السلام عليكم ورحمة الله وبركاته
اليوم جبت ليكم ط¨ط³ط·ظٹظ„طھظٹ ساهلة ماهلة وحتى العمارة أسهل مايكون وكتجي بنينة وخفيفة, المهم بلا بلا بلا ههههه نخليكم مع الوصفة هههههه
المهم نبدا بالورقة انا كنصيبها فالدار واخا ماكاتجيش بحال ديال الزنقة فالمغرب ولكن بنينة هههه, كتخلطي تقريبا كاس ديا الدقيق وكاس ونصف ديال الماء دافي والملح كتجي بحال عجينة البغرير وكنطيبها نيت فالمقلة ديال البغرير باش ماتلسقش كنديرها ديريكت على البوطة وكنبدا ندهن بالشيتة وكنخليها تطيب شي 3 دقائق ملي تبان لينا بدات كتهز شوية من الجناب كتحيديها وتحاولي عليها باش ماتقطعش وتدهنيها بالزيت وتغطى بزيف, كتبقاي هاكا حتى تكملي العجينة اللي عندك
نجيو للعمارة انا عديت باللي كاين ههههه شلضت شوية البصلة وحمرتها فالمقلة مع شوية الزين والثومة حتى تتقلى وزدت عليها الربيع مكرض و الشومبنيون انا كان عندي دايل القرعة مرقد فالزيت من قبل, وزدت معلقة صلصة الطماطم والتوابل {الملح, الابزار,التحميرة,السكينجبير, الخرقوم…} وخليتهم يتشحرو شوية عاد زدت عليها الشعرية الصينية من بعد ما صلقتها وقطعتها وخليتهم فوق البوطة شوية بينتا تتشرب الشعرية ديك ليقامة صافي وحيدتها وخلطت معاها الفروماج محكوك وعمرت
كتبان ليكم بحال الكيكة فالصورة حيت انا صيبتها فالقالب ديال الكيكة وخليت شوية الورقة قطعتها طريفات وملي طابت البسطيلة قلبتها وزوقتها بهادوك الطريفات ورجعتها تتحمر شوية من الفوق صافي وهاهي موجودة
هادي هي قريعة الشومبنيون اللي درت
وهادي قبل ماندخلها للفرن
وبالصحة والراحة
مرحبا بيكم وقبلو على ماوجد هههههههه
fs’dgjd hgshigm hglhigm iiiiii
سؤالي الدقيق هو farine
fhvm hggi tdm
الحادكة من كتبان من والو كدير شحاجة
ننتطر جديدك
في الغربة و عاملة هاد الخير كله
عطاك الله الصحة