الم الثديين

السلام عليكم
عندي الم فالثديين بحال ديال الحمل او اكتر شوية كيجيوني نغزات قوية وكيوصل الالم حتى للابط خصوصا فالليل معرفتشي السبب وكنضل نقلب فيهم راني خايفة معرفتش اشنو السبب شكون الي وقع ليها بحالي تفيدني وتطماني راه هاد الشيئ وسوسني
ربي يجازيكم كل خير

---

hgl hge]ddk hgg hgj]odk

سلام عليكم
جيتيني في صميم هههه أنا را هادشي لي تتحسس به هادي ٤ سنين وأنا هسة به أ غي بي تدي أيمن ، قبل مانتزاواج أ فاش تزوجت أ حتى لدب باقي تاتنغازني شي نغزات تانخاف تنقل شي حاجة خيبة الله يستر ، ماخليت فين دوزت تايكلولي ولو ، درة ماموجرافيي مالقيت ولو تاتنغزني بزاف أ شي مرة حتى تحت إبط أ صراحة تنقل الله يحفظنا شي ورم علا شي حاجة ولكن أطباء اكدولي ماكين ولو
أنا تانشراب حبوب مانع حمل تنقل واقيلا منها حيت تتكون مكتوبة أ أنا ديما معصبة كيما قلت أخت تقدر تكون من أعصاب
الله يناجي جميع بنات مسلمين من كل حاجة خايبة
الله يشفي حبيبة

شكرا على الرد حبيبتي كنت محتاجا ليه انا خايفا لتكون شي حاجة خايبة لاقدر الله كنقلبهوم باليل والنهار ومكنلقا والو
اما بخصوص الادوية مكناخوذ حتى حاجة وحتى مانع الحمل مناخدوش وربي يجازيك كل خير على ردك

الله يشافي الجميييييييييييييع
والله طمانتيني بردك ربي يفرحك
من ناحية الاعصاب راهم فيا ساكنين ههه وخا مكنتعصبشي ولكن كلشي فالداخل كنكبتو ربي يحن علينا وخلاص
ولكن هادشي واش غادي يبقى هاكدا الا الاعصاب راه مغاديش يبرا كل مرة يرجع غادي

أختي مليكتي ماعندك مناش تخافي إن شاء الله مايكون غير الخير أنا فايتاني هاد الحالة كنت ماكنعس ماكنشوفو بقوة الوسواس وماقدرتش نمشي عند الطبيبة خفتها تقولي فيك شي حاجة ههههههه وواحد النهار تزير عليا الحال وداتني مانا بالسيف منين دوزت قاتلي مافيك والو غير شوية الأعصاب ههههه وخرجاتلي بومادا كدير 20 درهم ههههههههه النهار الأول للي درتها ماعاودت حسيت بشي حاجة الحمد لله حتى نتي دابا حيدي منك الوسواس وإلا شفتي الحريق شوية مجهد زعمي وسيري للطبيب وإن شاء الله ما يكون غير الخير

راه كيف قلت ليكم قريبتي مشاو يحمقوها الاطباء مالقاو عندها والو
حتى مشات للمستشفى العسكري عاد لقاو راه الاعصاب ايوى الله يشافيكم
وبالنسبة للاعصاب عليكم بالخرامة مطحونة ومنيلة تشربيها مساءا مع كاس حليب دافئ
او تشدي بنانة وتحليها على الطول ودهنيها بالعسل الحر ودردري عليها الخرامة مطحونة
راها كتهدئ الاعصاب بزاف
والله المستعان

