الميلفاي اللديد والسهل ساااااااااااارعوااا بالدخول

بسم الله الرحمن الرحيم
السلام عليكم ورحمة الله وبركاته
البارح صوبت حلوة الميلفاي لذيذة جدا كنت شفتها فواحد المنتدى الله يجازي بكل خير صاحبةالوصفة لأنها سهلة التحضير واقتصادية في متناول الجميع
مقادير العجين نحتاج
3 بيضات صغار
نهرسو البيض فكاس او نديرو قياسو ديال الزيت
2 معالق كبار عسل
2 معالق كبار خل
1 فاني
ملعقة صغيرة بيكاربونات انا مكانوش عندي درت الخمارة ديال الحلوى
الدقيق حسب الخليط
الطريقة
كنخلطو المقادير كلها مزيان الا الدقيق كنزيدوه شوية شوية حتى نحصلو على عجينة رطبة
نقسم العجين الى 5 كوي رات
كناخدو كل كرة نورقوها ونبسطوها مزيان حتى تكون رقيقة جدا
او كاناخدوها ونحطوها في الطاوة
دابا نحضرو لكريم باتيسيير اللي غادي نحتاجو لها
250 غرام زبدة
نصف لتر حليب
كاس سكر
1 فاني
3ملاعق كبيرة مايزينة او دقيق فورص

كندوبو الزبدة ثم نضيف المايزينة نحركو مزيان ثم نضيف الحليب السكر ولفاني
نحركو حتى بعقاد
كاناخدو دائرة ملي وجدنا نسرحو فوقها شوية كريم باتيسيير ثم نحطو فوقها واحد اخرى ثم كريم باتيسيير هكدا حتى نكملو جميع الدوائر
الطبقة الاخيرة ندهنوها بالكريم ونزوقوها بالشكلاط ثم نغطيوها بميكة ونخليوها ليلة كاملة عاد نقطعوها معينات ياله تكون رطابت
صدقوني كتجي روعة وحتى الطريقة سهلة جدا مكان لا عجين مورق ولاتمارة وغير مكلفة
هادوالصور ديالي نتمنى تبان حيت كنصور غير بالكام معدرة

نتمنى تروقكم وتجربوها