بالنسبة للأنيقات الطالبات في الجامعات والمدارس العليا: أجيو نستافدو من التجارب ديالنا

السلام عليكم ورحمة الله تعالى وبركاته،
معاكم سارة طالبة في كلية العلوم وهاذ السنة عندي سنة ثانية في مسلك العلوم الرياضية والتطبيقية، حبيت نفتح هاذ الموضوع باش ط§ظ„ط·ط§ظ„ط¨ط§طھ يناقشو مختلف التحديات اللي وجهاتهم خلال السنوات الجامعية وباش حتا البنات اللي يلاه خداو الباك والمقبلات على التعليم العالي إن شاء الله ياخدو فكرة وكنتمى يكون تفاعل وكل أنيقة تشارك معانا ولو بفكرة باش نطورو راسنا ونكونوا في أتم الإستعداد للسنة الدراسية الجديدة.
والله يتوج كل أنيقة وكل بنات المسلمين بالنجاح والتفوق ويجعلهم مفخرة لوالديهم.

باش نجشعكم شويا، غادي نبدا أنا بالتجربة الشخصية ديالي:
طبعا السنة الماضية كانت عندي أول سنة في الجامعة شعبة علوم رياضية، كانت تجربة مختلفة بزاف على سنوات الإعدادي والثانوي. النظام المميز للجامعات كيفما كيعرف الجميع يتكون من جوج عناصر:
les cours et les travaux dirigés
الأولى تعني الدروس اللي كنتلقوها بشكل جماعي ف المدرجات و كيشارك فيها 50 أو 100 أو 200 إلخ ديال الطلبة على حسب عدد الطلبة ديال لابروموسيون.
الثانية اللي هيا طرافو ديريجي هي عبارة على حصص كيكونو متكونين غير من تمارين يعني كيتم توزيع تمارين في الأوراق والحصة كتكون عبارة على حل هذه التمارين وهاذ الحصة مكيشاركش فيها الطلبة كاملين يعني كنكونو مقسمين.
كل دورة تتكون من أربع وحدات، وباش تنجح خاص مجموع النقط في كل وحدة مقسوم على أربعة يعطيك على الأقل 10. طبعا كاين بزاف ديال القوانين الأخرى اللي كتحدد النجاح.
هاذي نبذة بسيطة للبنات اللي عاد خداو الباك ديالوم.

الحمد لله نجحت في الدورة الأولى والثانية ولكن داكشي كان فيه معاناة وليالي بيضاء يعني كنبقاو فايقين الليل كامل باش نقراو، طبعا إرتكبت أخطاء وداكشي علاش فتحت هاذ الموضوع باش نفيذ، ونستفيذ.
الأخطاء التي إرتكبتها:
. كنت كنعطي أهمية لشي مودولات دون الأخرى: يعني مثلا كنخدم مزيان جوج ديال لي مودول وكنخلي جوج أخرين كيترخى فيهوم. كل مودل عندو الأهمية ديالو وأصلا كاملين عندهوم نفس المعامل وخاصك تجيب فيهم كاملين 10 باش ينجح يعني هذا خطأ كبير.
. الغياب: بحكم النظام في ط§ظ„ط¬ط§ظ…ط¹ط§طھ مرخوف وقليل لي كاياخد الغياب في عين الإعتبار، أنا كنت كنغيب في الفيزياء خاصة ماكتعجبنيش وطبعا هي لي جبت فيها أقل نقطة. راه واخا ماتكون فاهم والو ضروري الحضور واخا ماتكونش عارف الأستاذ علاش كايهضر غير كتب دروسك و تصنت لو واخا ماتفهامش راه المخ كيخزن المعلومات وملي خادي تبغي تراجع ذاك المادة غادي تبدى تقول دابا عاد عرفت أشنو كان يتخربق داك الأستاذ، هذا وإلى جانب أنك إذا قاديتي الدروس ديالك كاتكون مرتاح ومنظم ماشي حتى كيقربو الإمتحانات كتلقى موالين فوطوكوبي خدامين باليل وبالنهار وتمشي تنتا تزاحم باش تعمل فوطوكوبي مواضحينش حتى ومنعرف ذاك لي نقلتي منعدو واش داكشي عندو صحيح ولا غير كاتب.

