الى المرا هزاات يديها وقالت عييييت افكر معكن بصوت عالي

السلام عليكم ورحمة الله وبركاته

تحية حب صادقة وبدموع القلم غادي نكتب الي فقلبي والي جا على راسي مع الاحتفاظ بشي حاجات لسيدي ربي هو الي يفرجها وهو الي يفكها بمعرفتو

كنت طفلة ويمكن كنت طفلة حيت الطفولة عندها ركائز وعندها عنوانها طفولتي دازت وحيدة ما عنديش اصدقاء حيت دارنا ملي كنت صغيرة كايجريو على اصدقائي حتى كبرت فنظرهم الصداقة كلها سوء وتضياع الوقت مع ان وقت الفراغ كان عندي كافي باش نضيعوا
المهم تلفت مع الطفولة وحتى العادة الشهرية جاتني صغيرة صغر من البنات كلهوم لسوء حظي واحنا فاسرتي البنت الى جاتها العادة كارثة عظمى وقعت ومصيبة تتحاسب عليها وجريمة فحقها ترتاكبت وبداو او زادو فالحظيان ومع انني اصلا ما كانخرجش حيت ما عندي حتى صاحبتي صاحبة وحدة شفتها يامات ورحلات ودات قلبي معاها تربيت فالممنوع فقط حيت انا بنت كنت انا الصغيرة فخوتي وخواتاتي كانت فيهوم اخت ليا كاتعذبني العذاب الاليم وفيهوم اخت كاتبغيني وتفششني وكانت اغلب اوقاتي عندها علماتني الطرز وتهلاات فيا صراحة ويمكن عوضاتني حتى قسوة الميمة شحال تجمعنا وضحكنا ومع الاخت التانية عشت التعنيف الي عمر يتصوروا شي حد دابا كبرنا كلنا ويمكن سامحت يمكن الا ما عرفتش
كنت مميزة بزاااف فدراستي بالرغم من ان فالابتدائي تعرضت لقسوة كبيرة خاصة من المعلمات للان ماعرفتش علاش يمكن حيت ما كنتش كانشكي او بالاحرى ما عنديش لمن نشكي
فالمراهقة تعرفت على القلم وهو كان صديقي كنت كانكتب بزاااااف بالرغم من ان الحراسة تشددات عليا علااش هادي كاتكتب وليت نكتب خبية منهوم عزيز عليا نكتب القصص والشعر لكن كانت اجرام حتى هي البنت زاغت وانا ما زايغا ماوالو غير هاد العالم بغيت نهرب ونخرج منو عياني كنت ساااكتة قليييل فين نتكلم حيت ما عندي معامن نتكلم وما غادي يسمعني حد اللهم الصمت يمكن هاد الصمت خلى بزااف البنات يتيقو فيا بالرغم من انني ما عنديش صداقات لكن كااع زبايل البنات عارفاهوم كايشكيو ليا كلشي حتى الحوايج الخايبة كاااع كنت تقة وعمر عقلت فشيت سر لكن قلبي عمر وليت نشوف الدنيا ظلمة يمكن حيت قلبي كلو هم همي وهموم كبر من همي وسني صغير
تميزت مزيااان فالاعدادي والثانوي وبانوا الخطاب قالو كنت زوينة ودرويشة صراحة اول واحد بغيت هو راجلي من نهار شفتو قلبي تعلق بيه ولو انني رفضت طريقة زواجنا حيت ما شاورونيش جاو اوافقو عليا ومن نهار تلاقينا انا وراجلي والمشاكل بيناتنا اول مشكل امو كرهاتني من اول ما شافتني وراجلي ولد خالي غير مات خالي تزوجنا وسبحااان الله مع سنو صغير واحد وعشرين سنة وانا برهوشة تعطاش سنة هادا سن زواجنا كلشي رماو عينيهوم على فلوسو حيت ورت مزيااان كلشي طمعو واستغلو سنو الصغير وبداو مشاريع وشفارة حتى ولينا ما نكسبو ريال لكن باقي الاراضي ووووووو الحمد لله راجلي مسؤول ولو سنو صغير وكلا الدق بفعل الشفارة والاحتيال واستغلال سنو الصغير لكن راااجل صراحة واخا كان قبيح فيا بسباب امه الي كانت تشعل العوافي بالكدوب وحملت بتوام ومااات حماتي بالفقسة وتهمتني بالكدوب ضربني راجلي وصقطت واحد وبقى غير واحد تعذبت بزااف فالحمل وولدت بالفتيح
وحماتي غير مازايدا فالكدوب عمر قصرات ولا تهدنات ولا رحمات وااالو وانا للان عمر طيحت ليها الهضرة
اااجيك على الوراث همهوم هو يبيعو وياكلو ممنوع الخدمة راجلي كان شاد الشركة الي خلا باه وكانت غادا مزيااان لكن عيالات باه دارو فضيحة ورا خالي واخا كانوا محكومات فضحو راسهوم ملي مات وتدخلو فالخدامة وفرتكو الشركة هما وولادهم همهم هو الفلوس وارى حتى حط راجلي ساروت الشركة وتفرتكات حتى هي عمر حسيت باللي هاد الخوت خوت غير مشاكل وهم وقتيلة وراجلي وسطهوم المسمى الشفار حيت كايمنعهوم يبيعو وياكلو
