انا بغيت الحلال و هوما باغينا نبقاو فالحرام

السلام البنات ما كتبت ليكم حتى عييت او مليت ط¨ط؛ظٹطھ نتزوج بسعودي او هو معندوش الموافقة و التصريح و كاع العدولات مشيت عندهم والو انا ط¨ط؛ظٹطھ ندير غي شي ورقة كتبت علاقتنا بين ما خرج لينا التصريح و سمعت بلي كاينة واحد الورقة اسمها الموافقة على الزواج قالو لي مبقاتش و فقدت الامل و دابا سمعت البنات قالو بلي كاين شي محامي فمصر كترسليلو غير الوتاءق ديالك او هو كيزوجك او كديري تدييل فالمغرب الله يخليكم فيدوني كيفاش تواصل مع هاد المحامي او واش يبغي يكتب ليا عقد مع سعودي اولى غير المصريين الله يستركم و يفرحكم عاونوني

---

hkh fydj hgpghg , i,lh fhydkh kfrh, thgpvhl hgplhl ,frh,

السعودي اختي من غير تصريح ما تغامري و تزوجي بيه
صبري و خليه يتسنى و يطلع و ينزل حتى يجيبه
راه بالتصريح انتي المستفيدة و اولادك و انتي اكثر
اما هو فكل الاحوال راه عادي بالنسبة ليه
راه وخا تزوجتي فمصر راه السعودية ما معترفة بزواجكم عمرك غادي دخلي للسعودية بصفة زوجة غير بالتصريح غير هكاك ما تعدبي راسك
او يقوليك ندير ليك فيزا خادمة او عاملة
صبري اختي خليه يجيب التصريح عاد توكلي على الله
يسر الله امرك

اختي انا اصلا مبغاش نمشي للسعودية و الزواج فمصر بغيت نديرو على ما يخرج لينا التصريح
كنتمنى البنات اللي عندهم معلوملت افيدوني بخصوص العقد فمصر

اختي من احسن تتنضري حتا يخرج ليك تصريح زواج باش ضمني حقوقك

علاش اختي واش نتي عايشة معاه في لحرام اصلا
لانكي قلتي بغاونا نبقاو في لحرام

وعلاش تقولي بغاونا نعيشو في الحرام؟؟
هما قالو لك غير مايقدرو يديرو شي حاجة ماشي قانونية لانهم غادي يمشو للحبس الى داروها

حسيت بيك اختي لاني دزت من ديك المرحلة ,وانتظرنا 6 سنوات مشات من حياتنا وحنا نقلبو على حل ,وفالاخير لقيت بنات هنا تيقولو زواج التوكيل ,وتواصلنا مع محامي مصري ودرنا العقد,ولكن اختي حياتك ديما تتبقى مبلوكيا ,ماتقدري تولدي,ماتقدري تمشي معاه لبلادو بطريقة قانونية,بالنسبة لي كان حل ترقيعي والسلام,لكن دابا ملي اخدينا التصريح عاد حسيت اني تولدت من جديد.ونصيحة ,را واخا نتي تغامري معاه را عمرو مايحسبها ليك.فالافظل خليه يجري را يجيبو يجيبو,هادشي درت انا بقيت هنا فالمغرب وقلت ليه جري على التصريح الى بغيتيني نعيش معاك تحت سقف واحد

الزواج بلاتصريح ماساة بلا متصرعي حيت السعودية متستاحقش هاد الزربة راتماغير لقنط ولخنقة وماكاينش القوانين بخصوص الاجانب خاصة لاتزوجتي بلاتصريح ومشيتي بفيزة عاملة لحصلتي ميعقلوش علك وتيعتابروه زواج غير نضامي خليك فبلادك تمتعي وشبعي حرية وخليه يجري عالتصريح ويتهلافيك ويصرف عليك ماشي غير مرهونه اما زواج بتوكيل فالسعودية رابحالا ممزوجاش متقدي تخرجي معاه متقدي تولدي وفلمغرب غتغامري يقدر يمل ولايطلع ليه الدم يزيد ويخليك

ختي سمعي كلام لبنات الطرات ليه شحجة الله يستر اخصك تمشي سعودية او كفاش غدي تمشي

مالكي على حالك و بغيتي ترمي راسك بلا وراق رسميا راكي تحكمي على حياتك بالإعدام .. راهمو بنات بلادهم كايكرفسوهوم و ماكايسجلوهومش و كاينكرو ولادهم و انتي ياغيا تجري لعمدهم .. ديري عقلك و إلى كان باغيك يجي يديك يعزك و شانك و إلى كنتي خايفا من الحرام قطعي علاقتك بيه و إلى كان ليك فالقسمة ديالك راكي تديه .. ماترخصيش راسك .. و ستمعي السعودية و تقولي هنا نبات راهم تما الأجنبيات ماعندهم حقوق نها يشبع منك يرميك و الترحيل نيشان و يحيد ليك لولاد و عمرك باقي تشوفيهم