الي ولدات و تبهدلات دخل .يمنع دخول اصحاب القلوب الضعيفة جزء 2

كنعتدر لصاحبة الموضوع اصلي بينات
فيما كندخل لمنتدى الجمال كنلقا بزاف النسا يتشكاو من بعد الحمل و الولاد . كنتبهدلو و نا بغيت نحرككم و نجمعكم و نقرسكم شوية و نجبد ليكم لودينااااتاات بغين طفسو رجالكم يعني ولا تهربوهم ولا ناوين توليو بحال نساء العهد الحجري ، ها لي ولات بحال النمر المقنع كلها خطوط، و لي شعرها بحال طرزان اما الوجه لا حديت ولا حرج ولات خوطوطو ، اما لكريشات ويتييييي معمرين عمارة اصلية لاواط البصمة ، ها لي غلاضت او ولات ناموسية ليها وحدها ، ولي ضعافت ولا راجل يقلب عليها بين لكواش
اوا لي باغا تشمر على كتافها و دير نفس مرحبا بيها ولي قلبها ضعيف تمشي تكمش
شروط اشتراك :
معكازات مرفوضاااااااااااااااااااات
اصحاب اعتذارات الدائمة مرفوضات
مطلوب
5. دقائق صباحا
10 دقائق قبل النوم
15 بعد نوم اطفال بعد الزوال

التسجبل مفتوح لغاية 23 يناير

---

hgd ,g]hj , jfi]ghj ]og >>>>>dlku ]o,g hwphf hgrg,f hgqudtm [.x 2

السلام عليكم
الدرس اول البشرة الجافة
المنظف:
SVR provegol gel nettoyant
كريمات الليل حسب الحاجات
البشرة جد جافة
Hydra-chrono lierac
كريم ضد التجاعيد
Nutritic 2,5 la roche posay
كريم مغدي
Exclusive intense nuit lierac

كريم النهار
Active C peaux sèche

الدرس الثاني. البشره الدهنية

المنظف​​​​​​​​​​​​:
SVR tysalpha gel nettoyant
كريم الليل
SVR hydracid C
كريم النهار
Hydra cristal fluide uriage

الدرس الثالث العين
كريمات العيون
ضد تجاعيد العين
Retin-ox
Hydraphase yeux
Cernor xo
Active C yeux delà roche posay

اخوات الي وجههم مهلوك و فيه الشوائب و الي كتحس وجها غير صافي و فيه القشرة الى اخره دير اول حاجة تقشير عاد تبدى بالكريمات
تقشير اما ديرو عند الطبيب او بواسطة منتوجات تستعمليها وحدك
الا كانت البشرة ديالك سميكة و صبارة هههههههه عندها الراجل و العكوزه و صابره عطيها لحكان 8هههههههههههههههه
غا كنضحك
يعني الا كانت بشرة سميكة تستعملي
Renewec crème de roc (dermabration de roc) i
كيدار ٣ مرات في اسبوع لمدة ٥ دقائق كتستعمليه بالبروسة ديالو الا بغتي تقتاصدي تشري الكريم بلا بروسة و تستعلي يديك تماسيه بها في وجهك لكن بطريقه خفيفه بحالى كتنظفي وجهك لكن بلطف

الي بشرتها رقيقة بحال بحال لي بيبي و مقادة على تمارة و حساسة بزاف مسكينة بحالي ديري ليها bioderma white objective فيها سيروم و كريم دو جور الي مسروفها الي جاتها غالية تاخد واخا غير السيروم انا متبعاها فعلا زوينة
ملي تقادو بشرة و تحسي بيها تنقات عاد تبداي في كريمات التجاعيد او كريمات مغدية فقط