عانيت فزواجي بزااااااف بزاااف ملني راجلي وكرهني ومابقاش يدخل للدار الا ينعس ويخرج وحتى الهضرة معايا ممنوع استمر هاد الشي ست سنوات وبدا يتصلح فكرت نطلق مرارا لكن الطلاق عندنا حرااام وعيب وعار وووو شفت فيه شوية ديال الضو وعلى قولت المغاربة الفاشلة جلست على قبل بنتي نربيها وحملت ببتي التانية تحت الحاح راجلي وغير عرفو عندي بنت تانية تشنت الحرب ضدي فانا مجربة ولدت زوج بنات لكن الحمد لله راجلي تقاد شوية وبدا يكبر ومع مرينا بمشاكل كتيرة بدا يعرفني كان ضاني تزوجتو على قبل الفلوس ودزنا بازمات يعلم بيها الله وما تبدلت ما تغيرت وهو كايشوف عاود كاتدخل امه وترون ليا كلشي والسنين غادا ماشي بهاد السهولة باش كاتقراو دابا فحروفي الا بالالام والدموع فنص الليل بطلب الله وبالصبر وتعظ فاللحم الحية باش تكملي ماشي بالسنين فيها هاد الحروف الااا باللحظات والساعات والايام والاسابيع والشهوم والسنوات وكل لحظة بكويااات وهم وجراااااح كانوا كايقولوا ما فياش النفس لكن الي يدو فالنار ماشي هو الي يدو فالما كويت حتى هضرتهوم فالقلب وسكت وياما بكيت وفالاخير ما بقيتش كانبكي كاااع اختصرت المسافة لهلا يقلب ويشقلب الوالدين حطوني كانهوم حيدو دمالة ورماوها عومي بحرك يا مونية والى غرقتي لصقي فالهوا يقدر يجرك وكانت عندي مرت لوسي كانت تسمع مني ونحكي ليها كلشي زهي تتصنننننت عليا مزيااان عااااطياني وديناتها ضرباتني بهاد الشي ودارت ليا خطة كانت سباب طلاقي وعاود كالعادة رجعوني
مرت طناش السنة الزواج وراجلي عاود الح نولد بنتي التالتة مع انني رافضة الفكرة لكن حتى انا قلت على ربي نولد الولد وتتصلح الامور لقيت راسي حاملة ببنتي التالتة صراحة بكيت بزاااف الله يسمح ليا وسبحان الله راجلي تصرف بالشكل المختلف الي كنت كانضنو يتصرف بيه هو الي دار فيا وقاليا مالكي باغا تكفري بالله راه ينتاقم منك الله وياخدهوم بتلاتة وزايدون راهوم باب من ابواب الجنة والناس مالهوم هما الي غادي يصرفو عليهوم وراك غادي تعقدي البنات بزوج سبحااان مبدل الاحوال انا راه ما كانبكيش حيت هما بنات انا قلت قفارت علينا عاوتاني قلتها فنفسي وصراحة فششني فهاد الحمل وامو شافت تصرفاتو معايا ودخلت سوق راسها ومشات ما رجعات كااع ولات تبخ على الفيخرات من البعيد ما خطانا عفيتها لكن شي احسن من شي
اوقعت مشاكل كتيرة مادية كتيرة بزاااف واظطرينا نخرجو من فيلتنا الي بحرا تصلحات لبارطمة صغيورة الحمد لله على كل حال هربنا من صداع الورات الي كانوا سبب خراب رزقنا وتفارقنا انا وراجلي حيت اضطر يمشي لبلد اخر من اجل لقمة العيش وبانو مشاكل اخرى ماشي فالحسبان حتمات علينا كلها يكون فبلاصة تجمع بيناتنا تواني المكالمات ودموع الفراق واضطريت نتاصل بحماتي الي حتى هي خاصني نكون مسؤولة عليها والي كاتعاتنبني انها غضبات وما تصالحتش معاها وانا غير كانشوف الصمت مرة اخرى ومكتاب ربي وانا متاكدة فاول فرصة تقلب عليا وتولي وحدة اخرى لكن ها احنا فالدنيا واخا عييينا المهم كانطلعو فالروح باش نوصلو البنيات يمكن نعيشو معاهم حلم النجاح والتفوق يمكن نعيشو معاهم حلم الحب يمكن نعيشو معاهم الفرحة الي قليل فين زارتنا ولو فعز فرحتنا الدموع يمكن نعيشو معاهم الوفاء الي تمنيناه يمكن نعيشو معاهم الصحبة الي حلمنا بيها يمكن نعيشو معاهم عشت الي ما تقدر تعيشو بصح غير الي ما فيها نفس على ماقالو صحاب الخير يمكن قدرت نعيش هاد الشي حيت استخرت وكانقول مادام ربي خلاني نتزوج الا وفيه خير الا وفيه خير ويجي مشكل فيه خير ويجي اااخر فيه خير ما كانلقاش الامان ولا الراحة خير ورا خير ورا خير الحمد لله وبدموعي كانقول والى قلت جدابا عيييييت مابقيتش باغا نعيش استغفر الله لكن هادي هي الحقيقة هزيت الراية واستسلمت عيييت من بعد سبعة وتلاتين عام عشت قرن واكتر احدااااث واحدااااث وهم فهم فهم فهم فهم فهم لا يكلف الله نفسا الا وسعها

