ان بعد التحيه وسلام اتمنى ان تكونو في صحة جيدة ان شاء الله اليوم جبت بعض نصائح لي كنعملها في البيت ديالي اخواتي لي كتهمنا كنساء في البيت وخصوصا لي بحرى تجوزو واحنا كنعرفو اخواتي ان بعض كان مشغول با دراسة ووظيفة اعانكن الله وبلا منطول عليكن اخواتي حبيت نوريكم كفاش نبدو نخملو صالون ديالنا كنديرو بينو فيه شويه ماء وشويه خل وشيتة تاع صبون الا كانت مبرة او شينو كيف كنعرفو اخواتي كتشد فيه غبرة كنغطسو شيتة وكنحولو نسوسها من ماء وخل لي فيها وندوزو عليهم كيبقو بحال الا بحرى تصبونو من بعد تجباد وهدا كلنا كنعرفوه من بعد كندوزو لمسيح الغبرة ناخدو زيف نقي نرشو عليه خل ونمسحو طبلات العود وحتى الحيط لي كيكون في جناب واي طبعة حتى من تلفزة وكل اشياء لي عليها الغبرة منبعد كتبقى لي زربيه ديلنا كنديرو نفس بنيو وفيه الخل وشويه ساني كروا وشيتة اتاع الصبون وتبداي تشطبي ودري مرة مرة شيتة في هداك ماء وتحولي تنشفي ماء شويه باش متغرقيش حويج ديالك فيماء اختي راكي غادي تشوفي شيتة كيفاش غتعمر با اوساخ حتى لكديري لسبيراتور من بعد كترشي معطر الجو في الصلون وكتخليه يشرب هداك ماء مع معطر كيدخل ريحة لفراش وبهدا كتكسبي ريحة زوينة مدة اطول:confused::D ودبا نمشو لكوزينة نصيحة اختي الا كنتي كتستعملي زيف باش تمسحي كنطوار فحولي دائما ترقديه في جافيل باش بكتريا متنقلش من مكان لاخر بنسبة الاكل سلطات حولي تقطيهم ودريهم في تلاجة وتشرميلا انتاعهم مديرهاش حتى اخر لحطة البيض الا شاط لينا سواء كان ابيض او اصفر نديرو في بلاسطيك غدائي ودريف في فريكو حتى تبغيه كبقى هواهوا بنسبة الا خضرا بغتيها تبقى عندك في تلاجة زوينة اكبر مدةغسيلها ديري عليها زيف يكون نفي وفازك بماء بهدا كتحفطي على خضار قزبر حتى هوا تقطع ويدار في بلاسطيك مع اختلاف الوان باش تعرفي قزبر من معدنوس ويدار في فركو مع علم كل ما درتي منو ترديه في نفس لحطة بطاطة الا بغتيها تجيك مقرملة وزوينة في قلي نقيها ودري ليها ملح وماء ودريها في فريكو او فريزر حتى وقت قليان ملح او كين طريقة اخرى باش تقرمل غير من برا وتكون من داخل طريه تسلقيها نصف سلقة ومن بعد تقليها كتطلع زوينة اختي مالي تكوني كتقلي اختي دائما يد مقلى تكون من ناحيه تانيه ماشي من جهتك والا جاب الله وطار عليك الزيت الله يحفطك عليك با عسل حر وخميرة معجونة مكتنبلش ندوزو دبا لغسسيل اواني اختي مالي تبغي تغسليهم ندير بانيو ديال ماء صغير ونحول ندوز فيها كل اواني متسخة غير با ماء وايدي فقط ونبدو با كيسان هما اولين ومن بعد تباصل واكبر ثم الاكبر ونفرغو هداك ماء ونديرو بانيو اخر فيه ماء وصابون ديال اواني وشويه جافيل ونعيدو عمليا هكدا اختي مكتحتاجيش صابون بزاف لانك نقصتي نصف الدهون من بعد ما غسلنا كوزينتنا مزيان ومسحنا اواني قبل مردهم لبلاكرات نمشو الورد لي عندنا في دار كنعرفو حتى هووا كيعمر با غبرة وكتعياي انك تحيديه كلو وتغسليه خصوصا الا كان كتير اختي عندي طريقة اختي كتخدي منديل وضربيه بوشيه باش ديك الغبرة كطيح كناخد رشاش ديال زجاج مالي كتخوى منرمهاش كنعمرها با ماء وساني كروة وكنرش كل ورد واشجار لي عندي في داربهدا كنكون غسلت ورد في نفس الوقت بقات ريحة زوينة في دار كنتمنى اخواتي هد نصيح يعجبوكم هدشي لي تفكرت دبا الا تفكرت شي نصيحة اخرى او شي اخوت كان عندها شي نصيحة طيفنا لينا باش فائدة تعم كلشي اه نسيت نصيحة اخيرة بلاطوات ديال بلاسطيك كنعرفو مالي كديري فيهم شي براد سخون ولا قستهم عافيه كيعواجة نديرهم في فريكو كيرجو كنعرف ان ماشي كل بلاطوات بحال بحال والله يوفقنا ويوقكم الا مافيه الخير واخر دعونا ان الحمد الله رب العلمين لا تنسونا من دعاكم عن طهر الغيب وجزاكم الجنة
fuq hgkwhzp hgaowdi glfj]zhj td hgfd,j dhvf du[f,;k ]hvj du[fk;k
على ردك الحلو وتقبلي سلامي احبك في الله
يشهد الله اني احبك في الله كذلك منين مكنلاقاش التعليق ديالك فالوصفات ديالي والله كنتسال فنفسي دائما فينها امال المغربية الله يبارك فيك و يجزيك بكل خير
نصائح قيمة وفعلا مفيدة
الله يجازيك بخير
