اليوم درت كيكة لكاسكروط و قلت منحرمش حبيباتي منها بالمراحل المصورة

اهلا عزيزاتي الانيقات بلا منكثر عليكم الكلام هاد الكيكة كتجي زوينة تفضلو التصاور و المراحل و من بعد المقادير

المقادير=4بيضات 160جرام سنيدة رابعة الفورص حك دانون فاني نفس الحك دانون نعبروه زيت اربعة تفاحات منقيين ومقطعين مربعات صغار 2خمارات 100جرام الزبيب 100جرام اللوز افلي او كونكاسي شوية القرفة و السنيدة
الطريقة =
غنخدمو البيض و السنيدة فالروبو مزيان حتى يتقال وقريصة الملح ونزيد الزيت مع التضراب نزيدو دانون ونضيفو الطحين مغربل هو و الخمارات
نصبو الخليط فمول مدهون ومرشوش بالطحين
كنعملو من الفوق التفاح طريفات وملي نقوه ونقطعوه نعصرو عليه الحامض باش ميكحالش
نرشو من فوق التفاح شوية القرفة و سنيدة
الزبيب كنشحرو فشوية الزبدة ومن بعد نخلطو هو و اللوز و نغبروه مزيان بالسكر كلاصي باش مينزلش فالكيك للقاع وكنستفوه فوق الطبقة ديال التفاح
نطيبوها فالفران ولما نخرجوها نسخنو شوية العسل والناباج ونسقيها التزيين حسب الرغبة انا زينت بالكراميل يمكن ليكم تكتفيو بالسكر كلاصي

hgd,l ]vj ;d;m g;hs;v,’ , rgj lkpvla pfdfhjd lkih fhglvhpg hglw,vm rlm