الي دارت الراديو ديال الكرون تدخل تفيدنا بتجربتها

السلام عليكم
الله يجازيكم اخواتي الى سبق ليها عملت راديو ط§ظ„ظƒط±ظˆظ† تحكي لينا تجربتها لانه بزاف الاخوات باغين يعملوه ومتخوفين وانا وحدة منهم
عندي ليكم بعض الاسءلة
1- واش قبل منو تيعطيوك شي مسكن ولا لا ومن بعد تيعطيوك شي دوا باش ميحصلش التهاب ولالا
2- وواش ممكن يديروه بالبنج الى طلبتها منهم
3-واش تبنزل من بعد الدم بزاف لانه سمع انه ممكن الوحدة يحصل لها نزيف
4 – واش تيدار عند طبيب مختص بلاشعة ولا طبيبة نساء وتوليد لان انا الطبيبة ديالي لمتبعا معاها قالت لي بانها هي غديرو ليا
وشكون لدارتو ورزقها الله
عارفا كترت عليكم الاسءلة لكن راكم عارفين الخوف والغربة متلقاي من تسولي غي الاطباء كل واحد تيبغي يبن نفسو انه هو لتيفهم
يلاه نتسنا تجاربكن وتشجيعات وجزاكن الله خيرا

---

hgd ]hvj hgvh]d, ]dhg hg;v,k j]og jtd]kh fj[vfjih hld

نااري اختي ام سيف انا غير من الاسئلة تااعك خفت حيت حتى انا غنديرو الشهر المااجي ان شااء الله

متخافي والو ان شاء الله كلشي يدوزبخير خخخخخخخخخخ خوافا تتشجع فختها ها حنا نتسناو تجارب الانيقات

يا رب يجعلو سبب في فرحتك شحال من اخت دارتو وجاب ربي التسير من وراه يا رب يفرحك

أهلا وسهلا بك أختي الكريمة بالنسبة لتساؤل ديالك
1 فعلا تيعطيوك واحد قوليب قبل ما يديره ليك ومن بعد تيكتبو ليك واحد كينة حبة واحدة
في النهار مدة 8 أيام باش مكونش هناك التهاب
2 بالنسبة للبنج منقدارشي نفيدك واش يمكن تطلبيه منهم حيث معمرني سمعت انا شي وحدة
قالت انها دارت البنج
3 بخصوص نزول الدم انا كنت سمعت شي أخوات قبل ما نديرو انه تينزل منك غير نقطة صافي
حالتي لا نزل مني بزاف وخفت ولكن شي ساعة وحبس مع الم بحال ديال الدورة
فعلا الراديو تيدار عند اختصاصية الأشعة نصيحة ما تخافي من والو انا راني مشيت بحدي
درتو حتى ملي شافتني ممريضة بوحدي قالت ليا غير بوحدك زادت خلاعتني
بلحاق كنت نتطلب الله وكنكثر من الحمد وكلشي داز بخير وعلى خير
غير توكلي على الله رراه شحال من وحدة جاب ربي التيسير على من بعد عمل الراديو
الله يفرحك ويفرحني بالذرية الصالحة على قولت الله اكبر
قلبي معاك وكنتمنى نكون فدتك والله يسهل عليك وعلى كل المنتظرات أمين ياربي

السلام عليكم,اختي الكريمة انا سبق لي درت راديو ديال الكرون,اولا معندك مناش تخافي توكلي على الله وميكون غير الخير,وخا بصراحة انا ملي درتو تالمت بزاف,وكاع معملت البنج,حيت قبل منديرو عطاوني واحد قويلب درتو زعما مكيخليكش تحسي بالالم بزاف,وملي كتكوني تحت الاشعة كيطلبو منك متنفسيش,ولكن ملي كتسالي كيهبط معاك شويا ديال الوسخ اعزك الله.الله يجعل كلشي فميزان حسناتنا ويرزقنا بالدرية الصالحة يارب.نتمنى نكون فدتك فشيحاجا.

اختي خديجة متخافي واااااااااااااااالو راه كلشي غيدوز بخير انا كنت نفضل متسوليش في هادشي باش متبرزطيش ومتستريسايش خلي امور في يد الله وانشاءالله انشاءالله غتحملي الله يسهل عليك ويفرحك في القريب العاجل

اختي انا درتو 2 مرات ،كيعطوك اونتيبيوتيك قبل وواحد الدوا ديال الحريق،وكدخلي كتحليك ديك البلاصة بواحد الحاجة بحال الطبيبة منين تبغي دير ليك فروتي،يتدخل واحد سليك رقيق واحد الجيهة فيها كاميرا والأخرى باش كيدوزوا ليك البرودوي لكيدوز في الجرون،ووانتي كتشوفي فواحد التلفزة ،الحاجة لكدر هي ديك الحلة ديال الرحم بحال منين تقلبك الطبيبة. ومنين كيدوز البرودوي في الجرون كتحسي بحال شي حريق خفيف بحال ديال الدورة،صافي هدا مكان ،انا الحمد لله مخرج ليش الدم نهاىيا من مورا الراديو،والحمد لله منين كانت كدير لي البرودوي بقيت كندعي ونستغفر وكنصلي على النبي محسيتش شي حاجة خفيفة،والا الواحد خاف من هدشي لبسيط اشنو غدي ديروا في الولادة لي أصعب حاجة ،غير سيري وتكلي على الله وديريه راه ماشي شي حاجة غير الناس كتزيد فيه بلا قياس ،هداك هو الحريق هههههههههه أودي على لبغا يولد أودي

لا احبيبة حنا هنا باش نساندو بعضنا متخافيش توكلي على الله وان شاء الله كلشي غيدوز بخير

جزاكن الله خيرا والله شجعتوني مال هد الراديو اش يكون هههههه ان شاء الله نديرو ونجي نحكي لكم