السلام عليكم و عواشركم مبروكة
الله يرزق كل منتضرة الدرية الصالحة السليمة و يسهل على كل وحدة فينا ولادتها يا ربي
عندي ليكم واحد الطلب بالنسبة لساكنات الرباط
في اي مصحة و لدتو واش عمومية او خصوصية و حبدا نعرفو الاتمنة منها نستافدو و نعرفو احسن المصحات الموجودة في ط§ظ„ط±ط¨ط§ط· و المزايا ديال كل وحدة كاتنى يلقى طلب ديالي الايجاب و القبول و المشاركات من طرفكم
hgn p,hlg hgvfh’ hld
أختي الله يفك وحايلك على خير وبخير
انا ولدت في مصحة الأمم المتحدة صراحة غزااااالة وبزاف نصحاتني بيها طبيبتي اللي كنت متبعة معاها قالت لي اختاري المصحة اللي بغيتي نولدك فيها ولكن نصحاتني بالامم المتحدة وماندمتش حيت ولدت فيها
انا مابغيتش نولد في العمومي حيت خفت نولد قيصري ونضطر نكشف على الرجال وفعلا قدر الله وولدت قيصري
المقابلة غزالة والنقا والتهلو لافيك ولا في البيبي ديالك وطبيبتي وصات عليا وكل مرة كاتجي ولا كاتصل
بالنسبة للثمن أنا ولدت قيصري بمليون وشي حاجة ولكن لاصورانص هزات عليا وخلصت 58 ألف صافي وبقيت في الكلينيك 4 ايام شوفي انت على حسب لاصورانص ديالك سيري عندهم ووريهم لاميتيال ديالك وهوما غايقولو ليك شحال الخلاص سوى القيصري أو الطبيعي
نتما نكون فدتك وماتنساينيش بدعيوة انا وزوجي وانت كاتولدي بالهداية ولبنتي بالصلاح
لله يفكك على خير
أي سوال أنا حاضرة