السلام عليكم الله ظٹط®ظ„ظٹظƒظ… انيقاتي نتمنى ما تجاهلوش موضوعي و تساعدوني بارائكم انا عندي مشكيل في بيت نعاس ديالي عندي ماريو ديالي لاصق في الحيط يالله قاد لحوايجي و لقيت المشكيل حشاكم في صبابط و سنادل ماعارفا فين نديرهم وماعارفا ما نشري ليهم واش نشري ماريو اخر و لا كاين شي اتات مختص لصبابط اعزكم ط§ظ„ظ„ظ‡ و باغا نشري ديك اللي بحال بوطاجي د الخشب و ندير مرايا بشحال يكون تمنها نتمنى تكونو فهمتوني حيت مكنعرفش السميات بزاف هه
fow,w hghjhj lshu]m hggi dogd;l
وعليكم السلام ورحمة الله تعالى وبركاته أختي بالمسبة للأحذية كاين هاد لونطرادا كتحط فدخلة ديال الدار كديري معاها مراية وفوقها شي ديكور لتحت دري الأحذية وفيها قجور ديري فيهم تقاشر وسيراج بالحق مكتهزج بزاف يعني غي لي تستعمليهم 
وكايين بحال هادو تقدري ديريهم للأحذية لي عندك ديال المناسابات ديريهم ورا باب البيت ديال النعاس أولى تحطيهم تحت الدروج يلى عندك المساحة مممكن تخدميهم غي بلخشب
بالنسبة للفاسك نتمنى شي وحدة عندها تفيدك بالتمان كتقصدي لي لافابو ولتحت بلاكار ياك
لهلا يخطيك اخيتي عجبوني ديك الاولين اللي حطيتي اللي مغطيين ما يعرف حد شنو دايرا عندي انا باغا نديرها في بيتي و ندير فوق مرايا ليا هذا ما كنت نقصد بالبوطاجي ههههه ماشي ديال الكوزينة لا يعني كيكون كيف حطيتي و من فوق ندير مرايا و نحط عليها كريمات دياولي هذا ما قصدت لكن فين ممكن نلقا بحال هادوو ؟؟؟؟
اختي هادو des portes chaussures تيكونو عند ليكيبيعو les meubles فحالKITEA تلقايهم عندهم وبالصحة والراحة مسبقا
الله يعطيك الصحة اختي و شكرابزااف
كلاااااااااااااااااااااس جد رااقي ومميز
اختي مولات الموضوع واش كتقصدي الكومود لي كتكون مع الكوافوزات والناموسية ياك ممكن تستغلي المجورا التحتانين دياولها فاش تخزني السبابط
اختي سيري غير عند النجار راه يصاوب ليك وحدة تناسب عدد الصبابط اللي عندك و تناسب المساحة و الذوق ديالك را النجارة ولاو تيديرو العجب نصيحة مني متديراهاش في بيت النعاس را الصبابط تيطلقو الريحة واخا يكونو جداد