حبيباتي الانيقات جيتكوم اليوم ببسبوسة كتجي روعة ،بمعنى اني جربت انواع كثيرة من البسبوسة و لكن هادي اللي برداتليا الخاطر بكل صراحة،الفضل كيرجع فيها لاختي الحبيبة حنان،كنتمنى تدعيو معاها ربي يفك كربتها ويصلح ليها ذريتها الله يحفظكوم.
دابا المقادير:
4 بيضات،1دانون فاني من الافضل،هاد الحك نعبرو بيه واحد زيت،2 سكر،2 خمارات الزا،4 من داك الحك سميدة
الطريقة: نخلطو كلشي الا الزا و السميد،نخليوهوم هوما الاخرين،نكبو الخليط في المول،و الى الفرن.
منين طيب نكونو وجدنا سيرو ديال:عصير حامضة،كاس صغير ماء،كاس صغير سكر،نطبخوهوم مزيان.
سمحولي مصورتش كاع المراحل ولكن كنظن كلشي واضح.
ها هي الصور اللي قدرت نصورها كنت مزروبة شوية:
هادا السيرو اللي غادي نسقيو بيه البسبوسة
هادي منين يالاه خرجتها من الفران
هنا سقيتها بالسيرو
زينتها بكاوكاو مهرمش و لكم الاختيار في التزيين
هادا للي سبقوا و ردوا علي شي ردود اللي تفرحني هههههه
ها كيكاتجي من الداخل،المهم بحال البونج،رائعة……
ما تنساوش تدعيو معا اختي الله يعطيكوم ما تمنيتو هي محتاجة لدعواتكم اخواتي.
fsf,sjd hguh]dm , g;k vhzum
تبارررك الله عليك اختى
وبالصحة ورحة
الله يسر لاختك كل ماصعاب عليها ولجميع المسلمات والله يفرحك ويفرحها عاجلا غير اجل