المهم هاذا غير المختصر المفيذ كيتمنى يتفاعلو ط§ظ„ط·ط§ظ„ط¨ط§طھ باش نطورو هاذ الموضوع ونتطرقو لشتى الجوانب مثلا:
.كيفية تنظيم الوقت.
.الأخطاء اللي خاصنى نتجنبوها.
.طرق التحضير للإمتحانات.
.بالنسبة للبنات لي بعادين على ديورهوم يعني في الحي أولا كاريين كيف كتوافقوا ما بين المعيشة والدروس.
إلخ …

---

fhgksfm ggHkdrhj hg’hgfhj td hg[hluhj ,hgl]hvs hgugdh: H[d, ksjht], lk hgj[hvf ]dhgkh hgj[hvm hgugdh hg’hgfhjK hg[hlumK ]dhg,h

أختي شعبة صعيبة اللي راكي دايرة ..فكرتيني فالجامعة وايامها.,ندمت ندم كبير حيث مكنتش واخداها بجدية ومكنتش كندخل td وراكي عارفة أهميتها ..كنت داير شعبة الفزيا والكيمياء ..العام الاول داز بيخيرأما العام الثاني كثرة الغياب والبعد عن اللأهل مقريت واااالو ..دخلت غير باش ندعي معاك وجميع الأخوات اللي مازالين تيقراو ربي يعاونكم ويوفقكم ..

السلام عليكم
شحال كنت كنتسنا موضوع بحال هذا كنشكرك على المبادرة
بالنسبية ليا العامين اللي فاتو كانو بزاف التجارب بسلبياتها و ايجابياتها
لي عودة انشاء الله لتفاصيل اكثر

السلام عليكم ورحمة الله و بركاته مبادرة زوينة بزاف جزاك الله خيرا انا خديت الباك الرسمي العام الي فات او درت الكلية شعبة smi ممقتانعاش بيها او محملهاش و لكن الظروف الي خلاتني نتبعها بحكم وليديا مبغاونيش نمشي لمدينة اخرى نقرا داكشي لي بغيت و بطبيعة الحال منجحتش فالكلية او مع دالك والديا باقي مبغاوش يفهمو بلي الواحد خصو يقرا فشي دومين تيعجبو باش يقدر يعطي فيه او صدقت دبا مضيعة عام من غير باك حر دوزتو او نجحت فيه. صافي هادي هي المعاناة ديالي من الرفض من المدارس العليا للرفض من الوالدين

يا ربي أمين بارك الله فيك راه حنا كنمشيو غير بالمكاتيب، حتى أنا بحالك ملي كنكونوا ساكنين غير معى البنات كنتلهاو بالضحك والقصارة والزغاريت وعلى غدا كنصبحوا ناعسين ههه الله يهدينا والله يحققلك كل ما تمنيتيه دنية واخرة

وعليكم السلام،
تبارك الله عليك أختي كنتسناو الإفادة ديالك على أحر من الجمر باش إن شاء الله نبداو هاذ السنة الدراسية مستعدين أحسن إستعداد نفسانيا ونتجنبو داك العكز والعادات الخايبة اللي كنديروها، والله يرزقنا فرحة النجاح كاملين إن شاء الله.

