14/06/2019
اللهم صل على محمد وعلى ال محمد كما صليت على ابراهيم وعلى ال ابراهيم وبارك على محمد وعلى ال محمد كما باركت على ابراهيم وعلى ال ابراهيم في العالمين انك حميد مجيد
هاد ط§ظ„ظ…ظ‚ط±ظˆط· كنت حطيتو فقسم العراضات وعجب لبنات وطلبو ليا لمقادير.نتمنى من الله تجربوه ويعجبكم واخا را الصور ناقصين حنت حتى بديتو عاد تفكرت وكنت اصلا مزروبة كنوجد للناس لي جاييني للكوتي
بسم الله
المقادير
زلافة سميدة غليضة
2 زلايف سميدة رقيقة
شوي لملح
زلافة مخلطة زيت وزبدة دالعبار
م ص قرفة
م ك سنيدة
للحشو
التمر مبخر(استعملت الجاهز)
م ك زبدة
م ك زهر
م ص قرفة
راس م ص قرنفل(ماعنديش مادرتوش)
الطريقة
كنخلطو النواشف كاملة اي السميدات بجوج ولملح وسنيدة ولقرفة ونبسبسوهم مزيان بالزيت والزبدة حتى يشربو ونغطيوه فبواطة حتال الغد
الغد نبداو بالتمر هوالاول نوجدوه انا كان عندي فالتلاجة وبخرتو شوي باش يدفى ويرطاب
وزدت عليه الزبدة ولقرفة والزهر وعجنتو مزيان
وعملت حرابل رقاق شوي
عاد جمعت السميدة بشوي الما بارد حتى شربات مزيان وتجمعات ولات رطبة
نقسموها كويرات ونخليوهم مغطين فلبواطة باش ماينشفوش ونخدمو بوحدة بوحدة
نعملو حربال طويل ونكرصوه ونعاودو نحفرو على الطول بصباعنا ونحطو التمر
ونسدو على التمر بلعجينة ونعاودو نحربلوها
نرشمو بلمرشم الخاص د ط§ظ„ظ…ظ‚ط±ظˆط· ونقطعوه
بيني وبينكم ما عجباتنيش الزواقة دلمرشم ماكتجيش باينة وانا نقلب الزواق غي بلموس
نستفوه فبلاطو
ونغطيوه على مابدينا نقليو باش ماينشفش
هنا طفات ليا لاكام ويني را القليان معروف ههه
ونطفيو مباشرة فالعسل منسم بالزهر والمسكة ونخليوه شوي مغمس باش يشرب
ونعملوه يتسقطر فشبيكة
هاهو وجد بالصحة والراحة
هدا لينا حنا مالين الدار مع كيكتي
وهنا ملي قدمتو لضيوفي
هنا بغيت نوضح واحد القضية.هادي كانت اول تجربة ليا فحياتي للمقروط لان مدة هادي وانا باغا نجربو مي كيقولو ليا ضروري من السميدة المويان وعييت نقلب عليها مالقيتها وفالتالي خلطت الغليضة والرقيقة وتوكلت على الله
هادي من جهة.من جهة اخرى كيقولو بلي ايلا بغيتيه يجي رطب خاصو يتبسبس ويبات حتال الصباح عاد يتجمع يعني دكشي لي درت انا.ويني شاط ليا شوي التمر وتقادات العجينة وعود درت زلافة مخلطة سميدات وبسبستهم وجمعتهم وصاوبت شوي سير بلاص sur place يعني مابيتوش خلطتو وقليتو ديك الساعة ونفس النتيجة
هاهو
المهم ياربي لي جرباتو يصدق ليها ويعجبها كيفما عجب ضيوفي
في امان الله
hglrv,’ ]dhgd
للاسف بغيت نجربو لكن مبعده على المقلي واش يمكن ندخلو للفرن
المشاركة الأصلية كتبت بواسطة مدام ميمي 
للاسف بغيت نجربو لكن مبعده على المقلي واش يمكن ندخلو للفرن
السلام عليكم ورحمة الله تعالى وبركاته
الله يبارك فيك ا حبيبة.اه احبيبة ممكن طيبيه فالفران كنت شفت هاد القضية فليوتوب وملي يطيب سقيه مزيان وهو سخون فاللاطة بحال قضية بحلاوة
المشاركة الأصلية كتبت بواسطة miiiira السلام عليكم ورحمة الله تعالى وبركاته.الله يبارك فيك ا حبيبة.اللهم امين
المشاركة الأصلية كتبت بواسطة ورقة الحنة السلام عليكم ورحمة الله تعالى وبركاته.الله يبارك فيك ا حبيبة.فيدينا بطرقتك يلا كانت حسن علاش منجربوهاش حتى هي
المشاركة الأصلية كتبت بواسطة مدام ميمي للاسف بغيت نجربو لكن مبعده على المقلي واش يمكن ندخلو للفرن
اولا تسمح لي الاخت خديجة على التطفل — غير بحكم تجربتي بغيت نفيد الاخت ميمي
درتو شحال من مرة فالفرن حينت حتى انا تنحاول نبعد على المقليات وجا هشيش وغزال ولكن ضروري ضيفي للسميد واحد جوج معالق كبار ديال الفورص وشكليه كيف بغيتي وزوقيه وستفيه فشي لاطة يكون قريب لبعضو وطيبيه وغير تخرجيه من الفرن طفيه فالعسل
ان شاء الله غنديرو ونحط الطريقة وممكن تبحثي فاليوتوب وتلقاي الطريقة بالتفصيل
مرة اخرى تبارك الله عليك لا لا خديجة واستسمح منك
المشاركة الأصلية كتبت بواسطة Loulouchemlali السلام عليكم ورحمة الله تعالى وبركاته
الله يبارك فيك ا حبيبة
المشاركة الأصلية كتبت بواسطة ورقة الحنة درتو شحال من مرة فالفرن حينت حتى انا تنحاول نبعد على المقليات وجا هشيش وغزال ولكن ضروري ضيفي للسميد واحد جوج معالق كبار ديال الفورص وشكليه كيف بغيتي وزوقيه وستفيه فشي لاطة يكون قريب لبعضو وطيبيه وغير تخرجيه من الفرن طفيه فالعسل
ان شاء الله غنديرو ونحط الطريقة وممكن تبحثي فاليوتوب وتلقاي الطريقة بالتفصيل
مرة اخرى تبارك الله عليك لا لا خديجة واستسمح منك
السلام عليكم ورحمة الله تعالى وبركاته
لا لا ا حبيبة ماكاين لا تطفل لا والو وماكاين لاش طلبي السماحة بالعكس شكرا على النصيحة والاضافات.وحنا اصلا هنا باش نفيدو ونستافدو ونوريو بعضنا.ياريت تحطي لينا ديالك ا حبيبة.حنت الفران صحي على القلي غير هو الوصفة الاصلية الجزائرية والوجدية كيقليوه
المشاركة الأصلية كتبت بواسطة ام ملاك الحبيبة السلام عليكم ورحمة الله تعالى وبركاته
الله يبارك فيك ا حبيبة وشكرا على الثتبيت والتقييم