سمحولي نقدم موضوعي المتواضع بين يديكم … لي هو عبارة عن تجربة شخصية ومزعجة فنفس الوقت
مزعجة لأنه جميع الساؤلات كاتنزل عليك من السما فالوقت لي كتكوني عارفة الزوج ديالك غادي يدفعليك باش يجيب ط§ظ„ظ†ظˆظ„ط§ أوسطا
غادي نحاول نوضح الأوراق لي كايحتاجها الزوج ف إيطاليا
وكذالك الخطولت لي غادي نديروها فاش نجيبو ط§ظ„ظ†ظˆظ„ط§ اوسطا
وهذا ماكايمنعش أني نعرف تجربت كل أنيقة فيكم … حيت تا انا باغا نستافد منكم إيلا كان ممكن
باسم الله نبدأ
المرحلة الأولى
هذه وثائق الإلتحاق العائلي لي خاصو يوجدها الزوج بإيطاليا
– نسخة من رخصة الإقامة أي البرميسو
– نسخة من الرقم الضرائبي:الكوديشي فيسكالي،أي البطاقة الصحية الجديدة
– صورة جواز السفر: الصفحات الأولى التي عليها كل المعلومات من تاريخ الإصدار، ورقم الجواز، ومدة الصلاحية
– صورة من شهادة صلاحية السكن عليها ختم بلدية مكان الاقامة
– صورة جواز السفر جاري به العمل للشخص الذي سيستفيد من الالتحاق العائلي
– طابع بريدي من فئة 14.62
– نسخة من الدخل السنوي 2024
– صورة آخر دخل شهري أي آخر بوستا باكا
– نسخة من عقد الاقامة في حالة إذا كان الشخص مستخدم في عمل تبعي أي في حالة العمل السوبورديناتو
– أما إذا كان مقدم الطلب له عمل حر فعليه تقديم صورة من شهادة التسجيل في الغرفة التجارية
والزوج يشترط أن يكون دخله السنوي:
– 7714.05 يورو إذا كان المستفيد من الالتحاق العائلي هو شخص واحد: 1
– 10،285.34 يورو إذا كان عدد المستفيدين من الالتحاق العائلي شخصان: 2
– 12،856.35 يورو إذا كان عدد المستفيدين من الالتحاق العائلي ثلاثة أشخاص
– 15،428.01 إذا كان عدد المستفيدين من الالتحاق العائلي 4 أشخاص
وتقديم الطلبات يكون إما عن طريق الأنترنيت … أو يمشي لأحد المكاتب لي مخصين بذالك ويسلمو زمام الأمور ويرتاح تا يعيط ليه ويتهنا كيف دار زوجي المعكاز ههههههه
فحالت تقديم الطلب بالانترنيت انا نجيبليكم الروابط لي خاصهم يدفعو عن طريقها وهي جد سهلة فالتعامل
فالأول خاصو يتسجل فموقع وزارة الداخلية https://nullaostalavoro.interno.it/Ministero/download ويدخل المعلومات العادية مثل الإسم والتاريخ والغيمايل والرقم السري والهاتف .. باش يجيه مساج منهم … من بعد كايدرج الوثائق وكايساين
من بعد فترة فاش كايوصلو للطلب كايتأكدو من صحة المعلومات … وكايطلبو أخر بوسطا باكا باش كايعرفو أن صاحب الطلب مازال كايخدم … وكاتسنيا ط§ظ„ظ†ظˆظ„ط§ ط£ظˆط³ط·ط§ و كاتعطاليه
المرحلة الثانية
من بعد ما كايجيب الزوج ديالك ولا يصيفطليك ط§ظ„ظ†ظˆظ„ط§ ط£ظˆط³ط·ط§ خليه يصيفطليك فوطوكوبي ديال السجورنو
أول خطوة كاديريها كاتجيبي عقد الزواج إيلا كان عندك ويلا ماكانش كاديري طلب تخرجي وحداخر من محكمة الأسرة عند الناسخات أو تمشي لعند العدول كيفما كانو هوما يتكلفو إلا انكي كاتخلصي أكثر … الأحسن جيبي راسك
فاش تشدي النسخة خديه لعند إما رئيس المحكمة عند كتابة الضبط أو كاتبة ديال قاضي الأسرة يصادق عليك السيد الرئيس …