مممممممم بان ليا نفس المشاكل عدنا كاملا باش منزيدش نعطل اكثر ندخل مباشرة في العناية بصفة عامة و كل اخت غادا تعرف العناية الي خاصها تسجل داكشي في ورقة و تكتب ادوات تمشي تشريهم لكن بلا عكز والا غير تحتافض بفلوسها او وقتها
على بركة الله نبداو بالشعكاكة الي محيحا علينا كاملين واه ولا وحدة عدها ماتبان علينا كلنا مخافات
ادن الشعر المتساقط
في الحالة ديالنا و قبل الخلطات نتمنى من اخوات يديرو تحليل فقر الدم راه السبب اول في التساقط بعد الولادة و الي عندها فقر الدم. تستعمل الحديد
٥ دقايق في الصباح و المساء رياضة فروة الراس نزل شعرع قدام وجهي و نبدا باطراف اصابع نماسي فروة الراس بمهل هاد ارياضة كتنشط الدورة الدموية للفروة كتوقف تساقط كتساعد في نمو الشعر
نختار شموان ضد التساقط راه البارا فيها كل انواع نختار نوع حسب شعري جاف ولا دهني
ناخدو سيرم. لفروة الراس للشعر المتساقط كيوقف التساقط افضل من الخلطات فقط. كتحتاجي المداوم . و شويش الصرف
العناية يومية ضرورية ماشي تخلي شعرك حتى يتعكد مزيان عاد تبداي تمشطيها و تقولي كيطيح و نتي خاصك تنتفيه باش تفكيه
ما فيها باس نحط المشطة ديالي جنب المرايا في الحمام مع زويتة الا كان شعرك جاف نفك كلليلة و نمشي ونعس
اخوات الي شعرهم جاف و مشوك نستعملو شمون بالكيراتين كين كليي النوار ناقص في التمان مي زوين قبل الغسل ندهن شعري مريان بالزيت باش ميزيدت ينشف مع الماء
بعد الحمام ندهنو بالزيت او سيروم ( السيروم زوين تعرفيه بالختورة ديالو )
و ودير ليه باتشا تقليديه باركة من السيشوارات حرقو لينا الزغبة
الا كان شعرك باهت و بغيتي تعطيه لون بلا صبغة كين زيت دابر املى الدهب . كين الي يعطي لون اسودو كاين الي يعطي لون بني حسب الرغبة ديالك لمهم واحدمسورة فية مرى بشعر اسودو اخر مرة بشعر بني نفس اسم مغيرة غير صورة مراة

دابا نجيو الوجه الي فيفيه كثرت الماشاكل بالنسبةبالنسبة اخوات الي قالو وجههم مكرفس و حالتو كنفضل يلداو بالتقشير حيت كينقي الوجه شويه و كيردلو الحيات و هادي احسن فترة لتقشير ، راني حطين كريمات التقشير حسب البشرة ، عاد من بعد نتبعو كريم الليل و النهار
العناية بالوجه الكتالي
في الصباح المنظف و كريم النهار تاي معاندهاش كريم دهن وجهها بزيت الوز او اركان و تمسحو متخليش وجهها يقطر
و في المساء المنظف و كريم الليل هادى بشكل عام
اخوات الي عدهم حب الشباب هاد معندو علاج بالوصفات حيت غالبا كيكون خلل هرموني ، و اخوات الي عدهم بوان نوار بزات دبر تنظيف عند ديرماطولوك عن تجربة والله تهناي منهم و الوجه كيولي يشعل انا درتو عند الدكتور برادا في كازا
الشعر و ما ادراك ما الشعر انا شخسيا كندير براون حيت لاسير ما كتوافقنيش و كيبقا وجهي مسلوخ براون كتحمر ليا وجهي لكن كنغسلو بالماء باررررررررد باش يخفف الهيجان حيت ، كنفضل براون حيت مكنعرفش الخيط و راني دخلت اليتوب و حاولت نتعلم لكن يلله درت الموسطاش وجهي جاني صعيب
من بعد كندهن وجهي بزويتة و هديك اللييلة مكنظفوش بالمنظف و مكنديرش الكريم حيت البشرة كتكون مهيجة
العنين و زروقية افضل حاجه ماء الورد مع القطن يتحط عليهم سي نو المعكازات راني كتبت كريمات تحت العيون
الشفايف كوماج السنيدة و الزيت و الحامض كيفتح اللون و كيخلي شفايف كيبرو بلا قشور ، المعكازات يديرو قطيرات الحامض و قطيرات زويتة في قريعه و قبل ما تنعس تحرك القريعة و دهن فمها
اه عوينات نست نصحكم كحيلة طبيعية موتوق فيها و تجنبو شي حاجا سميتها القلامات راهم كينتفو الشفران
اخوات الي حجبانهم خفاف القرنفل تحرقو ليه النويويرة و طراسيو بيها كيعطو لون زوين الحجبان و في نفس الوقت كيكترو
الا نسيت شي حاجه فكروني

