بخصوص الفيتامينات الخاصة بالحامل

السلام عليكم انيقات يارب يفرح كل وحدة و يعوض كل وحدة فقدات جنينها او تعرضات لاجهاض
اليوم بغيت نسولكم اشنو هما ط§ظ„ظپظٹطھط§ظ…ظٹظ†ط§طھ الي كتخدو يا حوامل و ابتداءا اشمن شهر
متلا انا في التلات الاشهر الاولى كنت كناخد حمض الفوليك من بعد بديت كناخد حبوب فوليفير يعني الحديد و نسبة ضئيلة من حمض الفوليك مخلطين مشريتش هاد الدوا خديتو فقط من سبيتار عبارة عن كبسولات نصفو اخضر و بني
و الان ايضا راني في الشهر الخامس و كناخد اقراص فوارة سميتها ماجي اكس عبارة عن فيتامينات متنوعة و راني وصيت على الاوميكا 3 زيت السمك سمعت عليه مفيد للحامل و بغيت نشريه
عافاكم شاركونا تجاريبكم اش كتاخدو في فترة الحمل من مكملات غدائية

---

fow,w hgtdjhldkhj hgohwm fhgphlg

السلام عليكم اختي انا معندي حتي فكرة دخلت غير ندعي معاك ربي يتبت حملك ويرزقك ولادة سهلة والخلقة الكاملة يا رب

ربي ايخليك الاخت مادر ان شاء الله حتى انت الله تشوفي الي يفرحك كيفما فرحتيني بهاد الدعوة

السلام عليكم أختي أنا الطبيب عطاني gestarelle فيها كل الفيتامينات و الثمن ديالا 99 درهم

شكرا على الرد انا الي محيرني دابا هو اوميكا 3 المقصود به زيت السمك و لكن امتى المفروض ناخدو واش من الشهر الخامس او باقي الحال الي عندها اجابة بلييز تجاوبني و شكرا

انا اختي حاجة لي مكانحملهاش هي الدواء. كاتعطيني طبيبة فيتامين كانشربهم سيمانة او مكانبقاش نقرب ليهم .الله فك وحايلك على خير .حمض فوليك راه كاين في التمر و اوميكا 3 كاينو في الحوت و زريعة الكتان

اختي نصيحة لوجه الله ماتاخديش مكملات غدائية من راسك الا ادا خرجو ليك الطبيب وياكي لأن شكون اللي كياخد مكملات غير اللي عنده نقص وادا عندك فائض ممكن ينقلب عليك الله يستر وخاصة انكي حامل …والحمل فكل مرحلة الطبيبة كتخرج دوا معين

السلام عليكم اختي انا عطاتني الطبيبة gestarelleو فانيد د فقر الدم بديتهم فالشهر الثاني

أنا من الشهر 3 عطاني الطبيب فنيد تاع حمض الفوليك سميتو..فوليو..فيه 120 حبة
وفرمضان قاليّ نشرب فسحور فيتامين..مكسي جي..باش متجنيش السخفة بزاف
ومن الشهر السادس قالي ناخد لحديد..تارديفيرون ب 9 .. نهار إيه نهار لا تال الشهر الأخير

اختي راه كاينين تبارك الله اللي متتحتاج الفيتامينات انا الطبيب اعطاني في شهور الوحم الفيتامين لانه داز علي صعيب من بعد وليت تناكل صافي قطعتو لان ماكاين مااحسن من الفيتامينات الطبيعية والحديد تتاخديه من بعد التحاليل الله يفكك على خير