الخطوة الثانية سيري للمقاطعة جيبي الأوراق التالية من عند الشيخ أو المقدم
طلبي شهادة الزوجة الواحدة
شهادة عدم الطلاق
خديهم وصادقي عليهم فالعمالة لي تابعاليها أو مصلحة الشؤون الإجتماعية لي كاتكون تابعة للعمالة
قبل ما تديهم للمترجم خديهم لوزارة الخارجية صادقي عليهم
إيلا ماعندكش الحالة المدنية وجديها كذالك فالبلدية خودي معاك نسخة من عقد الزواج مصادق عليه و نسخة من بطاقة التعريف ديالك وديال الزوج مصادق عليهما و نسخ كاملة من رسم الولادة وطلب خطي وشي 50 درهم يمكن ديال التمبر …
وجيبي عقود الإزدياد بالفرنسية شحال ما كترتي كان مزيان ههههههه باش مايردوكش
كذالك صورة حديثة نتي تصوريليهم بنفس اللبسة لي تمشي بيها حسن شي مرات كايعكسو واخا كاتكوني يا الله تصورتيها
المهيم هزي الوراق كاملين وختاري أحد المترجمين لي محلفين ومعروفين عند القنصلية … أنا عارفة غي لي تابعين للدار البيضاء والرباط
نعطيكم الروابط ديالهم
الدار البيضاء : https://www.tlscontact.com/ma2it/upl…ist_ma_2it.pdf
الربــــــــاط : https://www.tlscontact.com/ma2it/upl…ma_rba_2it.pdf
هوما غادي يتحقو من جميع الاوراق ويمكن يزيدو شي حاجة أنا نسيتها … فهاديك الحالة أكيد اجيو قولولي … حيت الزوج ديالي طلب مني نوجد لوراق لي غادي نحتاجهم
المرحلة الأخيرة
من بعد ما تأكدي من صحة كل المعلومات وتوجدي الوثائق اللازمة … دخلي لهاد الموقع
https://www.tlscontact.com/ma2it/login.php
نسخي الفورميلير لي تما وعمريه خودي رونديفو ديالك
أو اتصلي بيهم حسن … على هاد الرقم 26 26 200 80 00212
ويلا بغيتي تسجلي الراسك دخلي مباشرة هنا https://www.tlscontact.com/ma2it/register.php
وموراها نتمناليكم الخير والفلاح والصلاح إن شاء الله يا عفيفات وانيقات
إن شاء الله أنا غادي نباشر عملية جمع هاد الوثائق فهاد الأسبوع أو الأسبوع المقبل إن شاء الله ونعطيكم الجديد
اختكم سنــــــــاء
hgk,gh H,s’h Nulla Osta nulla osta
الله يجازيك بالخير على هاد الدعيوة الغزالة
الله يسهل عليك يا رب
راجلي كاين ف طورينو .. ف فيناريا ريال
ولكن مشا كرا ف فينيزيا … حيت قالولو تما كايخرجو دغيا نولا أوسطا
وفاش تخرج ان شاء الله غادي نمشيو ل فين كاري
وعلى حد معلوماتي هادوك لي دفعو فطورينو من أصدقائنا مازال ماوصلهم تا الموعد باش يحطو لوراق
لكن هو فظرف 5 أيام طلبو منو لوراق الاصليين … ومن بعد بأسبوع عيطولو بغاو أخر بوسطا باكا أي ورقة الخلاص … وقالولو دابا ساين واحد سيمانا ولا جوج نسنييوها وغادي نوليو نعيطوليك تاخدها
… هو كايتعامل مع واحد لمكتب لي كايدفعو لوراق …
الله يسهل على الجميع
أختي سهام نتي تما؟؟
إن شاء الله فاش تمشي بقاي معانا على إتصال … شي نهار ما تعرفي تحتاجي شي حاجة أنا نعطيك عويناتي
الله معاك ويرعاك .. إن شاء الله أمورك كلها دابا يسهل فيها الله
ونتلاقاو كلنا تما بإذن الله
الله يفرحكم ويسعدكم مع ازواجكم
والله يكون معانا كاملين … ويرحمنا من فراق الاحبا