أختي راه حتى أنا عملت تقريبا نفس الشعبة هي صعيبة بزاف والمقرر قاصح يعني كنتعمقوا في الرياضيات أكثر من المدارس العليا ديال الهندسة بحكم أنا كنت ساكنا معا بنات كيقراو في المدرسة الوطنية للعلوم التطبيقية وكانوا كايقولولي الله يرزقك الصبر ههه ولكن واخا الشعبة صعبة مكاينش شيحاجا مستحيلة راه الا قرينا نجحوا بزز غير حنا الله يهدينا وخلاص.
ودابا أختي أشنوا قررتي تعملي؟ واش غادا تكملي نفس الشعبة ولا تبدلي؟ عملي صلاة الإستخارة وحاولي تناقشي مع واليديك غير بالهدوء وقوليلهم مثلا نتوما ولدتوني وتعبتوا عليا وكنحترم الراي ديالكوم ولاكين أنا بغيت نعمل الحاجة اللي كنشوف راسي نقدر نمشي فيها بعيد إلخ .. لعبي على داك الوتر الحساس راه حتى أنا ماكانوش سمحوليا نبعد على الدار فالأول حتى بديت نتمسكن ونرغب ولاكين وخا هكداد مداوهاش فيا هههه وأخيرا لجأت للسلاح النووي الأخير ديالي وبديت كاندمع وكنبكي وقطعت الماكلا (واخا بيني وبينك كنت كنتسنا حتى يمشيو ينعسو وكنسرق من الثلاجة الله يسمحلنا ههه) اوا أختي الله يعمل تاويل الخير والله ينورلك البصيرة دعي لربي وان شاء الله مغاديش يخيبك !

ها نا جيت عاود بالنسبة ليا اول خطأ ماختاريتش مزيان معامن نسكن وهادي راها حاجة مصيرية بالنسبة للي اول مرة تخرج من دارهم
تاني حاجة الجبهة مكايناش الناس كيقسحو وجوهم على ود مصالحهم انا لا نفسي هيا لولا
الايجابيات هيا تعلمت كيفاش نسير راسي بحكم التجربة لي خديت العام لول وهادشي كينعكس على القراية
احسن نديرو برنامج يومي لقراية الى خليتيها حتال les exams كتولي تقراي بلا عقل
ياربي ندير بيها العام الجاي

واوووو موضوع جا فوقتو انا يلاه خديت الباك وماعندي تاتجربة تخيلة معايا عمرني تفارقت معا واليديا ماعمرني ركبت طاكسي ولا طوبيس بوحدي ديما فطوموبيل مع واليدبا ولا خالي مهم مرتابطة واحد الارتباط وتيق بواليديا وماكانتفارقش معاهم هادي تاني مره انتفارق معاهم مورا المخيم مهم بغيت نسولكم على القرايا ف fst
راه بحال الجلمعة غير هي حسن مهم انا اندير fst tanger مانلقاش شي وحده هنا دايراها ولا عاد اديرها تفيديني..عافلك فيدوني

عندك الحق أختي، أنا كنظن أحسن حاجة كلما نعملوا شي درس فاش نرجعو لدار ديركت نقراواه مرة وجوج وثلاتة ونفهموه مزيان ونلخصوه حيت كنبقاو غير كنكتبوا في الدروس حتى كيتجمعوا علينا ومكيبقالناش الوقت.
خاصنا نستغلوا داك أسبوع الأول ديال القراية حيت كنبداو نقراو غير الدروس بلا طديات، خاصنا ننطلقوا مع الدروس ونحاولوا نفهموهم مزيان حيت الإنطلاقة الجيدة كتوصل بحول الله لنهاية جيدة.
بالنسبة للطديات خاص نعملو مجهود ونحاولوا نخرجوهوم في الدار ماشي نتكلوا على الأستاذ حتى يحل لينا التمارين، خاص ضروري نخرجوا شي تمارين من السلسلة وماشي ضروري كولهم وما فيها باس الإ إستعنا بشي واحد ولا فتشنا فالكتب والإنترنت باش نديو فكرة ماشي نمشيو للقسم والأستاذ كيشرح وحنا بحال ذاك شاهد مشافش حاجة.
وطبعا النقطة الأساسية فهادشي كامل هي الجانب الديني، اذا إستعنا بالله راه ماغاديش يخيبنا. مثلا فوقت القراية غير نصليو العشا والشفع والوتر ونعسوا ونفيقوا نصليو الفجر وداك ساعة نراجعوا الدروس لي غادي نعملوا داك النهار راه ذاك الفترة ديال الفجر كتكون فيها البركة والهدوء وكلشي ناعس وكتلقا راحتك وإلا نعسنا مباشرة مور العشا إن شاء الله نكونوا قادرين نفيقوا شابعين نعاس خاصة ف الشتوا الليل طويل. والله المستعان.