ختي malikti
غير سيري عند طبيب غير باش بالك يرتاح شوية أ صافي ، تخيلي أنا يلاه تزوجت بشهر تزاير عليا لحال مشيت عند واحد طبيبة الله يساماحليها ، إوا دارتليا lechografie قلتلي vous avez une petite masse !!! gtliha caveut dire quoi ???
ماقلتلي ولو وجها تزاير أ بدات تتحمر قتلها غي قليلي شنو كاين قتلي ديري ماموجرافيي جتليها حتى لهاد دراجة ندير ماموجرافيي قتلها أنا يلاه عندي 23 عام واش غيك cancer د sein كتلة تايكون des éxeptions
إوا قلت حمد الله على كل حل أ هبت تانبكي راجلي تايكلي خبار لخير شنو كاين وأنا غي تانبكي أ تاتبانلي chemise ديالو tathaz والله لعظيم قلبه تايدرب قلتله عطتني ماماوجرافيي قلي أ من بعد يكون خير قتله لا شي حاجة خطيرة هادي
إوا أ ماموجرافيي خصك ديره نهار لي تجيك les regles وأنا كنت يلاه غسلا منها شهر وأنا تنسين على أعصابي أ تانتلاب الله أ تانبكا جلسة أ نشوف فيه تانجول باقة ماشبعت منو ههههه لحب أ مايدير أ ماما غي تجي عيني ف عينيها أنا نبكي أ هي تبكي
مشيت درت ماموجرافيي ، دارثاليا فرملة وأنا تدي ديالي صغير تاتجور على حار جهدها أ تبرك عليا ب ديك ألا أ تضحك معايا تتجلى هاد بزيزلات زوينين أ سغيورين أش غيك فيهم جاع ، سالت قتلي ماعندك ولو قتلها نشوف طبيب لي هنا جا قلي الله أبنتي أ مال وجهك صفر قتله غانموت بلخلعا قلي راماعندك ولو قتله طبيبة كتلة عندك وولسيسا صغيرة قلي هاهي الآلة لي ستاعملات طبيب أنا غانديرهاليك أ ما بأن ليه ولو لدرجة مسكين تايجولي و حياة ولادي ماعندك شي حاجة
صافي عطتني طبيب pomad سميتها progestogel أ duphaston نشرباهوم ٣ mois ، صافي يلاه دازات شهر وأنا نحمل أ حبست دوا أ مع أعصاب أ ستريسس درت إجهاض في شهر واحد الله يجعله طوير من طورت جنة …
صافي رجعت ناخد حبوب مانع حمل واخا حتى هي تاتأتار على تدي تدير فيه حري ولكن ماعنديش بديل
ولكن كاين وسواس ديما عندي فنم نسمع شي حاجة على سرطان تدي تانخاف لن يصيبنا إلى مكتب الله لنا ، أ لي قطر فيا بزاف هو جارتنا ماتت به أ هي ف تالاتينات أ خلت وليد أ بقى داك منظر ف عيني
لي نوصيك ماتعامريش راسك ب هادشي حيت غادة تمرض ، أ حتى كترت تقلب ب يدين غادة تزيدي داري راسك
شوفيهم ب ٢ ف مرايا واش ماكين حتى تغيير ألا رجلك ألا ختك يشوفو واش كاين شي بلاصة منفوخة ، ألا لحلمه فيها شي تيكماش ألا شي حاجة ألا شي إفرازات من تدي هادشي لي خطير
الله معانا كاملين أ الله يشفيك ؛ أ ماتبصيش تعصبي بزاف ههههه قليلي كون جا لخوخ يداوي كون دوا راسو حيت حتى أنا معصبة
إوا سمحيلي على هاد لجريدة بغيت نعودليك قصتي
ديري دورة عند طبيب نسائي منها حاجة أ زيارة دوزي على تدي أ والدة أ كلشي خارجي من ديك 200 dh ههههه
ف أمان الله

لحبيبة مليكتي خلعتيني اويلي اله يحفطك ليا نتي مالك مخلوعة انا ديما تانحس بهاد ي ما ن
دي ما نجيب بحال ميت العاصر تايقولي راسي غير هرمونات وراني متاكدة غير الهرمونات لي تايديروهاد نغزات انا مجربة وحق الله
شوفي يكما حاملة

خير ان شاء الله وجع عادي كلنا كنحسو بيه واكثرمين تقرب العادة الشهرية ماتخافيش اختي حتى تحيدي الشك سيري دوزي اومايكون عندك باس

لا اله الا انت سبحانك اني كنت من الظالمين