بسبوووووووستي العزيزة

*"*بسم الله الرحمن الرحيم*"*
السلام عليكم ورحمة الله وبركاته
انيقاتي العزيزات مرحبا بكم عندي اليوم نشارككم الوصفة ديال البسبوسة ديالي اللي مكتخطانيش نهائيا وحتى نتوما غدي تدمنوها ان شاء الله لانها ساهلة و خفيفة

باراكا من البلابلا

ندوزو للمعقول
*المقادير*
Photo033.jpg
كاس ديال سميدة غليضة
كاس سنيدة
كاس كوكو
1/2 كاس زبدة دائبة
1 يغورت
1بيضة 1خميرة كيماوية
1 فاني (حبذا لو عندك فاني سائل)

* سيرو*
كاس عصير البرتقال
3 ملاعق سنيدة
1 فاني

*للتزيين*
لوز مسلوق و مقشر

الطريقة
Photo034.jpg
*نخلطو جميع المقادير الاولية فمرة وحدة
Photo035.jpg
*ندهنو المول بالزبدة و نرشوه بالدقيق و نزلو فيه الخليط و نقادوه بيدينا مزان و نحاولو نخططوه على شكل مربعات بش نديرو اللوز
Photo039.jpg

*ندخلوه للفرن كلا وحدة عارفة قياس فرانها ولكن متخليوهاش تبرونزا بحال اللي درت انا
*لما تخرجوها سقيوها بالسيرو
Photo040.jpg
(سمحولي مصورتش هد المرحلة ) و خليوها حتئ تشربو كاااامل و خليوها تبرد عاد قدموها و بصحتكم و راحتكم
ايوة شي دعيوة دالخير الله يجازيكم بخير