الله يجا زيك بخير يا اختي تنقلب على باترون جلابة كبيرة ديال بنت طولها 169 ما غليضة ما رقيوقة . الى كان عندك ياريت يا اختي تنزليه ليا ولك جزيييييييييل الشكر
hgn hghoj wtdm u]khk ,;g hoj uk]ih hg’gf ]dhgd hld hpf wtpm
الله يوفقك اختي
الله يبعث لك لي تنفعك وتنفعنا كاملين
الصراحة عندي لكن احبيبة كانظن الغالية صفية افضل مني فهاد المجال بزاااف عموما غادي نعطيك هاد الجلابة وهي مجربة وجات معايا كاتحمق موتي بالسم ههههه هاد الجلابة اناطرزتها ببوان دو كروان وانت ديري فيها ما بغيتي طولت عليك ومالكي بغا الباترون بالساهل حتى نشحفك شوية هههه تفضلي تلبسها لارج واكسترا لارج يعني بين 40 و44 هادي الطاي راه باقي الباترون بلا ما تخنزري فيا هاني غادي نحط الباترون هههه بسم الله هادي الجلابة على فكرة انا ما كانطيحش الباط والعنق انت طيحيهوم فالماكنة الى بغيتي من 70 -70غادي تخدمي الالا الحاشية بليكوط xx ها الشرح ديالهوم نهزو هنا ولهيه كلشي والخدمة بالتقالة كحلا وراك عارفة المانفاي قاديه باش الابر ما يتلاقاوش ديري السطر الاول ب nnبرقم 3والسطر 2و3بxxبرقم 4ثم باقي ليكوط ب5نديرو الالا 20 سطر فالحاشية ديالنا ثم نردو كلشي سامبل يعني الابر ترجع على بعضياتها فالجزء الامامي ونخدمو السامبل اي المسرح400 سطر ونبداو ننقصو من جهتي الجلابة 1كل 20 سطر حتى نوصلوا ل 60-60ونوقفوا التنقاص وخدمي بحال هاكا حتى توصلي لطول الجلابة الي مشهيا انا درت فيها كلها 560 سطر جات قدي وطولي 158 فضحتيني غادي تقولوا قصيورة هههه سمعيني وفتحي وديناتك ملي يبقى للقطيع 80سطر ديري فتيحة الجلابة الامامية الخلفية الا طبعااا دابا الكمام ان شاء الله غادي تديري نفس الحاشية بحال الشرح الي الفوق حتى هنا 20 سطر وتقلبي المسرح وتبقاي تزيدي كل 8 سطور 1 من الجهتين طبعااا حتى توصلي لقياس يديك دابا القب غادي تديري من 70-70 حتى هو الحاشية بحال الشرح الي الفوق 20 سطر وغادي تخدمي المسرح 180 سطر المجموع كله وقطعي ها السروال باش ما تقولي زقرامة فنفسك راني عارفاك هههه يتبع
السروال انا كاندير قد القدام قد اللور الغالية صفية الا كاتقن ديك الشي غير باش تكوني معلومة هههه من 65-65 الحاشية بحال الفوق وعشرين سطر وقلب المسرح وديري 100 سطر برقم 6وبداي تزيدي كل 10 غرزة من الجهتين ديال السروال وخدمي حتى توصلي لقياس سروالك وطولك انا وصلت ل 160 وطيحت القعدة -8 من الجهيتين ديال السروال اللور ديال السروال ممكن تطيحي غير 5- مثلا باش يجيك الفرق بين اللوم والقدام وتخدمي 150 سطر وتقطعي ها الطرف ديال السروال ايوا مالك كاتشوفي فيا ديري الطرف الاخر هههه انا درتها فالخزي وطرزتها بالبيج جات واعرة ايوا ملي تصاوبي جليلبتك وريها لينا بالصحة والراحة وكانتمنى تاوبيها وتجيك كاتحمق في امان الله سلام
