السلام عليكم
انا عندي مشكل مع ط§ظ„ظ…ظ‚ط±ظˆظ†ظٹط© ما عنديش شي ط·ط±ظٹظ‚ط© زوينة باش نطيبها
دائما كانلقا مشكل شنو نصيب بيها
عافاكم لي عندها شي اكلة كديرها بالمقرونية و كتصدق ليها تعطيها ليا الله يجازيها بالخير
نفيدو و نستافدو منها جميع
كانتمنا منكن تفاعلو مع موضوعي راني واحلة مع هاد ط§ظ„ظ…ظ‚ط±ظˆظ†ظٹط© الله يجازيكم عني كل خير
الحمد لله الله اكبر و لا اله الا الله
fydj ‘vdrm fha k’df hglrv,kdm
طريقة1 :كنقطع بصلة رقيقة ونشحرها مع الزيت البلدية(أو الرومية) حتى تنزل و نزيد نصف فلفلة حمرة و خضراء و صفراء (أو الفلفة لي عندك) مقطعة مربعات ونخليوها مع البصلة حتى تقلى ثم كنظيف الثوم محكوكة+بوزروك+قمرون ونخليهم يتشحرو شوية ثم نظيف2 مطيشة محكوكة+1 معلقة كبيرة مركز طماطم+إبزار+سكنجبير+رأس معلقة تحميرة+ملحة+دامة بنة إيلا كانت+معدنوس مقطع.
سلقي مقرونية أو سباكيتي الوقت لي مكتوب مع شوية ملحة ومعيلقة زيت بلدية صفيها وزيدي ليها علبة طون+شوية ذرة معلبة إلا كانت عندك فدار. خلطي حتى تاخد طيبة الطون ثم زيدي الصلصة لي حظرتي أو خليها بيضاء وقدميها فطبيسلات عاد حطي فوق الوجه الصلصة.قدميها مرفوقة بسلطة
طريقة2:نفس الطريقة 1 غير فعاوط الطون و بوزروك و قمرون كتحظري كفتة لحم أو دجاج وتشرمليها بمعدنوس و عطرية وشوية بصلة محكوكة .ودريها كويرات تطيب فصلصة السابقة.
طريقة3 :قطعي بطاطة+خيزوة+حفينة لاريكو مربعات صغيرة+حفينة جلبانة وديريهم يتصلقو مع نوعين مختالفين من مقرونية(جعيبات+كروات هههههه)250غ من كل وحدة.منين يتسلقو نصف سلقة نصفيوهم ونعملوهم فلاطة فرن مدهونة بالزبدة وظيفي طريف ديال الزبدة+شويةإ بزار+شوية سكينجبير+نصف معلقة صغيرة ملحة+100غ فرماج محكوك.خلطي وصبّي عليها البيشاميل لكتحظر كتالي:2معالق كبار زبدة دوبيها وزيدي 3معالق كبار طحين خلطي ثم ظيفي تقريبا 700 ملل حليب+شوية كوزة محكوكة+رأس معلقة قرفة+نصف معلقة ملحة وردي الكاسرونة فوق النار حتى تعقاد شوية لكن خاصها تبقى خفيفة شوية باش تكمل فيها لمقرونية طياب،ثم صبي بيشاميل فوق المقارونية وغطي اللاطة ب papier aluminum ودريها ففران وراقبيها حتى تبان ليك مقارونية شربات بيشاميل وتجمعات ثم زولي papier aluminum شعلي عليها لعفية من فوق باش يتدهّب شوية لوجه.كتجي لذيذة و مزيانة للمعدة خصوصا فرمضان.قدميها مرفوقة بكفة أو كبدة أو كلاوي أو لي عندك فيهم مقليين+شلاظة.
هاد الطرق ب3 بنسبة ل500غ ديال مقرونية مهيم عينك ميزانك.
