سلام عليكم .لبنات أنا فالحقيقة حيرانة ،حيت صوبت واحد لقرعة ديال زاج على دوقي،وبغيت ندير فيها لملحة ديال طياب ولكن واحد لمرة الله اجازها بالخير قالت لي مديريش فيها لملحة ،حيت غادي تتقب ليك لقرعة مع لمدة (لملحة كتاكل زاج ودير فيه تقبي).إو البنات شكون فيكم لحطات لملحة فازاج وترى لها هاد لمشكل أنا بغى نعرف واش هاد لمعلومة صحيحة ولا .الله ازين ايامكم 
hglgp ,.h[
كما بان لي حتى وحدة مادرت لملحة فالقرعة ديال زاج ،وقلة أنا غير كنخربق
السلام عليكم أختي أول مرة كنسمع بهاد المعلومة منين كنت فالمغرب كان عندنا دوك لقريعات ديال الزاج مدة طويلة ماطراليها والو ولكن جربنا الملحة فدوك لبواطات للي مكتوب فيهم مثلا كمون ابزار ديال الطين هاديك القرعة ديال الملحة ولات كحلة سبحان الله اما الزاج ما طرا ليها والو وكنشوفو شميشة عندها غي لقراعي ديال الزاج نتمنى نكون فدتك والسلام
شكراً شكراً بزاف أختي ريحتني قلت مع راسي صوبت قرعة وكتبت فيها إسم ملح ولكن مشى تعب ديالي هباء هههههههه إو غادي نكب فيها لملحة مهنية
اختي انا دايرا الملحة فقرعة ديال الزاج هاديك غير هضرة ماطرا ليها والو غير كوني هانيا وبصاحتك الديكور ماكرهتش نشوفو.
اختي انا دايرا الملحة فقرعة ديال الزاج
سلام أنيقات شكراً على رد أطيب و إنشاء الله غادي نصور لكم نتيجة ديال لقراعي
العفو احبيبة نحن في انتضار المفاجأة.
انا ديما كندير الملح ف قرعة ديال الزاج و عمري ما سمعت هاد المعلومة
اختي انا ملي عقلت على راسي ماما تدير الملحة في الزاج وحتى انا ملي تزوجت والو معمرها متقبات القرعة