السلام عليكم و رحمة الله الاخت فراشة الله يعطيك الصحة على هاد الشرح و المعيور و التخنزير بغيت نزيد نضيف للاخت ميسمة باش ما تعدبش من بعد مع الطرز راه واحد الزواقة دارتها الاخت اية في ورشة جلابة بسروالها و جربتها و جات رائعة ملي تقلبي لعيون للوراء هزي 2 عيون لقدام خدمي 2سطور وزيدي 2عيون حتى توصلي 10عيون وتخدمي عادي 20 سطر تم تبداي تنقصي كل 2سطور حتى ما تبقى تا شي عين الوراء كتخدميه ب n . و القدام ب CX كنتمنى نكون افدتكم
المشاركة الأصلية كتبت بواسطة ام اية 2024 
السلام عليكم و رحمة الله الاخت فراشة الله يعطيك الصحة على هاد الشرح و المعيور و التخنزير بغيت نزيد نضيف للاخت ميسمة باش ما تعدبش من بعد مع الطرز راه واحد الزواقة دارتها الاخت اية في ورشة جلابة بسروالها و جربتها و جات رائعة ملي تقلبي لعيون للوراء هزي 2 عيون لقدام خدمي 2سطور وزيدي 2عيون حتى توصلي 10عيون وتخدمي عادي 20 سطر تم تبداي تنقصي كل 2سطور حتى ما تبقى تا شي عين الوراء كتخدميه ب n . و القدام ب CX كنتمنى نكون افدتكم اهلاا بلالا ايةكاتحاماوا ياااك واخا عليكم هههه بغيت نسولك الحبيبة منين نهزوا زوج عيون من الوسط ياك ؟؟؟كاتكلمي على الجليليبة الزرقا جات كاتحمق لكن ما تسجعتش عليها راه كانتلف فالحساب الله يرجع بيا ما فهمتش الصراحة والو منين نهز العيون واش حتى ندير المسرح عاد نهز العيون للقدام ونطيح من الهيه ولا نخلي العيون خدامين جاوبيني الله يسهل عليك
اختي مونية ملي كتقلبي لعيون للوراء و تبغي تبداي الزواقة كتطلعي 2 عيون لقدام و تخدمي 2سطور تم تطلعي 2 اخرين و هكداك حتى تكملي 10 و خدمي عادي 20سطر تم بداي تنقصي حتى تخوي la fonture الامامية
شكرا لكن اخواتي على الردود شكر خاص للفراشة بالالوان ههههههههه ولام اية اختي فراشة علاش اختاريتي بلا الوان ولش انتي زعما بلونوار ههههههههه . انا اراك فراشة ملونة وجميييلة. غادي نجرب الباتررون ديالك ونرد عليك لخبار .وادا تيسر ليا نصورها ليكم. بالنسبة للزواقة اللي شرحات ليك ام اية غي جربيها راها ساهلة او ما غا دوخي ما والو .ونزيدك بالنسبة للشاريو راه اللور تيكون ncو القدام cx هذا الى عندك باساب شكرا مرة اخرى
المشاركة الأصلية كتبت بواسطة ميسمة شكرا لكن اخواتي على الردود شكر خاص للفراشة بالالوان ههههههههه ولام اية اختي فراشة علاش اختاريتي بلا الوان ولش انتي زعما بلونوار ههههههههه . انا اراك فراشة ملونة وجميييلة. غادي نجرب الباتررون ديالك ونرد عليك لخبار .وادا تيسر ليا نصورها ليكم. بالنسبة للزواقة اللي شرحات ليك ام اية غي جربيها راها ساهلة او ما غا دوخي ما والو .ونزيدك بالنسبة للشاريو راه اللور تيكون ncو القدام cx هذا الى عندك باساب شكرا مرة اخرى راه عندي حكاية مع فراشة بلا الوان تموتي بالضحك ملي بغيت نتسجل فاناقة اختاريت اسم ملاك على اسم بنتي قالك كاين وترفض درت سارة على بنتي الاخرى لقيتوا كاين درت مونية اسمي قالوا كاين درت الطموحة قالو كاين درت بزاااف وانا نقول اواااه ما بغاوش يقبلوني وهو يدوز واحد بشار الخير من حدايا وانا ندير فراشة بلا الوان هههه تقبلت وهاني معاككك ايوا فرحي بيا اخخخخ