اول مرة كندير رزيزة القاضي اجيو تشوفو كيف جاتني

انا من محبي ط±ط²ظٹط²ط© بل عندي ط±ط²ظٹط²ط© من المعجنات المفضلة عندي و مع الغربة و الوحم جاني الهبال عليها ههههههه و ديمة كنبغي نديرها كنعكز كتبان لي صعييييبة خاصها شي لالة مولاتي

ايوا البارح حيدت عليا العكز و قلت و الله حتى نديرها يا بيا يا بيها هههههه

المهم منكثرش عليكم الهضرة

المقادير

دقيق الفرص

سميدة الرقيقة

ملح

زبدة

زيت

الطريقة

في العجين درت دقيق الفورص و سميدة رقيقة و ملح و جمعتهم بالماء دافئ و عجنتها مزيااااااان

هاهي منين تعجنات

ثم كورتها كويرات و خليتها ترتاح واحد شوية

و في هذا الاثناء دوبت الزبدة مع الزيت و درتهم في زلافة واسعة باش تسهال عليا الخدمة

ثم بديت نخدم كورة بكورة اولا كندوزها من الة الصباغيتي من الجيهة الي كترقق ثم كندوزها من الجيهة الي كتردها خيوط ثم كنلوحها في زلافة الزبدة و الزيت باش تدهن مزيان و كنلويها على جوج صباع و هاهي الرزيزة ديالنا مقادة نخليكم مع الصور هما يوضحو الطريقة

صافي نبقا وحدة بوحدة نفس الطريقة حتى نكمل الكل و نخليوهوم يرتاحو شوية و رشيتهم بشوية السميدة في هذه الاثناء مشيت وجدت واحد بريريد اتاي فاعل تارك هههههههه

منين كملت اتاي درت المقلة الثقيلة تسخن و غير صخنات بديت نكرص الرزيزة و لكن تبعوني كتشدوها كتحطوها بالمقلوب على المقلة ماشي كيف كتهزوها تحطوها على داك الوجه نيت لا قلبوها دابا هداك الوجه الي كيبان الفوق هو الي يجي لتحت في المقلة نتمنى تكونو فهمتوني و نبداو نطيبوها و نقلبوها منين نحسو بي الوجه الاخر طاب

هاهو منين ساليت جاو فنين منظر و مذاق يا سلام

ايوا عطيوني رايكم اش بان ليكم

هههههه لا تحرموني من ردودكن و تقييمكن