انقدوا نباتاتي

---

hkr],h kfhjhjd

اختي انا كانو عندي حشرات فالغرس ونصحوني الناس باش ندير الدواء اسمو دواء ديال بوزداغ
كنشريه هو راه ازرق كيتخلط بالماء وتديريه فرشاشة وتبقاي ترشي به يوميا راه كينفع بزاف الغرس
سولي عليه مالين دواء تالغرس نتمني نكون فدتك

حتى انا عندي نفس المشكل وماعرفت مانعمل،

مشكورة اختي على الرد ديالك
غادي نقلب فمحلات بيع النباتات وان شاء الله تلقاه

فعلا مشكل منين كتشوفي النباتات كتاكلهم حشرة صغيرة ومتجبري ما ديري
انا كنت مبغيتش نستعمل مواد كيماوية
ولكن الله غالب ماكاينش حل من غيرهم

اختي هاديك الحشرة غالبا كتحكر على النباتات
نباتاتك خاصهم مراقبة يومية و اول ما تبان ليك البداية شي وحيدات باقي منتشرو في النبته جيبي شيفون و حيديهم حتى تتاكدي انك مخليتي منهم حتى وحدة … دابا نتشرو و على حساب نوعية النباتات الى كانت نبتات زينة بحال هاد اللواية شري ليها مبيد خاص ببحال هاد الحالة من المشتل كيفما قالت الاخت متواضعة لله
و الى كانت نباتات غادي تستهلكيها بحال النعناع جربي 3 ضروس ثوم + حارة مطحونين مع شوية الماء في المولينكس تزيديهم على نصف لتر ماء
و تاخدي منهم 2 معالق كبار تديريهم في لتر ماء بعدما تكوني حيدتي هدوك الحشرات القدر لي قديتي تحيدي منهم و ترشي من هاد المحلول و تركزي على اماكن الاصابة بهاد الحشرة مرة يوميا

مشكووورة على الفكرة
بارك الله فيك
غادي نجرب المحلول الطبيعي ديالك
انا فعلا زولتهم بالماء
كل يوم كنضفهم

دردري على النبتة كمية من الرماد وغادي يمشي داكشي
بالتوفيق ان شاء الله

عليك يالماء والصابون البلدي او صابون لماعن عملي في البخاخ وغسلي النبتة يوميا

حسب رايي المشكل الحقيقي هو يجب عليك نقش التربة او اعادة زرعها من جديد لكي تتمكن النبتة من النمو من جديد وتاخذ حقها من المقويات