بريوش مالحين بالدجاج

ليوم موجدا البريوش معمرين بالصدر الدجاج

نبداو بمقادير العجين

500غ دقيق
100غ زبدة
نصف معلقة صغيرة ملح
معلقة كبيرة خميرة معجونة
و تجمع بجوج كيسان كبار ديال حليب
او ديري حليب غبرة و تجمعيها بالماء
و تدلك جيدا

نغطيوها و نخليوها تخملر مزيان

و نوجدو مقادير الحشوة

نحتاجو البصل
فلفلة
فلفلة حارة حسب الرغبة
زيتون مقطع
معدنوس
وزيت
و صدر الدجاج او الديك الرومي
و التوابل ( ملح – ابزار-سكنجبير – تحميرة – خرقوم )

كنقطعو و كنشحرو البصل و الفلفلة مع التوابل و الزيت

كنشحروهوم مزيان عاد نضيفو المعدنوس مقطع رقيق حتى لتالي

من بعد نقطعو و نشحرو صدر الدجاج بوحدو مع ملح و ابزار و زيت حتى ينشف

ايو ديك الساعة نخلطو البصلة لي شحرنا مع صدر الدجاج و الزيتون مقطع و نزيدو واحد رشة ديال المعدنوس و ندير هادشي كامل غشي شبكة لي تصفي لينا داك ليدام باش مايتقبش لينا لعجينة

غدي تكون العجينة خمرات

نسرحوها بالمدلك و نقطعوها دوائر و نديرو معلقة ديال الحشوة فالوسط و نجمعوها الصور غدي توضح ان شاء الله

و نديروهوم فلاطا باش يخمرو

ملي يطلعو نديرو بيضة و شوية ديال الخل و شوية ديال الملح و ندهنو بيها البريوش ديالنا
ويدخلو الفرن يطيبو شي 20 دقيقة تقريبا

و هاهوما واجدين انا حتى طابو عاد درت ليهم فرماج محكوك فوهم و كل مرة شنو تندير مرة الخشخاش مرة زنجلان ايوة زواق كل وحدة و شطارتها هههههههه

بالصحة الراحة

و هاهي واحد من لداخل كي كيجي هشيييييييييش و بنييييييييين