بين سطوري سطور وسور وسطور وبوح كبير لكن كانخبيو شي ونقولو شي وما كانقولوش كلشي الباقي جبل كبير كاياكل فيا طرف بطرف والثقل كبييير بزاااف حتى تيقتي فالغير مابقاتش كانفضل الصمت وكانفضلوا على انني نكون مافيا نفس هادي حالة ط§ظ„ظ…ط±ط§ الي ما عارف حد اااش هازا والحمد لله

---

hgn hglvh i.hhj d]dih ,rhgj uddddj ht;v lu;k fw,j uhgd

اختي اجد في كتاباتك أمل في الحياة اعجبني جدا و خاصة سطورك الاخيرة عن تشبتك بحياة جميلة و عيشها مع بناتك هده هي القناعة الحقيقية و حياة من اجل البحت عن تفائل جميل يدخل امل في زينة الحياة …اعلمي اختي الحياة كلها متاعب و نحن نعيش من اجل ان نتعب و ان نبني ذكريات جميلة تبين شريط حياتنا ..اصبري اختي و و تشبتي بتغيير افضل حياتك جميلة ببناتك و زوجك وانتي أجمل انك موجودة معهم قوتك ستجعلك تغيري الكثير استمري و لا تقولي تعبت ..و عندما تفكري في الاستسلام اكتبي لكي ترتاحي احسست انك تحب الكتابة و تفرغي فيها همومك و مشاكلك استمري اختي اعانك الله و اعاننا على طاعته

Klamak bkani
llah yidir lik tawil lkhayir ya rabi

اللهم اااامين يارب اجمعين حبيبتي الحمد لله والشكر لله ربي كبير من عادتي نفشل لكن نرجع نوقف ونهز راسي ونستمر بفضل الله هاد المرا غير كل المرات بديت نفقد الكنترول ونبعد على الدنيا فخطرة ماشي ياس من الي قدر الله حاشى انما عييييت والطاقة صافي تسالات والله المستعان
واكتب يا قلم انت شاهد على ما عشته
اكتب الامي وجراحي وصبري وكفاحي وقل انت ايضا ما شئت فهل يا ترى ستبقى وفي ام انك ايضا ستتعلم يوما التخلي عني
وبكل الجوارح تعبت يا قلمي فهل يا صديقي ستستمر حياتي ام ان عقلي سيتخلى عنك

ااامين حبيبتي دموعك غالية فلا تبكي

اللهم فرج همومها و كروبها و أقر عينيها ببناتها

اللهم ااااامين احبيبة والله يحقق امانيك شكرا فانا في حاجة ماسة للدعاء

الله يفرج همك ويجازيك على صبرك ويخلي لك بنياتك تشوفي فيهم احلامك الي موصلتيش لها وتفرحي بفرحهم

ااامين احبيبة الله ينولك الي كاتمناي رجانا فمولانا كبير الحمد لله

الله ياختي الله بكيتيني

بنياتك في حاجة ليك دابا اكثر من اي وقت ديري معاهم داكشي لي مالقيتي لي يديرو معاك

وربي يهون عليك كل مصعاب