الى كل من ستلتحق بزوجها للاستفادة والافادة ولاخد التجارب من دوي تجربة

بسم الله الرحمان الرحيم
السلام عليكم
احنا ولو نكونو عارفين بزاف ديال الحوايج داروري من اسئلة حتى المطار معارفينش قوالبو انا بعدا شخصيا عندي فهاد راس 100 مطرقة اش غادي ندي واش كاين تما ومكاينش اشنو لحوايج لي كنستعملهم تما مغاديش لقاه واه ياربي وانا منكدبش عليكم مولفة اعشاب والوصفات مهم الى كانت شي اسئلة كنضن خوتاتنا لي قدام تما يوريونا اشنو نديرو يعلمونا شوية القوالب واي وحدة بغات تشارك فهاد الصفحة تدلي بمعلوماتها
الاسم
السن
سن الزوج
الاطفال وسنهم
المدينة الالتحاق
المدينة الاصل
لي دخلات وكتبات ربي غادي يعطيها كل متمنات قولو امين

---

hgn ;g lk sjgjpr f.,[ih gghsjth]m ,hghth]m ,gho] hgj[hvf ],d j[vfm hgj[hvm hld j.,[ih [kn klh][

المعلومات ديالي انا
الاسم غزلان
السن 24
سن الزوج 25
الاطفال وسنهم ليس لي اطفال
المدينة الالتحاق بولونيا
المدينة الاصل المحمدية

الحبيبة ام امران كيف بقيتي الزين اختي بالنسبة لطلبك او موضوعك
الاسم فاطمة الزهراء
سن الزواج 19
السن الحالي 26 الاولاد sans
المدينة الاصل قلعة السراغنة
المدينة اللي فيها انا دابا ايطاليا toscana
سنوات الاقامة بايطاليا 5 سنوات
بالنسبة ليك الحبيبة امتا غادي تجي انشاء الله واش قربتي ومرحبابيك فبولونيا واي سوءال انا جاهزة وفالخدمة

السلام عليكم اختي غزلان

واخا مفهمتش مزيان اش كتقصدي سمحيلي

نجاوب انا كانجي فالطيارة لفرانسا العشوب ديريهم معا البڭاج ماطلعيهمش للطيارة ادوزو

بارك الله فيك اختي ويخلي ليك راجلك ويعطيك الدرية الصالحة بالنسبة الوقت التحاقي الصفارة عطاوني موعد باش يعيطو ليا في 27 في شهر 12 حيت ولاو كي عطلو فيزا دفعت في 10 في شهر 10 اما اسئلة سحال غادي تعياي مني ههههههه غادي تولي طلبة شكون يفكك مني راه شاداني بعدا لخعة انا موالفة المحمدية بزاف مكنقدرش نمشي مدينة تانية كي غادي ندير حتى نبدل لبلاد ههههههههههههههههه اوا قولي لينا نتي كيوقع ليك ايام لولة في الغربة والايام اخيرة في البلاد لعزيزة
اه نسيت تبرك الله على ناس القلعة راه صحاباتي بزاف في القلعة وجارتنا عدنا حتى هيا من القلعة

شكرا اختي انا قصدي هو نتعارفو والبنات لي عندهم تجارب يساعدو البنات لمزال يالله قالو بسم الله اما هاد قادية ديال ندير العشوب معا البڭاج فالشكرا بزاف حيت مكنتش عارفة بالنسبة لصاك ديالي ديال مكياج واش كيتعبر حتاهو

وافينكم البنات ياكما معجبكمش اقتراحي انا بعدا محتاجة نسول

براك الله وفيك الحبيبة لهلا يخطيك حاشا واش نعيا منك
بالنسبة لوراق كان رسليا راجلي neula osta فشهر 10 وخرجات ليا الفيزا فاللول فشهر12 من نفس العام وكان مقطع ليا راجلي 18 فشهر 12 مسبق الفرحة ههههه ونكدب عليك بالنسبة لفراق الاحباب بلعكس كنت فرحانة غادي نجي عند راجلي كاعما تسوقت لحتا حد وانا اصلا كان عندي مشاكيل مع عائلت راجلي تهنيت ههههه اوا غير انا وصلت جو اخر وناس اخرين وعالم اخر ماشي المغرب نهائيا تغير ملحوض لامقارنة بالنسة للتطور والحياة العصرية ولاكن غير وصلت لداري فاتت خمسة عشر يوما وانا نتوحش يالله طلعات معايا الغربة وتوحشت دارنا هههههه اوا فاتت تمن شهور وهويسيفطني راجلي لمغرب نحيد وحشي من عائلتي ههههه ومن بعد ولا عندي عادي البلاصة فين كاين راجلي هي داري اوا الله يعونا على هاد الغربة اللهم امين فكرتينا فالماضي هههه

وفينكم البنات

بغيت نسولكم البنات ماء الورد كين في اطاليا ولا لا