بتي بان بالمقادير المتوفرة عندي بالصور كيجي رائع

السلام وعليكم يا اجمل انيقات

البارح وجدت وحاد البتي بان اللي داقو تيدوووووخ

اكيد مفهمتوش كيفاش هاني غنفهمكم

هاد البتي بان وجدتو من اختراعي ط¨ط§ظ„ظ…ظ‚ط§ط¯ظٹط± اللي لقيت قدامي ما تكلفت ما تسلفت

وخدمتهم بالطريقه ديالي

واللي ذاقهم كيهباااااال كيقولي شنو دايرا فيهم

-الدقيق درت عيني ميزاني جهد كيلو

-خميرة د الخبز جهد جوج معالق صغار

-خماره وحده ديال الحلوى

-سنيده جوج معالق كبار

-جوج معالق كبار زبده

-قبصة ملح

-ماء للعجن

-قشرة ليمونه محكوكه

من بعد نخليوها ترتاح من ربع ساعه حتال نص ساعه

وفي هاد الاثناء وجدت اللاطه
و سخنت الفران ووجدت العماره اللي غنعمر بيها

انا درت كونفيتير ديال المشماش و الفريز و الشكلاط الاسود

ووجدت الزبده في الجهد مندوبوهاش بزاف غير شويه

المهم من بعد ما ارتاحت العجينه قسمتها على جوج

وكل كوره قسمتها على 8 الكورات يعني اجمالي الكورات غيكون 16 كوره

و جبت 8 فقط

وطلقتها شويه بالمدلك ماشي بزاف غير شويه
نديرو نفس العمليه مع 7 كورات اللي باقين

من بعد نجيبو الكوره اللي طلقنا الاولى و ندهنو ليها الوجه بالزبده اللي ماذايباش بزاف

وحده فوق وحده و الثامنه مندهنوهاش

من بعد نكرصوهم باليد ومن بعد نطلقوهم مزيااان بالمدلك
حتى ميبقاش السمك ديالها غليض بزاف نرقوه شويه

و نقسموها مورسوات بحال البيتزا و نشدو كل مثلث و نحطو فيه العمار اللي بغينا يا اما شكلاط ولا كونفيتير و نلفوها على شكل هلاليات و نقوسوها

نفس العمليه للباقي
و نفس العمليه ل 8 كرات اللي بقاو لنا

و نزلهم فوق اللاطه و ندهنوهم باصفر البيض مخلط مع شويه د الحليب
من جميع الجوانب

من بعد انا كنت حمرت كاوكاو و هرمشتو
و جبت سكر كلاصي دردت فوق كل هلاليه و عملت فوقها كاوكاو مهرمش و دخلتها للفرن

من بعد مللي تحمرات خرجتها و ستفتها في طبق التقديم و دردرت عليها السكر كلاصي وهادا هو منظرها النهائي

عرفتيو كتجي هشييييشه و خفيفه و مذاق رااائع و خصوصا وحاد الرائحه مللي كتكون كطيب و مللي كتكون خارجه من الفران غزاااااله كتجي

هاهما الصور