مغربية و افتخر
السلام عليكن يا انيقات
بلا شك البغرير كولشي كيعرف يديرو هدي طريقتي كنتمنى تعجبكم
المقادير ساهله
العبار بالكاس ديال العنبه ويمكن مضاعفة المقادير
3 الكيسان ديال السميده الرقيقه و اللي بغات تزيد الفورص دير 2 ديال السميده و 1 ديال الفورص
4 الكيسان ديال الماء دافئ
2 خمارات ديال الحلوى
ملعقه صغيره عامره ديال الخميرة المعجومه
ملعقه صغيره ما عمراش ديال الملح
في الخلاط الكهربائي كندير 3 ديال الكيسان دالماء ونزيد الملح والخميرات و في الاخير السميده باش متعجنش ونخلط مزياااان حتى يندمج ونزيد الكاس 4 ونعاود نخلط ونسد عليه فشي طاوه ونغطيه حتى يتضاعف الحجم ونطيبوه
كنتمنى يعجبكوم وتجربوه
fyvdv ydv fhgsld]i fgh fdq
جاك زوين
بغيت نعرف واش وصل عندكم رمضان شفت الفطور واجد
الله يعطيك الصحة
ربي يخليك و لهلا يخطيك مشرفتي الغاليه
الحبيبه راني فالمغرب وصمنا الله يقبل الايام البيض من شعبان و ضروري شي شويه ديال الجو درمضان ههههههههههههه
مبارك عواشرك وتكوني فرحانه باللي بغيتي والله يرزق الجنه
اه اختي كيجي زوين والاهم مكيضرش فالمعده ومكيحماضش بحال ديال البيض
بصحتك وراحتك ومبارك عواشرك
شكرا جزيلا لك اختي بارك الله فيك
و الله يتقبل منا و منكم صالح الاعمال يا ربي امين
امين اختي ويعطيك ما نويتي فخاطرك ويتقبل منك فهاد الشهر الكريم
شكرا لك على التشجيع الدائم
تبارك الله عليك
جاك زوين