جربي وردي عليا لخبار و بالتوفيق إن شاء الله
وشكرا
[right]500 غ مقرونية ديال الباكية
[right]250 غ ديال لحم “مقطع مربعات”
[right]4 مطيشات حمرين “منقيين و مشلضين أو محكوكين”
[right]بصلة كبيرة مشلضة
[right]4 ثومات كبار محكوكين
[right]حفنة كبيرة ديال القزبور و المعدنوس
[right]معلقة كبيرة ديال مطيشة ديال الحك
[right]الملح,لبزار,اسكنجبير,الملون,ضامة ديال البنة
[right]الزيت الرومية و زيت العود
[right]فطنجرة كبيرة ندير البصلة مشلظة و التومات المحكوكين و الزيت الرومية و البلدية و نحمر شوية البصلة و الثومة, طريفات ديال لحم نديرو ليهم الملح و لبزار و نرميهم يتحمرو فالطنجرة مع البصلة و الثوم و الزيت ” لحم ماشي ضروري فهاد الوصفة ”
[right]منين يتحمر كل شي نخوي عليه المطيشة اللي نقينا و شلضنا أو حكينا, ندير الملح و لبزار و اسكنجبير و الملون و نخلط كل شي حتى تتحمرمطيشة و تنشف من الما ديالها ندير معلقة كبيرة ديال مطيشة ديال الحك و نخلطها مع كل شي
[right]منين يتقلا و يتحمر كل شي نخوي على الخليط 2 لتر ديال الما و نحرك مزيان و نغطي الطنجرة حتى يغلي الما
[right]منين يغلي الما نخوي فيه المقرونية ديال الباكية “ماشي ديال لعبار حيت ما كتكونش ديما نقية و فهاد الوصفة المقرونية مغدينش نصفوها و نشللوها خيث غاد تطيب فالما ديالها مع البصلة و الثوم و اربيع و العطرية”
[ منين نخويو المقرونية نحركو الطنجرة مزيان بيد ديال العود باش ما تلصقش و نزيد العطرية و ضامة ديال البنة و نحرك مزيان و نخليها تطيب ,لاصوص وخا تكون كثيرة ماعليش حيت غاد تشربها المقرونية منين غتد نطفيو عليها
اقبلي عليا هاد الوصفة كتجي بحال الطورطية كتعجب الصغار قبل الكبار
مقرونية كأس كبير نوع لي موجود ولكن من الأفضل الي حجمها صغير ولا الطوبوس
تصلق كما هو مشار بالعلبة مع مليحة وزيت باش ماتلصقش
تشلليها بالماء البارد وتحطيها على جنب تقطر
في أنية تخفق البيضات مع اشوية ملح وإبزار وتضاف له جبن قابل للذوبان محكوك
وموتاديلا محكوكة
في مقيلة انكونو شحرنا بصلة مبشورة ولا مقطعة ارقيقة ونضيفوها على البيض والخلطة اشوية كزبرة مقطعة رقيقة حتى هي
نضيفو الماكارونة عليهم ونخلط مزيان حتى تندمج العناصر مع بعضها
ثم ناخذو مقلاة ماكتلصقش وندهنها بالزيت ونصبو الخليط ونغطوها ونحضيو عليها ملي نلاحظوا أنها أنها عقدات نقلبوها بحال الطورطية العاددية دالبطاطس
طافي ملي تتحمر نقدموها بالصحة مع سلطة خضراء
والجبن والمورتاديلا عينك ميزانك وحسب ذوقك البيض بحال الي كتصاوبب طورطية يعني قياس الي يجمع لك المكرونة
الطريقة 4 :* قطعي بصلة رقيقة فمقلاة تكون غارقة أو فطنجرة و خليها تشحرمع الزيت البلدية حتى تنزل و تدبال،قشري و قطعي الكرعة الحمرة( مقدار 2 طريفات بحال إيلا غتعمليهم فكسكسو ) مربعات صغيرة و ضيفها للمقلات و خليها حتى هي تشحر شوية باش تجي بنينة،ثم زيدي ضامة بنة بطعم الخضر(يمكن ليك تستغناي عليها)+الماء لقياس لي يغطيها ويفوتها شوية+شوية إبزار+شوية ملحة+نقيطة ديال الخل باش توازن لحلاوة ديال الكرعة.غطيها وخليها طيب من 10 حتى 15 دقيقة.ثم طحني الخليط خاص يجي قوام الخليط ثقيل نوعا ما بحال كريمة يعني لقياس لتخلطي بيه المقرونية ثم خليه على جنب.
*قطعي طرف آخر ديال الكرعة الحمراء en julienneو سوطِّيها على نار مجهدة مع طريف ديال الزبدة وزويتة بلدية ومليحة حكي بين يديك عليها شوية ديال romarin أو مراميّة أو زعتر….مهيم على حسب زوقك و لي متواجد عندك ثم نقص العافية و خلي الكرعة 3 دقايق وطفي العافية.
*سلقي المقارونية عادي كما قلت ليك فطريقة السابقة صفيها ثم خلطيها مع كريمة الكرعة لي فطنجرة ومع نصف كمية الكرعة لي سوطّينا وخلي المقرونية تشرب لكريمة قدميها سخووووونة وزينيها بالنصف لي بقا ديال الكرعة sauter.ورشي فرماج محكوك.
الطريقة 5: نتي فلختيار إما غدي تشرملي الكفتة ديال: البكري أو دجاج أو لحوت لبيض وديرها تقلى يعني تَّقْلى ّنييت حتى طيب مع بصيلة مطقطقة.ثم سلقي المقرونية و صفيها ورديها مباشرة لطنجرة لسلقيها فيها وهي باقا سخونة وفقصي عليها 2 بيضات و خلطي بسرررررعة حتى كيبان ليك البيض طاب؛متخفيش منو ركيطيب غير بالحرارة ديال المقرونية و ديال الطنجرة.ثم ضيفي عليها زيت لقليتي فيه الكفتة وحطيها فطبيسلات وحطي عليها من فوق الكفتة،يمكن ليك ديري صوص ديال مطيشة خفيفة وترافقيها بيها أو تقدميها غير هاكداك أو تسايبي بيشاميل خفيف وتخلطيه مع شوية كريم فريش وترافقيها بيهم.
حتى إيلا معندكش كفتة يمكن ليك تقلي لحم طريفات بحال ديال شوى ومنين يتقلاو زيدي عليه الماء لقياس ليطيب فيه اللحم+عطرية+معدنوس+ثويمة+ملحة وخلطيها مع مقرونية كتجي بحال إيلا مشرملة وقدميها بصحة و الراحة.
كنتمنى نكون فدتك.باقي طرق أخرى كنطيبها بيهم لكن هدو لي كندير أغلب الوقت.إيلا بغيتي شي حاجة مزال مرحبا.بالتوفيق إن شاء الله