بسيطلات دالحوت من يديداتي و بالصور و الشرح

المقادير
100_1754.jpg

-زلافة كبيرة قمرون منقي وطايب فالزبدة+معدنوس مقطع+ملح+ثوم+ابزار
-زلافة كبيرة كلمار مسلوق فالماء و الحامض و2 ورق سيدنا موسى+3 ريوس ثوم منقيين
-زلافة كبيرة ميرلا (او اي حوت ابيض)مسلوقة فالماء و الحامض و2 ورق سيدنا موسى+3 ريوس ثوم منقيين..منين كتسلق كنزولو ليها الجلدة والشوك بعناية باش ما نفرتتوهاش
– زلافة كبيرة من الفطرمسلوق فالماء 5 دقائق ثم نديوه و نجيبوه فالزبدة+معدنوس مقطع+ملح+ثوم+ابزار
+صلصة الصوجا+صلصة الانشوبة(اختياري) -5 معالق كبار زيتون اخضر مقطع صغير
-1/2 حامضة مصيرة مقطعة صغيرة جدا
-زبدة مذوبة+زيت+شوييييية ملح و ابزار+معدنوس مقطع باش ندهنو الورقة
-ورقة البسطيلة

الطريقة
كيف ما شفتوا ..كنطيب كل حاجة بوحدها باش كتزول الزفرة دكل حاجة و مايجي شي طالق فشي

كنستعمل طبسيل د زاج غارق(مقعر) كقالب باش يجيو قياس واحد
100_1764 (2).jpg

كندهن الطبسيل (بالزبدة مذوبة+زيت+شوييييية ملح و ابزار+معدنوس مقطع ) ثم تندهن الورقة الاولى و تنحط فوقها الورقة الثانية ثم تندير الحشوة

100_1765 (2).jpg
100_1766 (2).jpg
و كنطوي بالطريقة الي فالصور
100_1768.jpg
ثم كنقلبها فمقلاة الفرن و كنشعل عليها من الفوق و التحت فنفس الوقت
وكنخليها تتحمر
100_1771.jpg

ملاحظة
الى كنتو غادي تخبيوهم فالمجمد ضاعفو عدد الورقات و حاولو تنقصو من جناب الورقات اللي الداخل باش مايجيوش البسطيلات معجنين

اهداء مني لجميع المشرفات و لجميع الاخوات
بالصحة و الراحة الله يجعلها نعمة دايمة
ما تبخلوش عليا بالدعاء و الردود
والي عندها شي استفسار انا فالخدمة

دمتن في رعاية الله

fsd’ghj ]hgp,j lk d]d]hjd , fhgw,v hgavp hgwvp d]ddhjd