بغيت نطيب الكرعين اشنو ندير معاهم و شكرا

السلام عليكم ورحمة الله وبركاته بغيت ظ†ط·ظٹط¨ ط§ظ„ظƒط±ط¹ظٹظ† ط§ط´ظ†ظˆ ظ†ط¯ظٹط± ظ…ط¹ط§ظ‡ظ… و شكرا

fydj k’df hg;vudk hak, k]dv luhil , a;vh

السلام عليكم ورحمة الله وبركاته اختي ندى انا غنعطيك طريقتي اللي كندير كننزل الكرعين ف الكوكوط مع الزيت الملح بزارسكينجبير كمون تحميرة والبصلة نخليهم يتشحرو منبعد نروي وننزل الحمص وربطة القزبور والمعدنوس من بعد ما تغلى الكوكوط فوق البوطة ننزلها تطيب فوق الفاخر حتى يطيبو مزيان ونزيدها 2حبات مطيشة محكوكين نتسنى عليهاحتى تتشرب المرقة شوية او تعقاد وهاهما وجدو للإشارة هادشي كايدار صباح بكري الا بغيتيهم للغداء َ َ نتمنى نكون فدتك الشروق

أختي الكرعين إلى بغيتي طيبيهم تغسليهم مزيان وتوضعيهم في طنجرة على الفاخر لأن الفاخر كيجي ألذ ولاكن إلى كنتي مزروبة عمليهم في طنجرة الضغط المهم كتوضعي الكرعين والماء الكافي وتعملي تحميرة وثوم ولبصل مقطع رقيق لإبزار لملح القرفة شوية الزيت وتسدي عليهم ملي يدخلهم الطياب ضيفي الحمص يكون بايت في الماء ولقسبور ولمعدنوس يكون مقطعين رقاق جيدا ونصف معلقة من الكامون ونصف كأس صغير من الزبيب ورجعي الكل فوق نار حتي يطيب وتبقى لمريقة عاقدة وبصحة ويمكن ليك أختي طيبي الكرعين مع الوبيا نفس الطياب غير كتحدفي القرفة وزبيب ويمكن ليك طيبيهم مع القمح المهرس كيجيو هائلين

الكرعين مقطعين +3ضرس الثوم+ الربيع مقبط +عواد القرفة+تحمرة+ كامون+ بزار+خرقوم+ملح+ شوية الزيت حيث الكرعين مشحمين كيطلقو شحمة والماء+سكنجبير+حمص مرطب+الى بغيت طيبه فوق المجمر خليه يبات ليل كاملة على عافية مهيلة أم الى بغيت طيبيها فالكوكوت مرة مرة قلبيه بالصحة

اختي هاد الطريقة تعلمتها من عند لميمه ديالي كاتجي غزالة معسلين أبنان كرعين ملح بزار كامون تحميرة خرقوم سكينجبير قرفة سنيدة3 م تومة4 حمص زبيب و الماء الكافي بلاما يتشحر كولشي سادي عليه جاربيهم أرد علي

طنجية الهركمة المراكشية ( زيد , برع ) ثبت في 05/02/2019 ام رزان الشروق حبيباتي الانيقات اللي مشهية الهركمة المراكشية مرحبا بها عندي المحتويات: كرعين العجل / البصل / الزبيب / الحمص مرطب في الماء/ حامضة مرقدة /ملح /ايبزار / سكنجبير /ثوم مفروم / راس الحانوت /قرقة اعواد /خرقوم /فلفلة حمراء حلوة /الزيت الشروق الطريقة : نغسل الكرعين مزيان ,نوضعهم في اناء الطهي, نضيفو ليهم جميع العناصر المدكورة سابقا ماعدا الزبيب نغطيهم بالماء ونحطوهم على نار قليلة 7 حتى 8 ساعات لما نقلبوهم ونوجدوهم طايبين نزيدو الزبيب ونخليهم 15 دقيقة على النار وهاهي الهركمة واجدة مرحبا بكم واتمنى وصفتي ان تنال رضاكم لاتبخلو علي اخواتي بارتساماتكم الشروق