيهم بيديك و لا بالملعقة
الطريقة
قسمي العجينة لكريصات و دلكيها بالدلاك ما تكون غليضة و ما تكون رقيقة و قطعي دوائر بواسطة كأس و فالوسط ديري قليل من الحشوة و سدي الدائرة و دوزي عليها الفورشيطة من الجناب باش ماتحلش و دخليها الفرن ماخاصهاش تحمار و ملي طيب فنديها فالسكر الصقيل مباشرة
هادي نفس مقادير غير الجوانب ديال الدائرة كتجمعيهوم فالوسط و تسديهوم بكاوكاوة محمرة أو لوزة محمرة
هادي حلوى بولفاف حتاهيا نفس المقادير
الطريقة
كتاخدي شوية من الخليط و تعمله على شكل حرابل طويلة تلفيها بالعجين
و دخليها للثلاجة لمدة 15 دقيقة باش يسهال عليك التقطاع
و الباقي راه ساهل كتعمليها عى شكل بولفاف و دخليها للفرن و كتزيني الجوانب بالشكاط أسود مذوب
[/align]
[align=center]
حلوى غريبة بالكوك
المقادير
3 بيضات
3 خمارات حمرين
3 كيسان متوسطين سكر
3 كيسان متوسطين زيت المائدة
2 كيسان متوسطين كوك
قشرة برتقالة محكوكة
250 ماركرينة أي واحدة
كيلو دقيق
الطريقة
خلطي الزبدة مع السكر مزيان حتى دوب الزبدة عاد زيدي البيض و الزيت و قشرة البرتقالة و خلطي كلشي مزيان حتى تندامج المقادير من بعد زيدي الخمارات و الدقيق شوية بشوية حتى تجمع العجينة غايشيط ليك شوية ديال الدقيق غير المهم هاد العجينة غير جمعيها مادلكيهاش
ديري منها كويرات و الصورة الثانية على شكر أصابع
الكويرات غمسيها غير من واحد جيها فبياض البيض و نفس الجهة غمسيها فالكوك و ستفيها فالطاوة و دخليها للفرن متخليهاش حتي تحمار بزاف غير شوي
أما شكل الأصابع حتى هوما نفس الشيء فالطياب و لكن بلاما تغمسيهوم فوالو
التزيين
شكلاط أسود
طونيك محكوك
الطريقة
دوبي الشكلاط فبان ماري و خودي 2 أصابع لصقيهوم بالشكلاط و غمسيهوم فالشكلاط و مرمديهوم فطونيك محكوك
[/align]
[align=center]
حلوى الكوك فالكويغطات
المقادير
نصف كأس متوسط زبدة دائبة
زلافة عادية سنيدة
قشرة برتقالة محكوكة
4 بياض بيض
2 زلايف كوك
للتزيين
الزبيب
الطريقة
خلطي بياض البيض مع سنيدة مزيان و زيدي قشرة البرتقالة ثم الزبدة و جمعي المقادير بالكوك و ديري الخليط فالكويغطات بملعقة صغيرة و ديري وسطها زبيبة و دخليها للفرن حتى يولي اللون ديالها ذهبي
[/align]
[align=center]
حلوى المصاصة
المقادير
3 دراهم كاوكاو محمر و مهرمش
3 دراهم جنجلان محمر
3 دراهم كوك
باكية هنريس مدقوق
عسل حسب الخليط
للتزين
شكلاط أسود و أبيض
كوك
أعواد أسنان و شريط
الطريقة
خلطي جميع المقادير حتى تحصلي على عجينة ديري منها كويرات
طريقة التزيين
دوبي الشكلاط و خودي الكويرة غطسيها فيه و مرمديها فالكوك و دخلي فيها عود الأسنان مزين بالشريط و ثبثيه من فوق بالشكلاط الأسود و ديريها فالكويغطات
[/align]
[align=center]
هادي الصراحة نقلتها من هاد المنتدى
و لكن أنا الزيادة اللي درت هيا أنني درتها فالكويغطات
هذا الرابط ديالها
حلوى النحلات
[/align]
ggud] hgHqpn fgh’, fhgw,v pg,dhjd
معندي منقول غير تسلم الأيادي
هادشي غزال ناقصو غير المقادير والطريقة ههههه
تبارك الله عليك
[/align]
زوينيني بصحتك
سوف يثم تثبيت الموضوع بعد
وضع المقادير
يـاسـمـيـن nolita22 ملاك القلوب مليكة لشهب هداية الرحمن حسناء الرودانية a mous
ربي يخليكوم و يحفظكوم
و إن شاء الله غنجيب ليكوم المقادير غير كونو هانيين
شكرا على مشاركاتكوم
[/align]
lahe ye3etik seha