على بركة الله نكملو الدروس ديالنا
دبا وصلنا للجسم هههههههههه كنخاف حتى نتفكرو كل مخلفات الولاده متراكمة فيه كيف كتعرفو انا الجسم كيسمار من بعد الولادة احسن حاجة الحنة نتبعوها واحد المدة شهر و اكثر كل واحدة علاش قدات من بعد غادي يبان ليك الجسم سمار متخافيش هداك غالون الحنة الا كنتي تخليها بزاف في الجسم اما الا درتيها غير مع الصابون البلدي مكتخليش لونها ، المهم من بعد نوقفوها ونديرو كوماج راه كيف قالت اخت كينا واحد الملحة ديال تالحسم لمن يريد سي نو بلاش ، و نصيحا تانيه الي كتمشي حمام بلدي ديال تلمغرب الله تفكرتو شوك لحمي ههههههههه دهن لحمها من بعد كل حمام بالحامض راه كيحرققققققققق لاكن تصبر و تخله شويه عاد تشلل غير بالماء يعني تخليه هو اخر غادي ينقص ليكم ليطاش و يفتح حتى لون الكريشه الي بقات ليها سمراء
الكريشة راني قلت كيفاش نحاربوها بالرياضة في الدار و الطبسيل
اما شراطي بكل صراحة معنديش فكرة لاني سمعة انهم معدهم حل ، و انا كنعاني منهم في سدري حيت مدهنتوش ملي كنت حاملة نتمنى اخوات الا عندها شي تجربة ناجحا تفيدنا سمعت واحد سيدة قالت bio iiol مكيخليهمش الا كانو شراطي عاد حمرين يعني جداد ، انا عن نفسي غنجربو لكن من بعدما نفطم ولدي
الشعر ديال الجسم احسن حاجة لاسير لكن لاسير شود لا راها كتخلي اثار كنت جربها و بقات بلاست لاسير بحال الحرقة راها كتباع قرعة و كتركبيها في مكينة كتسخنها عاد كتحطي فوقها الشريط و تجري هادي هي الي درت لكن خلات ليا اثار
و من بعد وليت ندير فيت فيها غا تمان لكن كتخلي شعيرات كنت نشريها ب ٨ اورو و دابا كنشري شرائط عادية ب٢ اورو كتحيد شعر مزيان
البشا حمو كندير ليه لاسر ، لكن في فترة الراحة كنفضل الطوندوس ساهل و مريح كتهناي من الحبوب و الحكة و ساهل بالنسبه اخوات الي ميقدوش على لاسير
دهنوه بعصير الحامض في ايام الراحة باش يبياض و يحيد لحبيبات و متنساوش منظف ديالو و الفوطة بعدو من الريحة يمكن ليكم تعطروه بودر ديال اطفال خاصة جونسون بيبي زوين
لويدات و رجيلا كوماج الحامض و سنيدة و الزيت و الدهن كل يوم بفازلين اما كوماج واخا غير ٢ مرات في اسبوع والمعكازات كاع شريو كوماج نيفي البشرة الجافة و ديروه كوماج الويدات و رجيلات و منساوش ديما التقاشر في الرجيلات صيف و شتا

مساء الانوار على احلى تجمع، مبروك الجزء الثاني مع مزيد من العناية والاهتمام حتى نصل الى جسم جميل بدون شوائب.

نتي اولا ربحتي مجموعت منتوجات للعناية من الراس حتى الرجلين اجي خودي هديتك

سلام عليكم مبروك الجزء التاني المزيد من العناية والجماااااااااااال