السلام عليكم اخواتي،هاد العطلة ان شاء الله ط¨ط؛ظٹطھ ظ†ط³ط§ظپط± ظ„ظپط§ط³ ولكن معرفت اشناهم الاماكن السياحية للي ممكن نزورها
و حتى بالنسبة للفنادق و التمن ديالها
نتمنى للي ساكنة ففاس و لا لي فايت ليها زارتها تفيدني و الله يجازيها بخير
fydj kshtv gths thgu’gm a;,k j,vdkd tdk klad
أختي الا نيقة سافرت الى فاس عدة مرات في الحقيقة ما أحلى المدينة القديمة فيها كل ما تريدينه من أشياء تقليدية ملابس طرز ورخيص هذا كمثال وهناك فندق البطحاء "لا أعرف الاثمنة كنا مع الرحلة طبعا الثمن مناسب "
أنصحك بزيارة سيدي حرازم وحامة مولاي يعقوب وخصوصا المجهزة الثمن 200 د للفرد وزيارة افران لان الثلج هطل بكثره هناك هذه الايام واما الملأكولات فاسألي على مؤكولات الدباغ قرب محطة ctm في الحقيقة كل ما تشتهينه موجود و بي ثمن مناسب من 25 د وسفر ممتع
المشاركة الأصلية كتبت بواسطة fozfoz 
أختي الا نيقة سافرت الى فاس عدة مرات في الحقيقة ما أحلى المدينة القديمة فيها كل ما تريدينه من أشياء تقليدية ملابس طرز ورخيص هذا كمثال وهناك فندق البطحاء "لا أعرف الاثمنة كنا مع الرحلة طبعا الثمن مناسب "
أنصحك بزيارة سيدي حرازم وحامة مولاي يعقوب وخصوصا المجهزة الثمن 200 د للفرد وزيارة افران لان الثلج هطل بكثره هناك هذه الايام واما الملأكولات فاسألي على مؤكولات الدباغ قرب محطة ctm في الحقيقة كل ما تشتهينه موجود و بي ثمن مناسب من 25 د وسفر ممتع
واش زادو التمن حنا مشينا هادي عام البيسن ب 140 درهم للواحد و عندنا تخفيض50 فالمية د الخدمة كايخليوه ب 70 درهم للواحد اه ونسيت واحد القضية دي معاك المايو ديالك ممنوع الدخول بالملابس الداخلية راه كاين بيسين د العيالات بوحدهم
المشاركة الأصلية كتبت بواسطة oumsara09 و حتى بالنسبة للفنادق و التمن ديالها
نتمنى للي ساكنة ففاس و لا لي فايت ليها زارتها تفيدني و الله يجازيها بخير
اختي بالصحة مسبقا فاس فنننننننة انا عاد نزلت في اخر اسبوع شهر فبراير للمغرب خصيصا لمدينة فاس مشيت انا و ماما وبابا وأختي وراجلها كان الجو فنننننن خدينا دار في مولاي يعقوب فننننة و بثمن مناسب بالنهار كنا كنمشيو لفاس نتساراو في المدينة القديمة كنضن هاديك البلاصة سميتها بوجلود كين وحد الباركين قريب د السيارات وكتمشاي تقريبا دقيقة باش ادخلي الهاديك البلاصة لفيها مولاي دريس يعني اي حاجة تخيلتيها تلقايها ههههه لخليع الفضة الزرابي الملابس التقليدية الجلد خديت جوج د دجاكيطات د الجلد قصار غير ب 900 درهم انا شخصيا جاني كلشي رخيييييص وخديت مبيخرة د الفضة ب 200 درهم وخديت التمر والفواكه الجافة و شحال من حاجة ههههه وطبعا الخلاصة من هادشي سخنا عضيماتنا في مولاي يعقوب يوميا و عين الله وآخر نهار منين كنا جايين دزنا لسيدي حرازم دوزنا فيه النهار طيبنا الطجين كينين وحد الاولاد تما كيوجدو اتاي هما لشعلو لنا الفاخر و جابوه لنا طيبنا عليه الطجين في الحقيقة دوزنا هاديك الايام فننننة ما سخيناش نرجعو وكان الجو واعررررر ان شاء العام المقبل ناوية نرجع و في نفس الشهر بادن الله
أختي فاس ماشاء الله فيها مايتشاف بالنسبة للكرا كاين الرياضات غاليين شوية وبالنسبة لوطيل رخيص كاين من 100درهم الى 400درهم
وكاين ليكايكري في مولاي عقوب او سيدي حرازم مزيااااان ورخيص غير هو في العطلة تايكون عامر
وبالنسبة للبلايص السياحية كاينة المدينة القديمة كاتدخلي من باب بوجلود ونتزلي مع الطالعة الصغيرة حتا توصلي للعطارين مرورا بالعطارين كاتوصلي الى جامعة القرويين بعد القرويين كاتخرجي في واحد البلاصة سميتها الصفارين كولشي هاد البلايص سياحيين وكاين الشماعين كايتباع فيه التمر
وحدا الشماعين كايبيعو داكشي ديال التجميل للنساء بحال العكر الفاسي وحتا العطارين فيها كولشي
وحدا الشماعين توجد القصارية الكبير ديال التكاشط والملابس التقليدية
ومن القصارية تقدري تمشي للرصيف او دار الدبغ باش تشوفي داكشي يعني كاين مايتشاف بزااااف
وخودي الخليع ديال فاس غزااااال والزيتون
واللهم يسر
كاين المدينة الجديدة حدا مسجد تاجموعتي اللي حدا lagare ونتي طالعة مرورا بشارع محمد الخامس و الشواره المتقاطعة معاه
كابن برج فاس بحال مروكو مول فيه الماركات العالمية و حتى المطاعم بحال pizza hut et burger king et domino s pizza……و القهاوي
كاين النرجس فيه محلات زوينة للكسويات التركية و غيرو
و اكيد المدينة فيها فاس الجديد و الملاح حدا القصر الملكي فيهم الملابس الجاهزة و الذهب و المطاعم الشعبية و الطرز و التكاشط و الجلالب الواجدين
و كاين المدينة القديمة بوجلود و الطالعة اللي كتديك للصفارين و العطارين و …… و جامع القرويين و مولاي ادريس و الديوان فيه البلاغي و المضام
بالاضافة لمحلات المأكولات الخليع اكريش البريوات الشباكية النووووكا الجبن الفقاص الصغيور
و لكن اللي نوصيك الى عوالة تقضاي تشطري مع راسك
