حبيباتي ها واحد السلام عليكم اليوم عملت هاد البسبوسة وقلت نشارككم بيها كاتجي بنيييييييييييييييينة يلاه بلا ما نطول عليكم نخليكم مع الصور
المقادير
300 غرام سميدة رقيقة
150سميدة غليضة
1فاني
1دانون
1خميرة
100 غرام لوز مهرمش
100 غرام تمر مقطع
100 كركاع مهرمش انا معملتوش مكانش عندي
سنيدة حسب الدوق
قبصة الملح
150 زبدة مدوبة
ماء زهر لجمع العجين
السيرو
2كسان سنيدة
كاس ونصف ماء
ماء زهر
قطرات من الحامض
الطريقة
ندوبو الزبدة ونبسسو بيها السميدة
ومن بعد نضيفو باقي المواد بالتناوب
انا عملت فاني سائل
ونخلط ونجمعو بماء الزهر العجين ميكونش جاري ومايكونش قاصح حتى نتمكنو نجمعو كويرة بايدنا
نضيفو الخميرة
يدهن المول بعد ما تفرش بالورق وتكرص فيه العجين اهم حاجة مايكونش طبقة غليضة شي سنتيم ديال العلو باش ماتجيش مدقصة
والى فرن متوسط الحرارة حتى تحسي بيها طابت من التحت عاد هبطيها تتحمر من الوجه
وملي تخرج تسقى وهي سخونة وتقطع حسب الرغبة وتسقى تاني وتخليها حتى تبرد عاد حيديها من المول وممكن تخليها تبات فالمول ديالها حتى الصباح الى عملتيها بالليل
وبالصحة والراحة كنتمنى تعجبكوم وماتبخلوش علية بالاراء ديالكم وتشجيعاتكم وعلاش لا حتى انتقاداتكم
fsf,sm fhgg,. ,hgjlv fkddddddkm fhgw,v hgllgm ‘fuh
والله يعطيك الصحة
تستاهل 5 النجمات